مشيت في دنيا\الشاعر محمد صالح المصعبي...

السلام عليكم ورحمة الله وبركاته ...
بسم الله الرحمن الرحيم ...

هذا اول موضوع لي في المنتدى اتمنة انه ينال اعجابكم..

.... دنيا عجيبه...

مشيت في الدنيا وشفة العجب فيها ... جنبت عنها ولكن جادت نشاده...

مدري وش اللي تبي مني ولا ابيها ... هي ولاعت في خفوقي نار وقاده...

دنيا تحسب البشر لعبه تسليها ... ياحظ منهو تحبه تكثر اسعاده....

ادور الناس عاليها ودانيها ... كنها نواعير ماء للحرث مداده...

ياشيب عيني وفكري من بلاويها ... وعلومها اللي تجي للنفس سداده...

الشاه ترعا واشوف الذيب يحميها .... وذاك الوحش شارد والخرب طراده...

والناس فيها اللي تلاقيها ... وسبحانه الله فارق خلقة عباده...

ناس اذا شفتها تفرح تحييها ... تنسا مشاكلك وتعود على العاده...

ناس ولو مايجيها شي يغنيها .... تعطيك زود على الجوب وزياده...

وخلافها ناس ماودك تحاكيها ... وتعاف نفسك مواجه ناس فساده ...

ناس على كثر ماتطلب وتعطيها ... وتجحد جميلك وتبقا ناس حساده ...

دنيا غريبه عجيبه في لياليها .... أيام تصفى وباقي العمر هداده...

قنعت منها وقانع من تواليها... ونهاية العمر وسط القبر وألحاده...

مامنها فايده غلطان شاريها .... يتعب ومن باعها يا زين مقعاده...

ينسا غثاها ونفسه صوب باريها ... تسعى لمرضاه عنها يوم ميعاده...

جنبت عنها وباخص كل غاليها .... والقلب مرتاح ماله بالسهر راده...

العين ترقد وان جاء مايغثيها .... كملت ليلى مع مصحف وسجاده...


اتريا ردودكم ...

صح لسان الشاعر .......... مافية حيلة ........ الله يصبرة على الدنيا وبلاويها

شـكــ وبارك الله فيك ـــرا لك ... لك مني أجمل تحية .

دنيا غريبه عجيبه في لياليها .... أيام تصفى وباقي العمر هداده...

قصيدة معبرة جداً
شـكــ وبارك الله فيك ـــرا لك ... لك مني أجمل تحية .