بدع باتيس جواب مبخوت بن شعنون

قصيدة ارتجاليه من ابوراضي
طالب باتيس
لكل ابناء حضرموت
بعد مقتل المقدم
سعد بن حبريش
الحمومي
********************
وين الحضارم ويـن عشاق الوغاء =
وين القبايل لي تعز اسﻼبها
وقته وحلها يامقـابيس الــبﻼء =
شبوا لهيب النار عاشبابها
وانتوا لها وقت التحدي واللقاء = ﻻ
تخالفت لمقاص عا ضرابها
ياعزوةالمختاف ﻻ نادى النداء =
واكنان راسي من نزول اسحابها
شدوا سواعدكم وكافوا بالكفاء =
ثوره على صنعاءاليمن واذنابها
ثوره على الخاين وصنعاءواهلها =
وارض اليمن واقرودها واكﻼبها
ويـن المشايخ لي لهم كل الوﻻء =
لي يفتحون اقفولها وابوابها
يكفي من استنكار يكفي ﻻ هناء =
عالوجه وصمة عار مانرضابها
قتل الحمومي بخص فينا كلنا =
واكبر اهانه من عدوا جابها
اما نباشرهم ونوخذ حقنا =
ولاتركناالقبيله واحرابها

#############
جواب الشاعر
مبخوت بن محمد شعنون العقيلي على ابوراضي طالب باتيس

ياتيس يا باتيس وقعنا دلاء
واحذر لسود ان كشرت بانيابها
جدك سكن وادي عمد ما اتغرباء
يدبس رحيق النوب من منوابها
ادحق على اثره لاتجي حول الغواء
واترك دروب الشر يا طلابها
يالحضرمي مادام دربك في السواء
احسب حسابك لاتزيد احسابها
فتح وركز لايجي عينك عماء
معاد با ينفعك هز اهدابها
عميت بابياتك على كل الملاء
على قبايل تفتخر في انسابها
الي لهم تاريخ في دولة سباء
حاضر وماضي كل حربي هابها
الحد واحد مالواء يفصل لواء
يمن موحد سهلها واشعابها
والموت ثم الموت من دون الحماء
كمن فدائي يعشقون اترابها
رجال في الشده يردون النباء
فيلا وقع في الصف ضرب البابها
اما الحمومي هو على نفسه جناء
خالف قوانين اليمن واكتابها
حامل سﻻحه في المدن يتجوﻻء
ماهم دوله نقطت با ارتابها
واختامها ياتيس عندي لك دواء
من حاكمات الروس ذي يغزابها
يندق به عظمك ولحمك والشواء
والعين تتوقف جميع اعصابها
###############
###############

جواب الشاعر طالب باتيس ابوراضي
على الشاعر مبخوت شعنون العقيلي

شعنون ياشعنون ﻻ تزيد الغثاء :
خلك مع رعيانها واركابها

مجهول مالك ذكر في شرع الوفاء
واللي كما عينتك ماندراء بها

والله وﻻ بحسبك ياصف الوراء :
صقر القطامي مايهاب اغرابها

واش جاك تتحدى قبايل في العلاء
تقدم وتتحمل كبار اصعابها

نعمان تعرفها وبن ماء السماء : وانا عرف قحطان وين انسابها

ﻻ تقول لي قحطان مرجعكم لها :
والا لكم في القبوله وازهابها

شفني عرف شمل القبايل كلها :
واعرف تواريخ القبل وانسابها

احسن نسترها ونخفيها هنا :
من قبل كل حاجه نجيب اسبابها

هذاالذي قلته ولي هو في الخفاء
محفوظ بصدور العرب واحجابها

واما الحمومي مابدر منه خطاء : تفداه جروان الخﻻ واذيابها

مابايضيع الحق مادمنا لها :
وانته تحمل وزرها واعقابها

ياذي تعيرني باسمي في المﻻ : ماتدري اني تيس فحل انجابها

رمز الفحوله فحل لعنوز الخلا : من هو معه عنزه سمينه جابها

هذا جوابي والبرت والميم طاء
ماتستحقه بكنزه لصحابها

صح السنتهم جميعآ

ولو ان العقيلي دور لها يبرر للخزاه المتخلفيين احتلال حضرموت
لاكن حصل له كسرة ناموس ههههه

تحياتي لك اخي الغالي صالح جمعان
على النقل الممتع

المثل يقووول ماكبر من البدع الا الجووووووواب كلمات لا كان لها داعي لانها تزيد الفرقة لاتقرب بين الناس العقيلى غلط ولكن حصل جوووووواب

الشكر لك اخي صالخ على النقل دمت بخير