عشق بدوي لاحب ماهو بكذاب

السلام عليكم ورحمة الله وبركاته


هذي قصيدة للشاعر سعد الخريجي وغناها خالد عبدالرحمن من اروع القصايد ............






نويت مرباع الغضي سيد الاحبـاب
قصدي يزول الجـرح زاد التهابـه

جيت وبقايل نارهم حـول الاطنـاب
بيت الشعر مطوي وباقـي زهابـه

اقفت ركايبهم ومنـي الهـدب ذاب
الدمـع يسـري والذهـل بالاجابـه

على غزير الدمع ضميت الاهـداب
صديت لين لين الدمع يقفي سحابـه

بعض الوجع يمكن تداويه الاعشـاب
وبعض الوجع يا ويل من هو سطا به

عشق بدوي لا حب ما هـو بكـذاب
يوفي ولو جرحـه تجـدد صوابـه

واليوم وصلت بيننا مثـل الاجنـاب
ذاك الغلا يـا ضيعتـه يـا سفابـه

باكر اذا جينا لهـم مثـل الاغـراب
من عقب ما كنـا الاهـل والقرابـه

الامـر لله كـل شـي لـه اسبـاب
ولا الهوى وش لي على ما اهتدى به

وشلون قلبي ما يجي اليوم منصـاب
على الكتم منقـوش بعـض الكتابـه

حتى اثر مشيه مع سهول وهضـاب
مر يجيـه ومـر مـا ينـدرى بـه

قلبي من الفرقا صويـب ومرتـاب
كنه غدى صوين من هول مـا بـه

حزني عليه انه تسبـب ولا طـاب
نظرة طبيبـه عجلـت فـي ذهابـه

ريح الخزامى والنفل زين الاطيـاب
يشدنـي ريـح السمـر فـي ثيابـه

لا اقبل نسيـم بـه خيـل وركـاب
وله في طلوع الشمس عز ومهابـه

سلمت هبوب الشمال
ذكرتناء مخاوي الليل كانه قاعديغنيهاء
ونرجومنك المزيد

اشكر ك على النقل و صح لسان الشاعروالمغني الي لحنهاء

صج الله لسان الشاعر

صج الله لسان الشاعر
مشكور اخي على طرحك

بعض الوجع يمكن تداويه الاعشـاب
وبعض الوجع يا ويل من هو سطا به

عشق بدوي لا حب ما هـو بكـذاب
يوفي ولو جرحـه تجـدد صوابـه


اروع ماسمعت لخالد عبدالرحمن قصيدة حزينة وقوية شكرااا هبوب على النقل

عشق أبدوي لاحب ماهوبكذاب

الله الله ياهبوب الشمال والله من أجمل ماغنى مخاوي الليل

يعطيك العافية

صح لسان الشاعر

اختيار مميز

يسعد اوقاتك هبوب الشمال
تدري انا بلحقيقه اسعد بصحبة اهل الذووووق الرفيع
وانت بدون مجامله ذوق رفيع جدآ من خلال اختيارك هذه الكلمات المعبره والتي تتلاعب بلاحاسيس والمشاعر
تحيه لك بماتعني كلمت تحيه
واتقبل كل الود والتقدير مني
اخوك ابوريـــم