مقاطع شعريه لـ هزاع العريفي

هي مجرد مشاعرلم ولن تكتمل حضرتني في وقت لم استحضرها سواء كنت على كرسي الدراسه او في السياره او المجالس

ودونتها من باب الحفاظ عليها وهي جميعها كلماتي



رهنت القلب في حبك
وغبت وزادت اوجاعه

الا ياليييتني جنبك
اشوفك بس لوساعه



يلّلي تركت القلب متعني و جريح
ودعتك الله ما يصح الّلا الصحيح
بنساك وانسى ماضيٍ عشته معاك
باااب ٍ يجيب الريح سده واستريح




تبغي تشوف اكرم سحابه بليّــاك ؟
سحاب عيني فالخفى فاقت المزن

وتبغي تشوف اكبر تناقض بدنياك ؟
شفني وانا اضحك ومن داخلي حزن



ياخــويي ما تضام وجـــاتك الفـــزعه فــدى
لو على روحي حيــــــاتك مايكدرها ردي

عادتي لاقلت قولي ظل من خلفي صدى
يشهد اني عند قولي حاضرن في موعدي




بعض البشر لوغاب ياجعل دايم
ياجعل ما شوفه ولاعـــــاد القاه

ماقول غيباته تجيـــب الغنــــــايم
راس الغنـــــايم في غيابه وفرقاه





اشتقت لك واشتاق لك جوالي
من غيبتك رقمي نشد عن رقمك

قال الاســـــامي كلـّـــها في بالي
بس ماشغل بالي اسم كثر اسمك


يارب تجعـل جنة الخلد سكناي
وتبعثـنيْ من قبري بليـّا يساري
ودّي تقـدم ابيض الفعـل يمناي
والقى رسول الله وصحْبه جواري

كل ماقابلت صاحب واعتقدت انه (وفـي )
يطلع بعيـني جبـال وقبـل لايوصل يطيح !

إللي يخون الناس من شـان يرضيـك
من شان يرضي الناس باكر.. يخونك







يقولون الـزمن غدار يطعن فالظهـر دايم
وانا قول الزمن مسكين والسكين من عاشه






خلوووووووه يظلم على كيفه ... وخلّوني
مصيـرْ الايام تضـحـك لي ...وتبكي له





حبيتي يازينها من مثلها بين البنات ؟ !
كل البنات اصفار تركن فالجمال شْمالها
ياما تحدنها ولكن للاسف راحن فتات
حتى القمر يومه تحداها طفى في شالها




ماقول قلبي ينبض الحب لجلك
بقول لجلك ينبض القلب ويعيش






ألا ياطبيب القلب سويلي الصوره
وخلني اشوف حبيّبي داخل فوادي
ترى الشوق متعبني وحنتْه معذوره
عسى شوفته تبري لي العوق وجْهادي
احبه كما حـب الجماهير للكوره
وقلبي غدى له مرتع اللعب والنادي
ويلعب على كيفه ولضلاع جمهوره
ضلوع ٍ له تصفق مع ضْلوع ٍ تنادي





لاتقول اني اخونك!!.. الخيانه شي كبير
ولو تصر اني اخونك فآنا قدخنتك معاك
ماسكن غيرك بقلبي وانت في عمري عشير
ومستحيل ابواب قلبي تفتح لحد ٍ سواك

حبك خطاي ومايصح إلا الصحيح
ودعتـك الله قالهــا قلبي الجريح
يكفي تعب يكفي سهر يكفي جروح
وباب ٍ يجيب الريح سده واستريح



صحيح حبيتـك ولكن ذا خطاي
ارضيك وانتـه ماتدور لي رضاي
انسان متكبر على قولتكْ هـاي
والهاي قدامي يجـي يوم ويطيح

العــمر قصــة حزن فيها تـألمت
ساقتني اقداري بها حامـل اشجـان
والشــوق صحرا من قفرها تعلمت
من دون وصل الغيـث كل حيّها فان
والحب درب ن سرت فيه وتنـدمت
من ضاع في وعـره غدى دون عنوان
والصدق بيت ويسكن اركانه الصمت
فيه الـوفا صوره على صـدر حيطان
امــا الصداقه شي لامن تكـلمت
آخاف يصحى الجرح ويْثـير بركـان





تدري وش الفرق الوحيد .. بينك وبين الياسمين
هو لو كبر يذبل حلاه .. وانت في كبرك تزين






من مد لي بالكف ود آمد له كفـين ود
ومن لمحني شوف ضد آرد له نظرات ضد
ابيع عمري واشتري راعي الوفا وش ماغلا
والردي اصـله ردي ماهمـني لو راح رد

الهرج مقياسك ليا قيل رجال
وماكل من قاسوه فيه الرجوله
بعض الحكي يرفع مقام اللذي قال
وبعض الحكي صغّر قدر من يقوله
امّا تقول الخير في كل الاحوال
ولا تـراه الصمت يازين قوله

صح لسانك

رهنت القلب في حبك
وغبت وزادت اوجاعه

الا ياليييتني جنبك
اشوفك بس لوساعه



تسلم يمينك أخوي ابداع ماوراه ابداع .. كلمات تحمل من الاحساس الكثير ..أرجو أن تقبل مروري ..

ماشاء الله كل هالابداع وتقول مجرد مشاعر إن شاء الله قريب تصدر ديوان

مشاعر رائعه ما كتبت اخي هزاع

تصلح رسائل جوال

تقبل اعجابي ومروري

الهرج مقياسك ليا قيل رجال
وماكل من قاسوه فيه الرجوله
بعض الحكي يرفع مقام اللذي قال
وبعض الحكي صغّر قدر من يقوله
امّا تقول الخير في كل الاحوال
ولا تـراه الصمت يازين قوله


كلمات رايعه شكرآ لك وتقبل مروري

هلا بالي جتني علومه .... خلطه ابيات من كل وادي
احساس وذوق معلومه .... قالها الشاعر هزاع شادي
شدى بها من ظيق همومه .... في دنيا حضر وبوادي
يسلم الرأس وعلومه ..... من قالها شخص ينادي
على الناس وجموعه .... يبي يعرف اخبار الفؤادي
---------------------------------------------------
وهذة اول مشاركاتي في حياتي ان شاء تنال اعجابك .

هزاع : ابيات في قمه الروعه تسلم يمينك , واصل والى الامام .
اخوك فتى ال مطهر .

صح لسانك

الهرج مقياسك ليا قيل رجال
وماكل من قاسوه فيه الرجوله
بعض الحكي يرفع مقام اللذي قال
وبعض الحكي صغّر قدر من يقوله
امّا تقول الخير في كل الاحوال
ولا تـراه الصمت يازين قوله


ياجماعه لقد تنقلت بين اعذب الالحان واروع الكلمات تخيلت نفسي اجاري نفسي ايهم احلى فلم تستطيع ان تميز ولكن من الاعماق شكرا ياهزاع وشكرا على الكلمات الرائعه التي كلها حكم لك شي للحب والعشق للظلم والقهر للكرم والجود للصفات التي تتسابق عليها الرجال عددت ووفيت ولك التحيه من الاعماق وكم اعجبني الابيات التي اقتبستها اعلاه لما فيها من حكم ولكن لدى سؤال وبدون احراج كم عمرك ؟؟؟
اعتقد انك ستقول صغير ولكن سوف اقول لك انك كبير وكبير جدا في عيني وعين الجميع ولك التحيه ...

اقتباس اجباري ::تدري وش الفرق الوحيد .. بينك وبين الياسمين
هو لو كبر يذبل حلاه .. وانت في كبرك تزين