اهدا خاص الى كل مصعبي

تحياتي لكم اخواني المصعبين اين ماكنتم واليكم هذه القصيده لشاعر الكبير عبدالله على الاحول (بن لحول) ارجو انها تنال اعجابكم

يالله يارب تغفر لي وتجلي همومي = يامن جليت الهموم
يا حي باقي وغيرك لنا ما يدومي = ماحد سوا الله يدوم
المصعبي قال هم القلب شل الهمومي = عيت عيوني تنوم
من فرق ارضي وفرق اخوه تقوي عزومي = لخوه تشد العزوم
هم عجبتي يوم الآقي في المحاجي خصومي = هم بندقي للخصوم
اقهر بهم باطل الخصم الظلوم الغشومي = واهري بهم في الهجوم
احبهم مثل روحي والكبد والعظومي = هم الزجا للعظوم
من حب لخوه صبّر صبر الرجال الحشومي = والصبر طبع الحشوم
يحمل خطاهم وغلطتهم بقلبن رحومي = يكون قلبه رحوم
من شلهم في العوافي يجوه وقت الّزومي = واقضو جميع الّزوم
والساع طاب السمر داخل معسكر حكومي = لأهل الرتب والرقوم
بأسمر وجو الشمالي ممتلي بالغيومي = غطت سماه الغيوم