زوج/زوجة المستقبل... مصعبي/مصعبيه؟؟

الســـلام عليكم!!

الموضوع من عنوانه, لاحظت انه قبيلتنا من القبائل اللي اغلب زيجاتها من داخل المصعبي, يعني نادرا ما تشوف حد تزوج من قبائل اخرى. فأنا حاب اعرف هل هذا عمدا ولا قسمه و نصيب؟
و هل انته تمانع او حتى تفضل انك تاخذ وحده مش مصعبيه؟؟

نحنا كشباب اول شي تحصل الوالده هي اللي تقترح عليك عائله معينه, ويمكن اغلب الامهات يحبون يناسبون عوايل مصعبيه قريبه لهم.
وفي حالة البنات يمكن ما عندها نفس خيار الولد, بس تحصل في ابهات يرفضون الخطاب اللي من قبايل ثانيه حتى قبل لا ياخذون راي البنت.
ما اشوف انه في مانع او انه عيب, صح حلو انه الواحد ياخذ من معارفهم عشان تسهل اغلبية الامور و تلاقي المشاكل تنحل بطريقة اسهل, بس ما ننسى قول الله تعالي:-
((وجلعناكم شعوباُ وقبائل لتعارفوا ان اكرمكم عند الله اتقاكم))

ردي الشخصي:-
انا اهم شي عندي انها يمنية الاصل ههههه!
طبعا افضل مصعبيه بس والله يضل قسمة و نصيب, وما احس اني لو خذيت وحده مش مصعبيه بيكون زواجي فاشل. اكيد بنمر ببعض المشاكل بسبب اختلاف آراء ولا وجهات نظر, بس اصلا حتى بين العوايل المصعبيه في اختلاف شديد في آراهم يعني مش كلهم تحصلهم نفس العيشه.

وش رايكم يا اخواني في ذا الموضوع؟؟

أولا مبروك أخوي ظن ذه أول مره من يوم ما شاركت كتبت شي طويل و له معنى، ثانيا صح كلامك أكثر الزواجات بين المصعبين بس تراهم أصلا يسووا سالفه يوم حد ياخذ من غير فخيذته يعني مثلا لو انت يا الاحولي خذت طاهريه بيقولولك لييييييييييه تطير بعيد ولا لا؟

أنا عن نفسي أفكاري متفتحه على عكس اسمي، و الود إني أغير من باب التغيير، و للأمانه ذكرياتي يوم اني صغير ما تشجع اني اخذ من العيله، مشكلتي ذاكرتي قويه و الاشكال الي اتذكرها ابدا ما تشجع مع اني لازم اعترف انه حتى انا كان شكلي يفزع في الطفوله، اما الحين شيخ <-- لازم اصحح المعلومه!!

يعني قلت بشوف خاف حد يدخل مزاجي من الدوام ليكن الله يهداهن اكثرهن مكشفات زياده ماهو ستايلي، انا يا خوفي الف و ادور و اقول و اخرتها مردي للبنات الي عنيدنا، و النعم في بناتنا والله

انا ما اعترض على الزواج من برع القبيله ليكن الواحد عاده يتنقى زين و يتأكد إنه ما طار بعيد و الناس ذي بياخذ منهم عاداتهم ما تختلف كثييييييييييير عن عاداتنا، يعني حبه حبه لين ما تصير السالفه عادي، و سلامتكم

اول شي جعل ربي يقصفك انا ردودي قصيره لأني اكتب المختصر المفيد, ولا انا خريج ادبي يعني لو تبا تعبير بكتب لك احسن تعبييير

بعدين انا احس انه زواج بين الافخاذ هذا منتشر, معادهي كبيره على قولتك.
خخخخخ بس لا انا معاد اقدر آخذ احوليه كلهن انأخذن ياخويه, واللي قعدن ما بيقبلن فيني معايرهم أعلى مني للأسف

وانت والله معاد درينا لك يوم متزوووج و يوم اعززززب ويوم تفكر في الثانيه! الله يعين ذي بيخاذك بس.
بعدين قع غظ البصر ياخوي خل حريم الدوام في حالهن

المشاركة الأصلية كتبت بواسطة لحولي

اول شي جعل ربي يقصفك انا ردودي قصيره لأني اكتب المختصر المفيد, ولا انا خريج ادبي يعني لو تبا تعبير بكتب لك احسن تعبييير

بعدين انا احس انه زواج بين الافخاذ هذا منتشر, معادهي كبيره على قولتك.
خخخخخ بس لا انا معاد اقدر آخذ احوليه كلهن انأخذن ياخويه, واللي قعدن ما بيقبلن فيني معايرهم أعلى مني للأسف

وانت والله معاد درينا لك يوم متزوووج و يوم اعززززب ويوم تفكر في الثانيه! الله يعين ذي بيخاذك بس.
بعدين قع غظ البصر ياخوي خل حريم الدوام في حالهن

خلك برع حياتي الاجتماعيه الخاصه لو سمحت، مسمينها خاصه لسبب!!!!! بعدين انا ماطالع ذي عندي في الدوام للمتعه أنا هدفي شريف نظيف عفيف لطيف، شوف تعبيراتي و تعلم يا ادبي انته، درس ببلاش شو تبا بعد

هههه حاضرين يالوالد
انا احسك عمر ابويه عشان كذيه مسويلك احترام و اعتبار
ويلا نبا رأي باقي الأعضاء, و خلك متواصل معانا عشان تعطيهم خبراتك في الحياه

طوط طوط يا لحولي أنا أقول ذا الرد يحتسب كأنه أول مشاركه لك خخ

عالعموم
أنا مابا غير وحده من فخيذتي..
لا تقولوا عنصري، لان عندي اسبابي و أولها
لأني بصراحه أنا عارف انه بنات فخيذتنا أو بالأحرى بنات وشباب فخيذتنا يجري في عروقهم الدم الأزرق..
و بصراحه اشكالهم ما عليهم كلام
و إذا تعمقت في شخصياتهم بتشوف الفرفشه وحب الضحك ومرات الجديه وحب النقاش بحدود و تعقل..
وهااااه أشوووف حد يجي ويقلبلي الموضوع إلى مجالس المصعبين..هذا رايي الشخصي في الزواج
الخلاصه يا سبوله...اقصد يا لحولي خخ
وش ابي اكثر من كذا بالله عليكم يا جماعة الخير

فأقول.....مصعبيه إن شالله بس أقل شي بعد 5 سنوات >>> الفراغ للفخيذه خخخ

يعني مثلا لو انت يا الاحولي خذت طاهريه بيقولولك لييييييييييه تطير بعيد ولا لا؟

يا عصيده بزوم، انته متأكد انك عايش في الإمارات؟؟

اوه اوه اوه!
امانه عليك تقولي وش من فخذ انته شكلي بحول عندكم وقت الحراوه هههههه
ولا تقولي باخذ من نسوانكم بخرب عليك فرصتك اعتقد فارق العمر بينا كبير يعني ماشي منافسه لا تخاف
وما ظنتي اي وحده من اي فخذ بتقدر ترفضني فلا خطبتها يعني ضامن الموضوع بس ابا اقتراحات كنت.

(كنكم علي ياجماعه؟ اصلا انا نور المنتدى كلامي عسل بس اول مره قلت بسوي موضوع جدي..)

وش ذه التناقض في كلامك يالحولي عادك تقول بناتكم ما يبوك قد حولت و قلت محد بيقدر يرفضك لا تقدمتـ، يعني اصبر شوي لين ما ننسى كلامك قبل ما تبدا تخورط

وانت يالسقراطي انا بمرق مانا بزوم، مع ان الاحوال الاقتصاديه في العالم بدات تسوي عمايلها و كاني سمعت اخبار عن احتماليه استبدال المرق بالزوم مؤقتا بس إن شاء الله اشاعات، المهم وش يعني دمكم ازرق، باردين ولا فيكم مرض نادر فبتتزوجوا بين بعض عشان لا ينتشر؟

المشاركة الأصلية كتبت بواسطة لحولي

اوه اوه اوه!
امانه عليك تقولي وش من فخذ انته شكلي بحول عندكم وقت الحراوه هههههه
ولا تقولي باخذ من نسوانكم بخرب عليك فرصتك اعتقد فارق العمر بينا كبير يعني ماشي منافسه لا تخاف
وما ظنتي اي وحده من اي فخذ بتقدر ترفضني فلا خطبتها يعني ضامن الموضوع بس ابا اقتراحات كنت.

(كنكم علي ياجماعه؟ اصلا انا نور المنتدى كلامي عسل بس اول مره قلت بسوي موضوع جدي..)

حياك اقرب يا رجال أنا اضحي عشانك والله
بعدين وليش تظن انه فارق السن بيننا كبير...ِكلامي لهالدرجه عقلاني ولا مللت بك قل بس انته؟؟
بس شكلك مرره تفكر في هالموضوع 24 ساعه
الله يرزقك ببنت الحلال

يا سبوله قلتلك ذلحييين انه في ناس معاييرهم عاااليه شدا يعني بعترف و بقول اني مانا قدها من الاساس ما بحرج نفسي و اخطب
ليكن ذي تبا شكل ومنصب و أخلاق و ديني مستحيل ترفضني

وما عليك من لستقراطي ذا مغير ذيب يتمدح في فخذه خله يعجب على نفسه ههه