بسم الله والصلاه والسلاام على رسول الله
مساءكم :: صباحكم
ورود وعبير
لا اطيل الحديث اتركم مع القصيده والراي لكم
خو قايد اتعبت حالي = والعمر روّح خساره
ياناس ماني بسالي = والقلب تصلاه ناره
غيبت عن كل غالي = والاخ وابنه وداره
وامسيت عد الليالي = واشتاق اجيهم زياره
قد خاب ياناس فالي = واليوم مابه شطاره
صرّفت للريح مالي = وعلقت حبه سجاره
عل الامل لي طرا لي = يرجع وناخذ قراره
وافعل ليّه قصر عالي = وادخل بسوق التجاره
ورأس بنوك الريالي = واخذ شوون الوزاره
وعرس بسيد الغوالي = وافعل لعينه سفاره
لكن اسف ما جراء لي = من بعد مالي الصداره
أنهار برج انبناء لي = بالعز قامت جداره
ثارت عليه الشمالي = والجو عكّر غباره
مابين شمس وظلالي = ما نال قلبي انتصاره
احكي وهلوس لحالي = مثل اليتامى الفقاره
حل القهد في سبالي = صاحي بليل ونهاره
هذا من اول وتالي = موجز من اطلس مداره
واختم نهاية مقالي = غربة زمنّا خساره
وسوالم