لاضاق صدري رحت للبر حطاب ...!

لا ضاق صدري رحت للبر حطاب
وشبيت ناري في صحاري خلاها
وسط الفياض اللي بها أزهار وأعشاب
ريح الخزامى فايح(ن) في مساهاا
سترجع الذكرى على رأس مرقاب
وأرسم لقلبي صورة(ن) ما نساها
دنياك تلبس لك عبايه وجلباب
وتخفي غدر سود الليال وجفاها
شفت القمر يوم اكتمل صار جذآب
نور ليال(ن) مظلمه في سماها
ترى العمر مثل القمر طل ثم غاب
أغنم حياتك لا تكدر صفاها
حافظ على الطاعه قبل يقفل الباب
ثم يتبين صحها من خطاها
اليوم فعل الطيب راعيه ما خاب
عند الرجال اللي بعيد(ن) مداها
الطيب يبقى يا فتى الجود لو شاب
في شجرة(ن) سيل المكارم سقاها
والبيت ما يبنى بلا أوتاد وأطناب
ومن لا بنى يسكن مذاري هواها

البر طيب وطالعتها لها نكههـ .. يروح الطفش والضيقه بنسماتهـ

ورده طلعتي البر وشميتوو هواء عليل. ع كيفكـ .. وجيتي ع التفكير وسدحتي لنا هاالموضوع والقصيده الحلوه ع البر.. هههه

يسلموووو وعساك ع القوة وتقبلوووو مروري..

هههههههههههههههههههاي يب هذا اللي صاررر مااعرفت كيف اعبر هههههههههههههههاي
تسلم والله تشرفت بحضورك المتوااااضع

والله شوقتينا للبر وهواه
وعيشتينا فيه بالصوره والكلمه
المعبره الحلــــــــــــــــــــــــــــــــوه.
تــــــــــــــــــــــــــــــــــــــسلم الايادي

اسعدني حيل توااااجدكم اسعد ربي قلوبكم بالخير لكم منا كل الود والاحتراااام