مرثية في الفقيد العميد صالح علي سلمان

قصيده رثاء في الوالد صالح علي سلمان من ولده سالم صالح


يارب سالك تثبتني على المله
ياحي قيوم يارحمن يامتعال
يامن جميع الخلايق ترتضي عدله
عفوك ولطفك لنالاجارت الاحمال
قال ابن سلمان دمع العين في المقله
والجوف فيه اللهب من داخله شعال
من بعدسبت البلا الله لابله
بالرخص قدباعنابيعه بلادلال
من بعدبوي الذي سافريبى الرحله
مايدري ان القدرفي رحلته كمال
خرج من البيت ودع اسرته واهله
وقال لي ألجوده اتصرف قدك رجال
وصيتي في بناتي كلهن جمله
واوصيك في امك وفي اخوانك وفي الجهال
وسافريبى يحضرالتكريم والحفله
واخذ مع احمدصورفي شاشة الجوال
وليش يالموت شليته على غفله
مالوطلبت البدل بادي ميت رجال
وبديك عمري واولادي فدالجله
وكل ماملك معي باديه من لموال
كم قدتمنيت عمري ينقضي قبله
لكن ذا الموت مايرضى بشي بدال
استغفرالله لاتكتب علي زله
واستغفرالله لالشيطان ساني زال
عزي معي ياشوامخ خرلارمله
وحنسي والبسي ثوب الحزن في الحال
ارجوا له العفويارحمن تغفرله
لاجنة الخلديالله سهل المدخال
وان تجعل اللحدروضه له ووسع له
سالك باطه وسورة نون والانفال
والختم صلواعلى طه النبي وآله
ماحنحن الرعدومسى ماطره سيال