قصائد الشاعر محمد عبدالله الطاهري المصعبي

[CENTER]وهذه القصيده الثالثه للشاعر محمد عبدالله مساعدالطاهري

والطاهري قال نصف الليل طـاب الكـلام=واتذكر اشياء كثيره في الوفـاء والمـلام
وقلـت يالله خارجنـا عسـاء بالتـمـام=لا نامت النـاس فنتـه حـي مابـا تنـام
من جور مابي بغيت الارض ترجع حطـام=او يرجع اليوم في التاريخ لا عهـد سـام
ذا الوقت غدار كله حرب ماشـي سـلام=من جاب كلمه صريحه فوقه الموت حـام
شف قلبي اليوم يترجا و سـو لـه لحـام=مافاده الطب مـن عاميـن واليـوم عـام
مش هكذا ياحبيبي طعـن تحـت الحـزام=من شد مهره جميلـه لا يرخـي اللحـام
في ساعه الصدق طبع الجيد لا قـام قـام=والنذل معروف هذا صدق ماهـو حـرام
ياهاجسي لا تجيب الريـح فـوق الغمـام=وخـل بقعـاء عـلاذه لا تزيـح اللثـام
ياريت منهـو مسافـر لا نواحـي شبـام=حتى ولوكان ماشي غيـر تونـه وجـام
خلاص يانـاس خلينـا الجمـل والسنـام=والبطن معصوب شدينا الحلـق والحـزام
من يوم شفت الثعالب صابهـا الانعصـام=واتقيد الذيب لي عده مـن النـاس هـام
واليوم يا نفس قولي هل تبيشـي طعـام=من جاب شي صدق في ذا الوقت قالو كلام
من كنت احبه والومه صبـح اليـوم ذام=اهوين ياناس ياعيـب الحلـق والوشـام
والفي صلاتي على احمد زيد مسك الختام=ماغرد الطير في صنعـاء ووادي سهـام

الطاهـري قـال ياعالـم وياقـادر=ومطلع بالضماير وانـت عارفهـا
يامالـك الملـك يارحمـن ياغافـر=تغفر ذنوبي الهي وانـت ساترهـا
والطاهري قال بكتب يازمن عاثـر=واخرج ابيات قام القلـب يطريهـا
تركت لرضي الحبيبه للعياء صابـر=واهلي وربعي ومانا اليوم شاريهـا
والان بالله ياهاجس قـدك شاطـر=لاشي قصر في كلامي فنت وفيهـا
بديك مكتوب واحذر لاتقـع كافـر=وابلغ كتابي عسى ربـي يسانيهـا
لاجيت للعين فسمع كلمتـي باشـر=رد التحيه على من كـان واطيهـا
واجزع على بيت يكرم ضيفه الدافر=ورش العطر حتـى قـام راعيهـا
ياعم صالح سلامي يانمـر ساهـر=ياشيخ معروف في قومه وحاميهـا
كنت افتخر بك وفاخر دايما فاخـر=وانته على العكس ماتعرف دواهيها
لحنا عيال النشاما ذي لنـا كاسـر=وساعه الحرب ضلا الـدم يرويهـا
واصادق اصحاب ماحد منهم فـادر=على الوفـاء والمحبـه مانخليهـا
فعلا كما الذيب لا قصر ولا قاصـر=وان كان عبدالله العطاس حاويهـا
ياعم صالح تبانـي خبـرك فاكـر=من يوم قلتو كليمـه مـا نسيناهـا
اهوين ياعم صالح وانتبـه حـاذر=من عضت الذيب خافك ما تداويهـا
نحنا على الموت لمساء حربنا ماطر=وانتو على العيش ذي فيها يكفيهـا
ولا تفكر تحـاول بـا تقـع تاجـر=ماحد معك قوم بـا ترفـع مبانيهـا
هذا كتابي وعفـوا خافنـي سافـر=معا اخوتي وابن عمي ما نشانيهـا
والفا صلاتي على احمد يوم ماهاجر=وامن النـاس قاصيهـا و دانيهـا

الطاهـري قـال كلمـه شكـر تكفينـي====من صاحبي لا غلـط بتحملـه يانـاس
يامـا ويامـا ويامـا قـد وقـع فينـي====والقلب صابر على مابـه ولابـه يـاس
صح لسان الشاعر الكبير محمد عبدالله مساعد
ومشكور طاهري معول على النقل والترتيب

صح لسان الشاعر ابيات جميله

مشكوررررررررررررررر ياسالم

والله ألف شكر صراحة على القصائد الجميلة للشاعر
الكبير محمد عبدالله مساعد الطاهري كنت أتمنى دائماً أن ألقي قصائد للشاعر محمد عبدالله
لانه شاعر كبير بس ماكان حد يكتب قصايده وقد سمعت له بعض القصائد في الأشرطة زمان
أتمنى منك يالطاهري معول أن توافينا بالمزيد من قصائد الشاعر محمد عبدالله مساعد
لك كل الشكر والتقدير

اشكرك يا الطاهري معول ولك الف تحية كما احيي الشاعر الكبير فخر ال مساعد وتاج روسهم الحبيب الغالي على قلوبنا محمد عبد اللة مساعد الطاهري المصعبي الموصوف في احد قصايد عمة صالح مساعدالطاهري المصعبي
ابن النمر ذي شارك الثوار لما البدر راح
كما اترحم على روح البطل الثائر زعيم المجالس لما الدم فار
الشيخ الكبير الرجل المعطا حكيم زمانة الحبيب لكل طاهري \صالح مساعد عبداللة الطاهري النعيمي المصعبي رحمة اللة واسكنة فسيح جناتة ولي الفخر كل الفخر بان اجيب لكم عما قريب احد اشعره واشكرك من كل قلبي يا الطاهري معول على هذا الطرح الرائع كما اشكر طاهري لحمر على القصايد المطروحة من جانبة ولاتنسانا من طرح القصايد وشكرا للكل

ونعم فيكم يال طاهر وال نعيم

صح لسانك مشكور يعطيك الف عافيه