من أجمل قصائد النصيحه والحكمه

لا تفرح إن الوقـت أسعدك واعطاك لابــد مـا ســود اللـــــــيالي تبكيـــك

دنــــــيا تقلـــب علــها مـــا تــولاك تمسي عزيز وتصبح من الصعاليك

إلى اقبلت تخفي عيوبك عن أعداك وإلى ادبرت تظهـر عيوبك لاهاليـك

اغنم من صروف الدهر كانه امداك قبل اللحد عن ظاهر الارض يخفيك

وترى التشكي للمخاليق يشــــــنـاك يحط من قدرك ويفـرح امــعــاديـك

وكـثر التـشره يجعـل الناس تجـفاك ولا عــاد تلـقى بيـنهـم من يخـاويك

ولا تمادى في زعل من ترضــــاك مادام جاء عاني على شأن يرضيك

ولا تخــاوي من على أبوه بـــــداك هذاك وان طال الزمان يغدر فـيـــك

والـجـاهل احـذر لاتجـادلـه يـبلاك في كـلـمة بين الـمخاليـق تعـمـيــك

والهرجه العوجى لو أنه تنصــــاك حـاول تجـاهـلهـا وخــله تـعـديـــك

ولاتخـيـب هـقـوت اللي تـهـقـــواك مادام جاء بين المخاليق ناصيـــــك

واحـذر تـهـزا يـافـتـى بخلق مولاك تـشـوفـها باقـرب قـريـبٍ يوالـيـــك

ولا تفرح بزودٍ على الحق وان جاك زودك ترى نقصٍ على حق ذوليـك

وخل القناعه ميزةٍ من مزايـــــــاك مـع الـقـناعـه كــل شـيٍ يـكـفـيـــك

وان جت لك الدنيا على غير مشهاك اصبر ترى بالصبر تدرك أمانيك

لا تامـن الدنيــا تـرى الوقـت فتــاك لجا القـدر كثـر الحـذر ما ينجيـــك


كل بيت فيه فائده

لاضاق صدرك والليالي تحدتك …. إصبر عليها والصبر زين لو طــــــــــال

لاتنحني للوقت وتروح هيبتك … .وتموت بالحسرة ولو كنت رجـــــــــال

وإحذر تدور عند الأنذال حاجتك……لاتقضي الحاجة ولاتستر الحــــــــــال

وإحذر تبين لاقرب الناس شدتك … لو تزعله لحظة حكت فيك الاجيال

وإن صرت ضيف الناس لاتطول مدتك … غالي تجي وتروح يا طيب الفال

وإن كان همك فالزمن بس لقمتك … الفول بريالين والخبز بريــــــــــال

يعطيك العافيه اخويه ابوسلطان

القصايد كلها فيها نصائح

الله يعافيكي يابروق السحايب شرفني مرورك

سلمت يداك على النصائح والقصيدة

الله يسلمك اخوي ابوفادي

يديك العافية ولك الشكر والتقدير

مشكوووووووووووووور على القصايد لااااااا هنت

شرفني مروركم اخواني جميعن

تسلم يمينك ياابوسلطان على القصيده المليئه ب النصائح