بسم الله الرحمن الرحيم
اسعدالله اوقاتكم نعود لكم بعد غيبه على امل ان تكونو في اتم الصحه والعافيه ونعود كما عهدتونا مع الشعر
قالو علامك ياحمد وش جرالك "
ما انته على بعضك على منت معهود !
قالو علامك وين مشغول بالك "
اترك عنا وقتك على واسع الجود !
قالو علامك ما ترانا قبالك "
قلت اعذروني امر ماهو بمقصود !
ما يدرو اني سارحن في خيالك "
يا من أسرت القلب يا ناعم العود !
يامن غدا قلبي وروحي حلالك "
امسي مع لفكار في أخذ وردود !
مشغول منك يا الغلا كيف حالك "
واتخيلك في كل لوقات موجود !
واحسب متى يازين ساعة وصالك "
اللي بها قلبي مولع وموعود !
وامتع اعيوني بروعة جمالك "
وارتاح لاناظرت لعيونك السود !
اللي بها طب الهوى والمهالك "
يا ويل من هو منها صار ملكود !
هل يا ترى قلبك علينا حكالك "
عن حبك اللي داخلي غير محدود !
وتقبلو تحياتي ابوشاجع الاحول