قصيدة بنت سمعت خبر زواج حبيبها

جاني الخبر يا صاحبي واظلم الكون
قــدام عـيـني ثــم نـطـقت الـشهاده

عـلـى الـعـموم اقـولـها الـف مـليون

مـبـروك مــن قـلـب شـكـالك ابـعـاده


مـبـروك لا يـهـمك سـواليف وضـنون

مــن عـاشـق يـهـديك فـرحـة فـؤاده


ســوّ الـفـرح الـيوم وابـليس مـلعون

والـلـي يـشـب الـنـار يـجـني رمــاده


انــا اول الـعالم عـلى الـقصر يـلفون

اول مــعــازيـم الـــفــرح والـــحــداده


ابشر انا برقص على العرس بالهون

كـــــلٍ يــعــبـر فــرحــتـه بـاجـتـهـاده

لـــو الـبـلا رقـصـي يـقـولون مـزيـون

الـمـشـكـله الــقـلـب يـفـضـح وداده


يــوم الـعـذارى فــي دخـولك يـغنون

وعـروستك بـأحلى ثـواني الـسعاده


كــنـت اتـمـنـى بـدالـهـا والله اكــون

واحـط انـا كفي تحت راسك وساده


وشلون ابكتم صرختي يوم تمشون!

تـكـفى .... خـذنـي لـلعروسه قـلاده


حـتى مـعازيم الـفرح قـاموا يمشون

واصـبحت انـا وحـدي بدون استفاده

وطـفّـو عـليّ الـنور مـن غـير يـدرون

قـصـر الـفـرح يـا قـبريّ ومـهاده


وصـيـتي لــو جــاتك بـنـت وانـا امـون

سـمّـها عـــــلى اســـمي قـــبل الـولاده


صراحه لا تعليـق وخصوصـآ على البيت الاخيـر