يامالك الملك ذي لك كل شي سبح****** حتى الشجر والحجر جاري في التسبوح
وبيدك الخير سالك لامتك تفتــــح******وجعل لهم باب عرشك للدعاء مفتوح
قد امتك هالكة والبحر قد شحشح ******ورحمتك واسعة لابحرها منزوح
ابو محمد انا راسي غلب يجنــح******من صلب ضاحة قوية مالها تجنوح
جيلا قفا جيل لاتفسل ولاتقبــــح******وفي المشاري يضلي وزنها مرجوح
هيهات يالصقرقدشفت الجراداملح*****في كل دولة يجيب السمج والمملوح
ياللة تخرب املهم ذاك لاينجـــــح******اهل السياسات ذي هي شابر التنجوح
يبايعو في الوطن لايامهم تصلح******شرابهم والغذاء من جملة المملوح
وذي يعاون وفي خيط الغرا يسفح******واتقطبت من غونها واخرب المسفوح
ماجدنا هونمي منا قنع وافلــــــح****** واهتز قبرة وهو تحت الثرا مرضوح
قال العيال الثلاثة كلن اترمــــح******* اثنين علوا وحد في الوادي المطروح
لثنين عدوان كلن منهم يذبـــح*******ومن ذبح خوة بايصبح غدا مذبوح
ونعم ذي حل بيتة لاوزا لكمح ******* يذبح ويقدح وهو من ذا الصحب مجروح
السعدي احسين لاشاف الخطاصرح**** ولايجامل يجيب الصدق في التصروح
واخوان صبة مطهركل حد ينصح******ولاعرفنامن الناصح من المنصوح
ذا الفصل جزناة خلو الغر يتسامح******عادة مطول حبال الحبل ذي ممتوح
يالعاصمة صرحي ذي اسسش لدمح*****احمدبن احسين ذي لة كل شي مذلوح
ذي قر راعي وهو لاطرافها يسرح******وبعضنا اليوم سوا محجرة مبيوح
يوم الاهالي بدم اولادهم تمســــح*******والصبر بعدة ضفر ياذي بذا ممسوح
وفصل ثالث قدا ذي بالفتن يفرح*******وبايجيك الغثــــــــاياذي بذا مفروح
مادام مرجان فيني بندقة يقرح********من دون دعوى ولاغلطة ولاقاروح
سا البيت والمعصرة في ضيفة الجسح****ثلاثة اعوام حاتيها واناملجوح
وهونسيبي وباشلة ولاباطـــــــرح******حتى ولو قال انا من جانبة مطروح
قافي عيالة وعبداللة بهم يرجح*******يابن النمر كل شي من اجلكم مسموح
ورد ريوس وروح في الطريق اسبح*****عند ابن لغلق وسلم خطي المشروح
وقل سلامي ملان البيت لك يسفح*******يملا محلك ويغشاء اصحابكم مسفوح
ابن انمر ذي قرونة مرجبة تنطح*******وكل حربي وهو من ردعها منطوح
لو مالغب كان عاد الباب يترزح********واليوم لانت ردودة من قفا الترزوح
مانتو قفدتو اللبن لاذاك يتمنح********واحد وعشرين يتغذا بها الممنوح
والشيخ ذي ربط ارجيلة وذي درمح***** نقع وصوبر وهم ساوو لة الدرموح
لاماعليناتشجع يقلب المســــــــرح******واحنا قبلناة لاما يعرف المصبوح
حتى ولو هو علينا ذيب يتشبــــح*******قدامة السد ذي هو للعداء مشبوح
زلة جرت مننا في السعف ذي روح*****مابين خصمين متحجي قفا صلفوح
مالو قد اشتاف كفا في الطلب وافسح*****وكان قال المعورة منها مفسوح
الا القدر جابهم لا داخل المذبـــــح*******وهي المقادير ذي تاتي بقبض الروح
واحناطرحنا الوفا لاذاك ذي وضح****لايد جربوع والمسؤل ذي ممدوح
لكن رفضها وفي بحر الهوى دوح*****ولا المخاطيف باتقبض في الطافوح
والحق مطروح يشهد ذاك ذي صحح*****على شروطة وشرعة ذي في التصحوح
علي بن احمدبغا العوجان تتسمح*******ولصبح اخوة ولصفي الوجة ذي مكلوح
والذنب هوذنب ذي اتوسع وذي اترشح*****ويرفض الحق هويصلح لة الترشوح
هذة اشارة قوية ذي لها لـــــــــوح*******واالامر اللة ذي مانزلة في اللوح
وختمها بانبي ذي النور لة يلمح********ذي طالب الرب وابصر نورة الملموح
ذي طالب الرب يسأل لامتة يسمح*******وخفف الدين لك ياعبدنا مسموح
اخوكم قناص العريف
شبوة بيحان الحرجة