يامدور للرفاقه...محمد صالح الدفيعه المصعبي

الرفيق إن خاب قلنا العوض فيه البديل=والأخو لا خاب ماعاضنا فيه البدل
مانبدل رفقة الشخص لين انه يميل=والاخو لا مال قمنا نسوقه يعتدل
الرفيق ان مال ميله على أهله فالحصيل=والأخو لا مال ميله علينا والخمل
الرفيق ان مال ماجاز في ردعه صميل=غير واجبنا النصيحه مع ضرب المثل
إن قبلها نقبله وان رفضها له سبيل=ما نساير خايب الطبع لو قالوا بطل
طبعنا بعد أهلنا نرقب الرجم الطويل=مانخايل للوطا دامنا راس الجبل
والرجاله دربها عسر قد هو من دويل=مالها غير أهلها قوم مروين النصل
الرجاله وأهلها كالركايب في النقيل=والحمول ثقال ماشلها غير الجمل
والجماله ماكسبها الهزيل ابن الهزيل=لو تمدح لك بها تاليتها لك فسل
الجماله مالها الا الأصيل ابن الأصيل=لا نصيته فز مثل الحصان اللي صهل
ماشغل باله بماله كثر ولا قليل=غايته نيل الجماله وهو فيها صمل
والفتى لا شبّ طامح لأجل كسب الجميل=بان طيب أصله وفصله ولا حوله جدل
والفتى لا شبّ خامل وفي طبعه رذيل=قيل تربيته رديه وفي المنسب علل
وأحمر السكين ضيفه على جوده دليل=أجودي من جود ماله لضيفانه بذل
وأبيض السكين من شوفته شفت البخيل=لا اشترى السكين قله يقطع به بصل
مايجي القرناس من عش بطه مستحيل=وماأنجبت ذيب الغداري خباري في عبل
يامدوّر للرفاقه تبا منهم عميل=حدّهم في ماقفٍ ٍ صعب ويبين الخلل
لا يغرك من يجي في المجالس له هذيل=بعضهم في ساعة الصدق مايطلع رجل

شاعر بمعنى الكلمة ونسال اللة لة التوفيق في كل ابداعاتة الجديدة
فمن تقدم الى تقدم

صح لسان الشاعرمحمدصالح الدفيعه وسلمت يمينك اخي بليق على النقل

صح الله لسان الشاعر وشكرا للناقل

لا يغرك من يجـي فـي المجالـس لـه هذيـل
بعضهـم فـي ساعـة الصـدق مايطـلـع رجــل
صح الله لسانك ولسان قايلها

صح لسان ابن الدفيعة

شاعر مبدع ومتمكن

وتسلم يمينك على نقلها وامتاعنا بكلماته الرائئعه

صح لسانك ومنهم كثرللاسف

الدهولي أبوظبي

صح الله بدانك لاهنت على مرورك الطيب وردك الطيب

تحياتي

قناص آل فجم

صح الله بدانك وشكرا على المرور الرد الطيب تحياتي لك

حيد الشق


صح الله بدانك وشكرا على مرورك وردك الطيب

تحياتي