طاحت إحروف القوافـي من وسط عيني دموع
و الدموع إليا تهاوت رطِّبت روح القـصيد
والقصيد إليا تثوَّر يلقفه هاجس فــــزوع
والفزوع إليا أنتخـو بـه مدَّة إعزومه تـزيد
واشهد إني مالخيانه صرت كلي في فـجـوع
والفـجع هزهز كياني وأذبل الحــب الوحيد
وانتفضت بحس ثاير صاب ثاره كل جــوع
كشر أنياب الحـقـيـقـه واكتشف غدرٍ وكيد
وصرت نادم في ودادٍ لك وهبته في قنوع
مثل من يبصم ويندم بـعـد ما ابهامه تحـيد
ليه تطعني وأنا اللي صار قلبي بك ولــوع
ليه تخـذل فـال حبٍ كنت له عيشٍ رغيــد
إنتكس في وادي غدرك إنتكس خلك خـنـوع
أنت قدرك صار أصغـر من ظفـر حذفه أكيد
أنت نبض لبحر غدرٍ هايجٍ مابه هـجــوع
أنت نور لأي دربٍ منهـجــه نـوحَ الوريد
بخذلك في كل قصدك مثل تغميـس الشموع
وبقهره كيدك بكيدك لين ما تزهـق تـكـيـد
وبنحره معنى ودادك قبل لا يلين ويـفـوع
وبنثره في ريح كرهك وانتخي ذلك وأزيــد
مابسامح لك خطيه لا و لا تدور شفــوع
صرت كلي لك لباسك كيف ما اضرك أجـيـد
وإنتبه تنغز ذيابه هرولت يمِّك بــطـوع
لأنها لا هرولت صارت تسـوي مـا تـريـد
وصاح قلبي يالله داوي داوني بكي الضلوع
وانتشلت أسمك بحذفه لي ما فاح الـصـديد
طاحت إحروف القوافـي من وسط عيني دموع
و الدموع إليا تهاوت رطِّبت روح القـصيد