من زمرة الطــاغوت حــذراك حــذراك

يا الله يا اللي نبتهل لـك ونخشـاك =يا خالـق الدنيـا ورافـع سماهـا
يا واحدٍ ما هي بتحصـى عطايـاك =لخلق كل الخلـق محـدٍ حصاهـا
الجود من جودك وعطفك وحسناك =يا مستجيب الداعيـه فـي دعاهـا
أنت الكريم اللي نخافـك ونـدراك =لولاك نفسـي مـا تحقـق مناهـا
إنك تثبتني علـى غايـة ارضـاك =عبدك ولا غيـرك حياتـي ولاهـا
سجدت لك يا دايـرٍ كـل الأفـلاك =يا غاية الشكـوى ويـا منتهاهـا
لولاك يـا رب السمـاوات لـولاك =ما تقبل التوبه علـى مـن نواهـا
يا العبد مالك غير ربّـك ومـولاك =كل البشر تفنـى ويمحـى ذراهـا
اهْو الذي صوّرك سـوّاك وأنشـاك =إعجاز ما وصل البشـر مستواهـا
لا تشمت العالم وتنسـى خطايـاك =احكم هوى نفسك وحاسب خطاهـا
حاسب ضميرك قبل لا تدفع خطـاك =كم من قدم قلب المشقـى حفاهـا
عليك بالإحسـان والـرب يحمـاك =من قدم الحسنـات يلقـى جزاهـا
شيطان نفسك لا يغـرّك ويغـواك =قبلك غوى نـاسٍ وكـدّر صفاهـا
من زمرة الطاغوت حذراك حذراك =لا تبتلي بجروح يصعـب دواهـا
وإذا مشيت اعرف دروبك وممشاك =احرص على نفسك وخالف هواها
أمّارةٍ بالسـوء مـا هـي بتنهـاك =اقبض عليها لين يجلـى صداهـا
اقطـع نواياهـا بدينـك وتقـواك =هلّـل وعنـد الله سريـعٍ شفاهـا
والعين لا تنظر بها مـن تعـدّاك =المحصنه لو تلتفـت لـك وراهـا
اصبر على همّك وغمّـك وبلـواك =عف وتعفـف لا يغـرّك حلاهـا
واترك حرام القوت ما هو بيمـلاك =كل البطون الجايعـه مـا ملاهـا
رشفة حلال اتسد جوعك ومضماك =تسوى مشاريب الحـرام وغثاهـا
النار في جوفك وتصلـى حنايـاك =نار الجحيم تزيـد للـي وطاهـا
واحفظ لسانك لا يجـرك ويبـلاك =اخذ الثمينه لـو غلـى مشتراهـا
الهرج ميزانك ويكشـف خفايـاك =كلمـة تعيبـك لا تبيّـن نبـاهـا
صون الكلام وصون نفسك ومبداك =للنفس حشمـة لا تفصّـم عراهـا
اصمت مدامك عارفٍ سير مجراك =لا تنقـل النّمـة وتبحـث خفاهـا
يزول قدرك عند أقـرب دنايـاك=لو هو ولد عمّـك حياتـك جفاهـا
واحلم تراه الحلم يرفـع مزايـاك =هو سيّد الأخـلاق هـو مبتداهـا
وصّى به المبعوث ما هو بيخفـاك =شفعينـا يـوم المـلاقـاة طــه
خل الجهل لا تجعل الغيظ ياطـاك =ترى الجهل سم القلـوب وعماهـا
وإلى ابتليت ارفع إلى الله شكـواك =لا بدّها الأيـام تكشـف غطاهـا
اصبر يزين الحظ ويزين مرمـاك =الله يفرّجـهـا ويـدفـع بـلاهـا
لا تمنع المحروم لا مـن تنصّـاك =الناس لأجل الناس وأحسن عطاها
ابـذل لوجـه الله والله يـجـزاك=مثل الغروس اتطيب للـي سقاهـا
لا ضاع معروفك ولا ضاع حسناك=إن كانهـا لله تلـقـى جـزاهـا
جارك ولو هو جار تسقيه من ماك=عليه لا ترفـع يدينـك عصاهـا
أحسن جوار الجار لو كان يشنـاك=ترى العرب تحشم كلاب اقصراها
بكـره يشـد ويكتـب الله فرقـاك =عساه يذكر جيرتـك مـا نساهـا
الظلم شين ويجعل النـار مثـواك=راع الظليمه عيشتـه مـا هناهـا
فوقك إله العـرش عالـم نوايـاك =ينظر قلوب الناس وش محتواهـا
يسمع بما تجهر وعارف خفايـاك =بأمره شروق الشمس ترسل ضياها
هو عالمٍ غيبك وركّـب خلايـاك =هو خالقٍ فيك العـروق ورواهـا
والضيف له حقٍ إلى حل بحمـاك =قلّط ضيـوف الله وأكـرم لحاهـا
لا تحقر الضيفان واتشـح بغـذاك =من ما عطـاك الله قلّـط عشاهـا
وعليك باللي حزة الضيـق يفـداك =لا شانـت الدنيـا ودارت رحاهـا
لا من زهمته لو على الموت لبّاك =عيني لجل عينك وروحـي فداهـا
ترى الخوي نبراس روحك وملْجاك =لا كلّحـت بقعـا وزادت غثاهـا
حذراك من بعض المخاليق حذراك =بعض العرب ما تفرقه من نساهـا
تايه وضايع بيـن ذولا .. وذولاك =فيـه الجهالـة واصـلٍ منتهاهـا

لشاعر راشد بن زميع القحطاني

ماشاء الله قصيده تستحق الوقوف والاعجاب لما فيها من النصايح والحكم
صح لسان قائلها الشاعر القحطاني
وتسلم يد كتبتها ونقلتها
ماقصرت ياخوي وتاج راسي بيض الله وجهك

تسلم يمينك على الطرح الجميل
وجزاك الف عافيه
وتقبل مروري

صح الله لسان الشاعر راشد القحطاني
مشكور اخي بان لحول على الذوق الرائع

اللة يعطيك العافية على هذا الطرح الجميل

المشاركة الأصلية كتبت بواسطة الحجباوي

ماشاء الله قصيده تستحق الوقوف والاعجاب لما فيها من النصايح والحكم
صح لسان قائلها الشاعر القحطاني
وتسلم يد كتبتها ونقلتها
ماقصرت ياخوي وتاج راسي بيض الله وجهك

شرفني مرورك اخي الحجباوي

وتسلم ياتاج راسي ووجهك ابيض لاهنت

دمت بحفظ الرحمن ورعايته

المشاركة الأصلية كتبت بواسطة صياد الاسود

تسلم يمينك على الطرح الجميل
وجزاك الف عافيه
وتقبل مروري

ومن يقول يسلم

لاهنت اخي صياد الاسود

ومشكور على المرور

المشاركة الأصلية كتبت بواسطة الفاطمي

صح الله لسان الشاعر راشد القحطاني
مشكور اخي بان لحول على الذوق الرائع

نعم اخي الفاطمي صح الله لسان الشاعر راشد القحطاني

قصيدته رائعه جدا وفيها نصايح وحكم كثيره وهكذا الشعر والا فلا

شرفني مرورك اخي العزيز

دمت بحفظ الرحمن ورعايته

المشاركة الأصلية كتبت بواسطة ابو صقر

اللة يعطيك العافية على هذا الطرح الجميل

واياك الله يعطيك العافيه

وتسلم على مرورك

دمت بحفظ الرحمن ورعايته

وإذا مشيت اعرف دروبك وممشاك==احرص على نفسك وخالف هواهـا
أمّارةٍ بالسوء مـا هـي بتنهـاك==قبض عليها لين يجلـى صداهـا
اقطـع نواياهـا بدينـك وتقـواك==هلّـل وعنـد الله سريـعٍ شفاهـا
والعين لا تنظر بهـا مـن تعـدّاك==المحصنه لو تلتفـت لـك وراهـا
اصبر على همّك وغمّـك وبلـواك==عـف وتعفـف لا يغـرّك حلاهـا

قصيده جميله وفيها وعظ يجب التمسك به
شكرا لك يابن لحول على نقلها
مع تقديري واحترامي