قصائد الشاعر عبدالله علي لحول المصعبي

((1))

يقول ابن لحول الشاعر = منين يا حوري الجنه
يا حالي المبسم الصافي = ذي كن برق العشاء منه
لاحت بروقه من المبسم = ولا بداء الا طرف سنه
من حيث سرنا في الدنيا=لا شفت حسنه ولا فنه
يا نوب يالي على المورد = في الصبح والعصر يردنه
هو من وصل عندكن ضامي= با ترحمنه وتسقنه
ضمان با شرب من ماكن = ذي بالشفايف تشلنه
واتشرعن به عسل صافي = من روس لغصان تجننه
يا ريت ماواي ماواكن = في داركن ذي تحلنه
وبيع لهل الهواء قسمي = وانتن لقلبي وتكفنه

((2))

يافايـق الحسـن وقـف للشكـا والـعـتاب=با شكي اليك ما بقلبي ذي نويتوا عذابـه
ويلـك مـن الله ياضالـم نـهـار الحـسـاب=شف عاد به يوم كلن فيـة يلقـى حسابـه
وش قصدكم يوم طولتـوا علينـا الغيـاب=وكل ما ارسلت لك مكتوب ماجا جوابه
لك عين تسحر وحجبها خناجـر طيـاب=دلا دلا لاتـعـذب قـلـب عـاشـق دلا بــه
ومبسمـك لـو يكلـم قـاسـي القـلـب ذاب=ولو يكلم مصلي في الصـلاه التهـى بـه
لاتحرم الحسن حقة وانت عادك شبـاب=في عمر لزهار مالقـد ذبـل وش تبـا بـه

((3))

يامولى العيون الكحلا =وش ذاالكبر ذي شليته
لوذاالكبر بايتقسم=مابين العباد اغليته
ماانته شي ملك في الدنيا=لاحد زعلك جازيته
اماالعافيه من ربي=لاموتي معك فكيته
مانا والنبي مااتنازل=لوسويت ماسويته
كم واحد عرفته قبلك=لااتكبر علي خليته
عندي قلب مايتنازل=في صبر الهوى ربيته
لاشي زعله بايقنع=لوتبكي بكا ماريته
هذاالحسن لك من ربي=مانته مانت ذي سويته
بعدايام بايتغير=واتأسفت ذي مااديته
اناصاحبي ذي يضحك=في وجهي متى لاقيته
ان سلمت قالوحيا=وان سلم علي حييته
وله وسط قلبي مسكن=من كل العباداخفيته
لايزعل ولايتكبر=باابيات الهوى غذيته

((4))

بـن لحـول كحيـلات العيـون اتعبـنـي =دلــونــي اشــكـــي لــمـــن
لاقيتهـن وامتـلا قلبـي فـرح واعجبنـي =مـــــــوردات الــــوجــــن
لاقيتهن حيث ماكنـت احسـب ان يلتقنـي =حــيــث الـوضـيـحـي ســكــن
معهن عيون المها القفري ومنهـن رمنـي =بــــا عـيـانـهـن يـجــرحــن
خذت البياضة وباكتـب بالقلـم واغلطنـي =غـــــــزلان مــايــوجـــدن
ريت اسعدة وان النجوم الساريـه يخبرنـي =مــن صـــدق هـــن يـرحـمـن
صاب الهواء صوب كم مرحوم منه ومشني =فــيــه الــفــرح والــحـــزن
حد هد قصر الهواء بيده وحـد قـام يبنـي =ذي بـالـعــيــون انــفــتـــن
ذكرتكـن ياضبـا الرملـه وهـل تذكرنـي =يـانــاعــمــات الـــوجــــن
سيت اسمكن شعر واكتب والمسجل يغنـي =وعـــــود فــنـــان حـــــن
بالله يا اهل الجيوب الخضر ذي عارضنـي =وقــــت الـعـصـيـر اشــمــرن
ردوا سلامي ريوم الخـل واحكـوا بغبنـي =ســاهــر حـلـيــف الـشـجــن
ريت الضباء ذي على الماء واردات اسعفني =شــربــت كــــرع بـالـثـمــن

((5))

المصعبي قال من يدري ومن يعلم= وش صادني في هواء منسوع لسياني
ونحمد الله على ما ادى وماقسم = كم ليلتا في هواه امسيت سهراني
ليله على نار نتقلى ونتالم = اكلي ولاالنوم فوق الفرش يهناني
وساع يصفى معي الجو واتنسم = لاشفت ذي بالعيون السود كواني
عشرين ضربه بسهم الحب تقطر دم = واذا حد انكر كلامي جبت برهاني
من ذاك ذي انا لقيت صدفه بدون اعلم = ولا غزيته ولا اتعنيت له عاني
ذي مد يده وصافح صاحب الخيتم = ثم ابتسم لي وحيته وحياني
اثنين غزلان كلن منهن سلم = واتحير العقل في لول وفي الثاني
ورحبن بي وجابن كل مايلزم = ضيفت شرف قدر لي منهن ولخواني
وعندما ودعن قلت النهار اظلم = وداع بالدمع من عينه وبكاني
وكل ليله ونا للعوده اتوهم = باعود من شان شوفه يبري اكواني
يالهاف خمسه وسبعين انطلق وسعم = روح مع دربهن ذي جيت به ساني
موتر معي لابعد قطع ولا كتم = يارب ليلة لمسراء جراني
خلك مع الجو مثل الطير ولا اعظم = شف قلبي احتر ياصنع المريكاني
لفرق ظبين قلبي منهن مغرم = جنوب صحراء الوديعه شرق رعياني
ماحب قلبي كماهن في بنات ادم = غزلان متقفره ما شافها انساني
بازورهن حق مهما لامني لايم = وبدي القلب شفه لا الله احياني