القصيده التي القاها الشاعر سعود المصعبي في اولى حلقاته في برنامج شاعر المليون
الراس به طنخة قصيد اتحوِّله جنّي شعر
استغفر الله الجن ماخذ من قصيدي مايبي
واكتب شعر ضخّة مداده دمي بهيئة حبر
وامزج شعوري مع حبر دمي وينبت مطلبي
يعني إذا ودّي ارقّص الاطلسي عند القمر
أقدر ارقص كل موجاته على ما نا ابي
وارويه من شعري حروفٍ لو تحط فمختبر
بتردد الآلات ياحي وهلا بالمصعبي
كلام لو حطيته بوجه المرايا وانتثر
بيصير عنوان المرايا الانبهار اللولبي
والبارحه ع الراس الاخضر ناغني عند السحر
قافٍ يسولف عن حبيبه نادره في كوكبي
حبيبةٍ جرعة غلاها تنثر بعمري زهر
كنها شراع الحب لي حرّك حنايا مركبي
حبيبةٍ يوم الاشعه صورة هذا الصدر
بان اسمها ف تشكيلة ضلوعي وغنيت ارحبي
واروح اسولف في حضنها عن ضلوعي بالشعر
من لهفتي ماهمني لوجيتها أحبي حبي
واوصل اليها ثم اقبّل راسها نور البدر
واهيم فخر بعشقها وسر الغرام الجاذبي
أحبها وأحبها وأحبها عد المطر
حبيبتي حبيبتي حبيبتي يا بوظبي
حبيبتي لو مات كلّي حبّها مايندثر
جيلٍ ورى جيل إنتوارث عشقها دار الظبي
لعيونها بخطب انا المليون وحروفي مهر
ويالله عسى يا هاللقب من فالي ومن مأربي
وانا ادري الجمهور هاللي للنتيجه ينتظر
يطلب من اللجنه قبل تحكم تصلي ع النبي
لاني احس بذائقة اهل الشعر بالمختصر
أشوفها بأهل العقل وأشوفها بأهل العبي
ومادام فيني يبحر الشعر ويشكلني درر
بمد لك يابوظبي كف القصايد واشربي
من مدرسة زايد تخرجنا وذا اكبر فخر
والخير موصول بخليفه سيدي ومعزبي
واختم قصيدي بأمنية ربة معايه م الصِغَر
وسام قولة شاعر القمّه سعود المصعبي
سعود المصعبي - الهاجس
ابوظبي 2007
18-04-2010, 10:33 AM
حبيبتي - سعود المصعبي
null
العرض العادي
