تسكت على اخوك وقت الغلط؟

امسيكم بالخير يا اهل الذوق

انا بدخل في صلب الموضوع من دون اي مقدمات, السالفه وما فيها انه تخيل انته مريت على فتره في مراهقتك او حتى بعد المراهقه, و هاي الفتره غلطت فيها يمكن غلطات على مستوا العايله و الدين و الاخلاق.
ولكن الحمدلله ربي هداك بعدها و جاك عقلك و تبت و معاد عدت للي كنت تسيه..

ليكن الحين جا دور اخوك و بديت تشوفه يتبع خطواتك ويمر بنفس اللي انت مريت فيه حتى يمكن بصوره اقوى لأنكم عارفين نوعية هذ الجيل جديد,
الحين يجي سؤال الموضوع,,
"هل تديه بالعصا ولا بالنصح لأنك فاهم خطورة هذا الموضوع ؟؟ ولا تقول فتره و تعدي يلا كل الاولاد يسوونها ما فيها شي؟؟؟"

لاحظت هذي الظاهره الخطيره بيننا يا جماعه, هي موجوده في كل العوايل الخليجيه وطبعا من ضمنها قبيلتنا الغاليه
انا شخصيا يوم كشفت اخوي و هو ماسك سيجاره في سن ال15 سنه اول شي سحبتها منه بشده قويه مع انه حبيبي و اعزه, وبلغت الوالد عليه عشان يتصرف معاه. وفي نفس الوقت, لاحظت من اصحابي من يشهد على اعمال اخوانه التي قد تتضمن التدخين على سبيل المثال فقط (انتوا عارفين اللي اقوا منها) و يقولك هذا الشاب عن اخوه "ياخي الا باقيله كم من سنه و يخرج عن السيطره اصلا" يعني بالعربي نحنا غاسلين ايدنا منه من اولها!
اصلا اذا الولد ما انمسك و انضرب في هاي الفتره, متى ياجماعه بيشوف العصا, و هو بعد العشرين سنه؟
لا تنسوا انه من شب على شي شاب عليه, و لا تحسبوا انه كل ولد قده رايح فيها. اهم شي يتربى صح والباقي على وازعه الديني و خوفه من الله.

الله يهدي اخوانا يا جماعه وهما مستقبل المصعبين ولا طز فيهم يسوا ذي يبوه. ولحنا نبا نشوفهم بأحسن سمعه ولا نبا حد يقع يلقط عليهم كلمه ولا غلطه.

وش رايكم يا جماعة الخير؟ شاركونا آرائكم الطيبه وتجاربكم المفيده.

السلام عليكم
لحولي اهنئك على مواضيعك الحلوه..نفس الموقف صار من كم شهر .. بالصدفه اخوي العود ياي من وقت للبيت .. وشاف اخوي اللي عمره 16 سنه يدوخ برا !!!

بصراحه سحب الزقاره .. شل تليفونه .. مايظهر من البيت الا للمدرسه .. ومنعه من كل شي .. لين شافه مره ثانيه .. وضربه ضررب .. وحاولت اتكلم معاهم واتدخل في الموضوع لانه قلبي عورني عليه وهو ينضرب ..

انا اشوف الضرب هب حل .. يعني بالطيب بيقدر يودر هالدرب الغلط لي يمشي فيه .. بس الزقارة احسها ادمان ومايودرونها بسهوله !! ..
وترى رفقة السوء ياخويه لها تأثير .. و حتى المراهق نفسه يقول انا كبرت ليش ما أجرب و أسوي ..
في هالفترة المفروض الاهل لا يرخون مع المراهق ولا يشدون .. بالعكس يماشونه بالسياسه ...
هذا رأيي ..

وتقبل مروري

المشاركة الأصلية كتبت بواسطة إماراتيه

السلام عليكم
لحولي اهنئك على مواضيعك الحلوه..

شي مش غريب مني ياخويتي

المشاركة الأصلية كتبت بواسطة إماراتيه

نفس الموقف صار من كم شهر .. بالصدفه اخوي العود ياي من وقت للبيت .. وشاف اخوي اللي عمره 16 سنه يدوخ برا !!!

بصراحه سحب الزقاره .. شل تليفونه .. مايظهر من البيت الا للمدرسه .. ومنعه من كل شي .. لين شافه مره ثانيه .. وضربه ضررب .. وحاولت اتكلم معاهم واتدخل في الموضوع لانه قلبي عورني عليه وهو ينضرب ..

وربي اخوش كفووووووو!!! انا توقعت الحين بتقوليلي مشاها له نفس حال نص الشعب حاليا, بس طلع خايف عليه.

المشاركة الأصلية كتبت بواسطة إماراتيه

انا اشوف الضرب هب حل .. يعني بالطيب بيقدر يودر هالدرب الغلط لي يمشي فيه .. بس الزقارة احسها ادمان ومايودرونها بسهوله !! ..
وترى رفقة السوء ياخويه لها تأثير .. و حتى المراهق نفسه يقول انا كبرت ليش ما أجرب و أسوي ..
في هالفترة المفروض الاهل لا يرخون مع المراهق ولا يشدون .. بالعكس يماشونه بالسياسه ...
هذا رأيي ..

وتقبل مروري

بقولش شي, ذولا معاد ينفع الطيب وياهم.
نحن على ايامنا كن نسمع اصوات اهلنا و نتخبا في الغرف, الصراحه تنقال يعني كنا نسوي لهم اكبر حساب و غلطاتنا كانت روحه للدكان في العصر و هم نايمين هههه!

طبعا رفقة السوء من غيرهم, الواحد يتخير من يرابع مش اي حد وياه في المدرسه ولا تعرف عليه من الشارع صار صديقه العزيز و قدوته في كل شي.

اشكر مرورش الطيب ووصلي سلام خاص لخووش على حسن التصرف عنده! عجبني الصراحه خير سوا..

المشاركة الأصلية كتبت بواسطة لحولي

شي مش غريب مني ياخويتي



وربي اخوش كفووووووو!!! انا توقعت الحين بتقوليلي مشاها له نفس حال نص الشعب حاليا, بس طلع خايف عليه.



بقولش شي, ذولا معاد ينفع الطيب وياهم.
نحن على ايامنا كن نسمع اصوات اهلنا و نتخبا في الغرف, الصراحه تنقال يعني كنا نسوي لهم اكبر حساب و غلطاتنا كانت روحه للدكان في العصر و هم نايمين هههه!

طبعا رفقة السوء من غيرهم, الواحد يتخير من يرابع مش اي حد وياه في المدرسه ولا تعرف عليه من الشارع صار صديقه العزيز و قدوته في كل شي.

اشكر مرورش الطيب ووصلي سلام خاص لخووش على حسن التصرف عنده! عجبني الصراحه خير سوا..

هههه ... ذكرتني ب أمي .. كنت اروح بيت الجيران العصر وتزعل مني ..

بس بخبرك ياخويه .. بالعكس هذيلا في هالسن مايفكرون اذا رباعتهم اوكي او لا .. اهم شي القا لي واحد يسوي اللي انا اباه وبس .. يعني تصرفاتهم متشابهه !! وحتى لو اخوك قدامك مايدوخ ولا يسوي شي يطلع من 7 الصبح لين 2 الظهر ماتعرف شو يسوي في المدرسه .. الي يدوخ واللي يشرد واللي يسوي اكثر من جذيه .. الرك عند الاهل .. صدقني الواحد يمشي المراهق بالسياسه كل شي بيكون تمام ..

يرد عليك السلام يا لحولي .. ويقولك لا داعي للتصفيق

مايجوز رخي الحبل مررررررررره ولا شدها مرررره
انا الحمدلله عندي اخ عمروا 18 بس عاقل يعني مايحب الخربيط والله الحمد
بس اذا شفته يسوي شي غلط اكيد مابخليه لانه زي ماقال لحولي من شاب على شي شاب عليه
ولازم يكونه الاهل حازمين مع المرهقين حت يوصل لبر لامان وهو في خير

تقبل مروري

أول شي أشكرك على طرح عالموضوع يالأحولي
بعدين لا والله صرت تسكت، تحطلنا مواضيع على مستوى
لا والله يبالك صفقه

المهم، شف الصدق يالاحولي انه محد معصوم من الغلط و انه الكمال ماهو الا لله
و أنا ما عندي اخوان أصغر عني، يعني ما أقدر أتكلم عن خبره، بس أكيد أقدر أعطي رايي في الموضوع

أكيد لو أخوي الصغير غلط بشي و كان هذا أول شي أشوفه عليه، أبدا لازم بالنصح و الكلمه الطيبه لانها والله تأثر بالواحد أكثر من الضرب و التهديد
لكن اذا عادها و رد غلط مره ثانيه، سواء عاد نفس غلطته أو سوا شي ثاني، بيكون طبعاً تصرفي معاه غير
يعني أول شي اذا كان فرق العمر بيننا كبير بطيح فيه و أهزأه لانه ما مشى معه الطيب و أظربه بعد اذا الموضوع يستاهل، أما اذا كان ما بيننا الا كم من سنه و مالي هيبه عنده بوصل الموضوع لأخ أكبر مني أو للوالد

بعدين ياريت يالاحولي لو توقف عالتدخين، لكن في الحين من شبابنا اللي يكلم بنات و يواعدهم و يطلع معاهم و الله يستر على اللي أكبر منها
ما اقول الا الله يهديهم و يعقل اهلهم ينتبهون لهم قبل ما يطيحون في اللي أكبر منها و يطيح الفاس بالراس
الأساس أولاً و أخيراً هو التربية. يعني لو مربين الولد على الدين، يطلع ملتزم و يخاف ربه و يفكر مليون مره قبل لا يسوي شي. و أنا أشوف اذا الواحد مهما كان عمره يحب أهله و يعزهم ما يسوي الحرام من وراهم أبداً، لانه ما يريد يخون ثقتهم فيه

و مشكووووووووور عالطرح يالحبيب

المشاركة الأصلية كتبت بواسطة إماراتيه

هههه ... ذكرتني ب أمي .. كنت اروح بيت الجيران العصر وتزعل مني ..

بس بخبرك ياخويه .. بالعكس هذيلا في هالسن مايفكرون اذا رباعتهم اوكي او لا .. اهم شي القا لي واحد يسوي اللي انا اباه وبس .. يعني تصرفاتهم متشابهه !! وحتى لو اخوك قدامك مايدوخ ولا يسوي شي يطلع من 7 الصبح لين 2 الظهر ماتعرف شو يسوي في المدرسه .. الي يدوخ واللي يشرد واللي يسوي اكثر من جذيه .. الرك عند الاهل .. صدقني الواحد يمشي المراهق بالسياسه كل شي بيكون تمام ..

يرد عليك السلام يا لحولي .. ويقولك لا داعي للتصفيق

انا ملاحظ انه معاد صار عنده فرديه في آراهم, يعني يتبعوون الجماعه
شوفي اتفه الدلائل
لأن ربعه كلهم نوكيا قايل الا ما يشتري نوكيا
لأن ربعه يشربوون ديو لازم يشرب وياهم ديو
لأنه ربعه كلامهم نصه مصخره لازم يتمصخر وياهم ولا بيقولوا فكونا من هذا الجاد

اخس شي ان الواحد يكون ضمن شله لأنه يتبعهم بطريقه عميانيه,
يوم الواحد يكون عنده خليل ولا خليلين تحصلهم فاهمين بعض و يبون الخير لبعض و متصادقين عن حب في الله مش منظره قدام الناس.

صح كلامش يروح المدرسه ولا ندري عنه, عشان كذا مهم انه يكون متأسس صح في البيت. لو مافي "الوازع الديني" اولا ولا "هيبه للأهل" ثانيا الولد ما بيوقفه شي. خصوصا لما يكون متأكد انه مافي عوااااااقب!
عشان كذا انا صاير من مؤودي الضرب وحركات سحب موبايل و منع طلعات.

المشاركة الأصلية كتبت بواسطة حضرميه

انا الحمدلله عندي اخ عمروا 18 بس عاقل يعني مايحب الخربيط والله الحمد

يوووووووووووووه ما تدرين وش يسي من وراش
بس حلوه الثقه, ان شا الله يكون قدها بس و ما يطلع بو ويهين

واشكر مرورش الطيب!

المشاركة الأصلية كتبت بواسطة تحت القطيفه

أول شي أشكرك على طرح عالموضوع يالأحولي
بعدين لا والله صرت تسكت، تحطلنا مواضيع على مستوى
لا والله يبالك صفقه

المهم، شف الصدق يالاحولي انه محد معصوم من الغلط و انه الكمال ماهو الا لله
و أنا ما عندي اخوان أصغر عني، يعني ما أقدر أتكلم عن خبره، بس أكيد أقدر أعطي رايي في الموضوع

أكيد لو أخوي الصغير غلط بشي و كان هذا أول شي أشوفه عليه، أبدا لازم بالنصح و الكلمه الطيبه لانها والله تأثر بالواحد أكثر من الضرب و التهديد
لكن اذا عادها و رد غلط مره ثانيه، سواء عاد نفس غلطته أو سوا شي ثاني، بيكون طبعاً تصرفي معاه غير
يعني أول شي اذا كان فرق العمر بيننا كبير بطيح فيه و أهزأه لانه ما مشى معه الطيب و أظربه بعد اذا الموضوع يستاهل، أما اذا كان ما بيننا الا كم من سنه و مالي هيبه عنده بوصل الموضوع لأخ أكبر مني أو للوالد

بعدين ياريت يالاحولي لو توقف عالتدخين، لكن في الحين من شبابنا اللي يكلم بنات و يواعدهم و يطلع معاهم و الله يستر على اللي أكبر منها
ما اقول الا الله يهديهم و يعقل اهلهم ينتبهون لهم قبل ما يطيحون في اللي أكبر منها و يطيح الفاس بالراس
الأساس أولاً و أخيراً هو التربية. يعني لو مربين الولد على الدين، يطلع ملتزم و يخاف ربه و يفكر مليون مره قبل لا يسوي شي. و أنا أشوف اذا الواحد مهما كان عمره يحب أهله و يعزهم ما يسوي الحرام من وراهم أبداً، لانه ما يريد يخون ثقتهم فيه

و مشكووووووووور عالطرح يالحبيب

يا اخوي اول شي بقولك انا انسان كل مواضيعي على مستوى[..]
بس تصدق كنت بسوي موضوع "شات المصعبين" لكن قلت يووووه ذه بعدها طرد بلحق الرحال هههه

المهم نحولها جد الحين,
والله كلامك صح وانت ضفت نقاط انا كنت ناسيها
انها يا ريت توقف على التدخين, بس اصلا انا ذكرت التدخين كمثال و الناس بتفهمها.
ونفس ما قلت قبل اذا ما يخاف ربه ولا يعز اهله اكيد ماشي بيوقفه.

شكلك من عايله محترمه يا خوي, اشكر مرورك الطيب ومداخلتك لحنا ودنا نحسن من وضع القبيله وما يصح التجاهل لبعض المشاكل المهمه
عشان كذا اسعدني تواجدك و مصارحتك ويانا الليله
اخوك لحولي

المشاركة الأصلية كتبت بواسطة لحولي

يوووووووووووووه ما تدرين وش يسي من وراش
بس حلوه الثقه, ان شا الله يكون قدها بس و ما يطلع بو ويهين

واشكر مرورش الطيب!

خوفتني يالحولي:((:((

والله اخاااااف عليه بس المشكله انه ولد منقدر نلاحقه وين مايروح

والله ابوي واخواني الكبار مش مقصرين
ماقول غير الله يحميه ويحمينا ويحمي الجميع