ما أبغى أتزوج......موضوع منك وإليكم!!!

:: السّـلامُ عَليــكُم .! ::
:
:
:
:: صباح / مساء .. الخيرات ! ::
:
:
:
:: يعيش البعض في مجتمع .. مم .. أحيانا نقول عنه .. ظالم .. يغتال السعادة .. يجرح الألفة ..مسميات كثيرة ! ::
:
:
:
:: خلينا ندخل علطوول ^_^ ..! ::
:
:
:
:: الأهل والأقارب .. أحيانا .. هم من يتسبب لك طيلة حياتك .. ويحكمون عليها بـ [ التعاسة ] ::
:
:
:
:: الأبن إذا أراد أن يتزوج .. أليس من حقه .. أن يكون هو من يختار شريكة حياته .. لا يذهب فكركم بعيدا ! ::
:
:
:
:: أيضاً من حقه .. أن .. يرفض .. ما قد يختارون له أهله ..! ::
:
:
:
:: مم .. أحيانا أرى الإبن .. يصبح فتاة .. أهله من يخطبون له .. ويختارون له ! ::
:
:
:
:: المقصود .! ::
:
:
:
:: الأمهات .. ودعوني أشرك معهم الـ [ العمّات , الخالات ] .. تكون لهم صلة أيضا بما يحصل >< ! ::
:
:
:
:: تكون جالسا مع أمك وبعض خالاتك .. ويأتي [ طاريك أنت ] .. ! ::
:
:
:
:: فتقولها مازحه أمك : إن شاء الله فلانه [ أحد القريبات ] نبي نزوج إياها ! ::
:
:
:
:: وفي جلسة مع العمّات .. تمزح أحدهن : إن شاء الله فلانه ( أخرى ) نبي نزوج إياها >< ! ::
:
:
:
:: وأنا ليس في مقدرتي .. غير .. الـ [ الإبتسامة ] فقط ! ::
:
:
:
:: سنه .. بعد سنه .. وفي كل جلسة .. يحدث نفس الموال .. يعني كأنك تقول .. أنت سوف تتزوج فلانه من أعمامك .. ومن خوالك .. فلانه .. هم من اختاروك >_< !! ::
:
:
:
:: ثم قد تصدّق أحداهن .. وتفكّر واهمةً .. أنك إذا كبرت .. بعد سنتين .. أو ثلاث .. سوف تكون من نصيبها ! ::
:
:
:
:: دعونا نتخيل ما سوف يحصل .. بعد 3 سنوات .. أتى اليوم الذي يجب فيه أن تحسم أمرك ! ::
:
:
:
:: فتقرر أنك ستكمل نصف دينك .. وتشاور أهلك .. سوف تجدهم تلقائيا يقولون لك : بس .. فلانه ابنة عمّك ::
:
:
:
:: ستجامل .. ولن تستطيع أن تقول : لا ! [ والكثير من يفعلوا ذلك ] ::
:
:
:
:: بالتأكيد سوف يظنون أهلها .. أنك لم تعجب بها .. أو أنها ناقصة .. أو أنها ليست عفيفة ::
:
:
:
:: [ ما باليد حيلة ] .. في الأخير .. سوف تكون غلطة حياتك أنك وافقت ! ::
:
:
:
:: أليس أهلك .. أقرابائك هم من دمّروا حياة زوجية بأكملها .. حرموك من العيش في حياة مليئة بالحب .. ملئية بالعطف .. ؟ ::
:
:
:
:: تذكرت للتو .. أحد الأخوان .. كان زواجه في الإجازة الصيفية .. قبل زواجه بأربع أيام على ما أظن ! ::
:
:
:
:: قال : يا فلان ( يقصدني ) .. تصدق والله العظيم متوزجها عشان أهلي .. وإلا ما أبيها >< .................. ::
:
:
:
:: فـي الأخير ! ::
:
:
:
:: هذا لا يعني الإبتعاد عن زواج الأقارب ..لا .. ليس هذا م أقصد ! ::
:
:
:
:: نصيحة ^_^ .. إذا مره جابوا طاريك .. وقالوا ترا أنت لفلان .. رد ولا تستحي : لا .. ^_^ ::
:
:
:
:: أعان الله من وقع في هذه الشباك .. و غالباً يقال [ الأقارب .. عقارب ] ! ::
:
:
:
:: أرائكم .. محل اهتمامي ! ::
:
:
:
:: دمتم كما أحببتم ! ::
:
:
:
:: السّـلامُ عليـكُم .! ::



‘ ، ‘

موضوع حلو من حرمية مزيونة

في الهند الحرمه هي اللي تروح تخطب :) كشخة تختار على كيفها


لكن هنيه لازم تسوين علاقات طيبة مع الحريمه عشان تتزوجين


وانا بصراحة مااريد ولا افضل الزواج التقليدي



شكرا لج اختي

هههههههههههههههههههههههه

انا عني بقعد في البيت الين ما تجيني بنت الحلال تخطبني ههههههههههههه
لا يتخاملني
هذا الواقع مدرسات وعلى منااصب والله يستر بس ...!

والشباب راحوا ضحية الحوادث

تشكراتي تقبلي مروري

عاد الي يسمع الحين فرقت..
ماهو بكل الحالات بيتزوج وحده مايعرفها..يعني البنت الي يختاروها اهله او هو يختارها طبعا نفترض انه ما بتكون عن طريق علاقة بيختارها، فهو اساسا ما بيعرفها في الحالتين..
الزبده..انته وحظك يا فلان خخ

المفروض اللي ينحط في مثل هالمواقف يبتسم ويقول يصير خير لين يجي ذاك اليوم محد يعرف نصيبه وين

لان في النهايه ظلم نفسه وظلم أكثر البنت معاه ...هو يقدر بعدين يتزوج على اختياره اذا مارتاح معاها

بس هي مسكينه بتضطر اتكمل معاه عشان بيتها وعيالها وخوفاً من لقب مطلقه...وتتحمل نظرات الكره ولا عدم التقبل منه

هذا اذا ماراح وخانها ولا اتزوج بعذر انه مغصوب عليها وهي تسكت وتتحمل هالمنظر وكأنها السبب والعيب فيها هي؟؟!!

الاهل الاساس عندهم مصلحة ولدهم ومصلحتهم بالتأكيد من مصلحته
والشاب اللي يدافع نه حقه بالاختيار صح بيواجه اشوية هجوم لكن في النهايه بيرضخون

والاهم انه ماظلم حد قبل لاالفاس تقع في الراس

ومشكورة حرميه على طرحج الجميل لاتحرمينا مواضيعج الطيبه

تعقيب على ردك اخوي ارستقراطي لاني ماشفته الا بعد ردي الاول

صح مثل ماقلت في النهايه مايعرف اللي بيختارها

لكن الراحه والقناعه بالاختيار بتكون موجوده في حالة سمحوله بالاختيار وتحديد شروطه في البنت

اما في الحاله اللي ذكرتها اخت مزيونه بيكون من داخله مب مقتنع بهذا الزواج حتى لو كانت البنت مافيها عيب وتحاول ترضيه..كلن لانه زرع الفكره في راسه بالتأكيد مابيرتاح ولابيقتنع

كلها قناعات داخليه هي اللي تتحكم في التقبل او الرفض

مزيونة موضوع طيب وحساس وهام للجميع

لكن موضوع الزواج من الاقارب ناجح باردة الله واهم شي القناعة قبل المجاملة على حساب حياة الزوجين يعني قبل مايوافق على قريبتة او قريبتة توافق علية يجب ان يفكرون كثير ويتاكدون انهم يحبون بعض وليس لاجل خاطرررر الاهل لان عواقبها وخيمة مثل ما تفضلتي اذا كانت مجاملات فقط ، وكذالك الزواج من اجنبية يجب التحري والاستخارة وتاكد من الحب وقد يتوفقون وقد يتطلقون كلة نصيب وقدر باذن الله .

بس انا افضل زواج الاقارب عن الغرب لان بينك وبينهم علاقات وروابط قوية وذكريات قديمة

اختي حراميه بالصراحه الي ريحني في هالموضوع هو عنوانه (ما أبغى اتزوج)
كل المواضيع الي ناقشناها هناء بكثره تحكي حول الزواج صح ولا موضوع الي كان فيه شي من الراحه والسعاده من الزواج

وعندما قريت عنوانك ارتحت ودشيته ع طول بس حصلت الموضوع كمان يحكي عن مشاكل الزواج

طيب ليه ما ريح بالناء ونقول لا الزواج مو ضروري اعتقد اذا فيه كل هالبلاوي وجع الراس

ونجعل موضوع الزواج اخر ما نفكر فيه

بالنسبه للموضوع الي طرحتي هو الحاصل في وقتنا هذا الاهل هم من يقررو زواجك
في هذي الحاله ان رفضت البنت الي يريدوك تتزوجها تكون عصيتهم وزعلتهم منك
وان قدمت وتزوجت ع هواك هم في مشكله البنت الي باتتزوجها مب تكون محبوبه الديهم ويمكن يعاملوها معامله مو طيبه

انت ريح راسك وبالك وشيل فكرة الزواج من راسك يكون هناء ارضيت الجميع وظلمت حالك
بس مع حالك يكون افضل من ان تكون مع اهلك :-":-"

بالنسبه الي انا خلاص الزواج هذا اخر ما افكر فيه بس اني احب وحاضل ع هيك الحاله احسن
ابعد من حبيبك يحبك

عندي اثنين اخوان واحد اكبر مني واحد اصغر مني بالزوجهم ما يصير كلنا نتزوج لاازم واحد يبقا يعيش مع الوحده فقررت اني اتزوج الوحده وابعد ان الارتباط والمسؤليه ووجع الراس باب يجيك منه ريح قفله وستريح

فمن عزم ع ان ياخذ بعنوان الموضوع مثلي يرفع يده


يمكن تقولو علي مجنون او معقد لا انا كنت اطمح ان اتزوج الاني حبيت بس خلاص احس اني اذا تزوجت سوف افقد ذالك الحب والغلا والشوق الي بينى بمجرد ان ندخل القفص الذهبي ع قولتهم


اختي حراميه اسموحه منك الاني يمكن خرجت عن نطاق الموضوع بس هاي فكره وحبيت الكل يطلع عليها

الله يقويك

اخوك ابو صخر المصعبي

مشكوره اختي حرميه مزيونه على الموضوع المتالق والذي يحمل معانات الكثير من شباب هذا العصر

انا اقول بس الله يعين الشاب الذي اتزوج ببنت ليست في باله واكيد تكون العلاقه بينهم علاقه ماتحمل السعاده والراحه


وبالصراحه انا شايل فكرة الزواج من راسي بالخالص واقول الله يعيننا على الدنياء وهمومه

اتكلم عن نفيسي.........

بالعكس اتا مع زواج الاقارب. انا اتوقع اني مثل اي شاب. حين يأتي الموضوع للزواج تتغير المفاهيم. انا انسان امشي عالدين والعادات والتقاليد و لو كانت صارمه. فا ليش اخذ من برا و اتعب بنات الناس معاي......... اخذ وحده عاشت على هاذي الحياه و يمكن حياتها تكون صارمه اكثر. و اعيش حياه سعيده بأذن الله ملااانه بالعصيد و الزوم و ااخرا وليس اخيرا بنت الصحن