يا متعب القلب

بسم الله الرحمن الرحيم

يا متعب القلب قلي ويـش غلطاتـي
ان كنت انا اقدر اعدلهـا .. بعدلهـا
لصرت تجهل عناء الدنيا .. وضيقاتي
من دون ماشرح لك اوضاعي تأملهـا
الوقت ضدي .. حرمني من ملذاتـي
والصد بعدك ذبح روحي .. وكملهـا
لا .. لايغرك كثير الصمت .. وسكاتي
خل المشاعر تقول ( الآه ) وإسألهـا
يسكني الحب .. واضح من عباراتـي
وش عاد لجلـك حروفـي لـو أذللها
عذبني الشـوق واسرفـت بخيالاتـي
روح ٍ تحبك دخيلـك ليـه .. تهملهـا
ياليتك إشـوي تشعـر فـي معاناتـي
دنياك يمكن عليـك تضيـق باكملهـا
الحزن كنه سفيـري فـي علاقاتـي
والهم خيّم علـى حالـي .. وطولهـا
اغديت دربي وتاهت فيـك خطواتـي
كل المواعيـد مـدري ليـش تجلهـا
سنين احاول وضاعت كـل حيلاتـي
متدري اني ( حيـاة الـذّل ) مقبلهـا
لجيتك أسال وادوّر فيـك ضحكاتـي
كنك تعمـد بيديـك اليـوم .. تقتلهـا
لا تترك الظـن يلعـب باحتمالاتـي
الكلمه اللي تحـزّ بخاطـرك .. قلهـا
تعال شفني وحـس بحـال لوعاتـي
كن الدقايـق بدونـك عـام مطولهـا
متى التباشر بقـدوم ( الغـلا ) تاتـي
فرحة زمانـي بشوفـك مـا تخيلهـا
خلاص صبري تعـدى كـل هقواتـي
اتعبت نفسـي ( اعزيهـا .. وعللها )
ابيك تنسى وتدمـح كـل ( زلاتـي)
بعض البشر صعب مانقـدر نزعلهـا
والحين جيتك ابمسـح كـل غلطاتـي
دنيـا ي دونـك وربـي ماتحملـهـا

تحياتى اخوكم ابو صخر المصعبي

يا متعب القلب قلي ويـش غلطاتـي؟؟؟؟؟؟؟؟
شكرا لك ياخوي

متدري اني ( حيـاة الـذّل ) مقبلهـا
لجيتك أسال وادوّر فيـك ضحكاتـي
كنك تعمـد بيديـك اليـوم .. تقتلهـا
لا تترك الظـن يلعـب باحتمالاتـي

قصيدة روووووووعة ابوصخر المصعبي
الشكر لايكفي لعباراتك الحلوة

مشاءالله عليك

القصيدة مايبالها كلام
جميله جميله

بس نتريا المزيد

تحياتي لك اخوي

متدري اني ( حيـاة الـذّل ) مقبلهـا

يعطيك العافيه يا بو صخر