ابداع

السلام عليكم

لتوضيح الموضوع يطرح للمره الثانيه هذا اليوم
تم حذفه من قبل احد المشرفين الذي اتمنى انه متى وقع يلغي الموضوع يقع يرسل رساله للعضو صاحب الموضوع يخبره به
لانه هذا من الادب على حد علمي
وهذا واجب المشرف او المراقب تجاه العضو
لان في حقوق وفي واجبات لطرفين عضو مشرف


القصيده جواب السيد\عبدالقادر امبارك الحمزه السيد احد ابنى الروضه
وهي جواب على الحسن بن علي السيد ومحمد عظيه الرقابي


يالله ياعظيم الداعي يارحمان ونته حسبي=اغفر ذنبنا ورحمنا والجنه لنا ماواها
الطف بي ويسر امري وانته يا الهي ربي=جنبنا شرور الفتنه ياربي ومن سواها
قال الهاشمي با اتبدع يا الهاجس بغيتك جنبي=هات ابياتك الفنانه تشرح نفس من يقراها
حيا بلحسن وبياته والان استمع في ردي=يوم ابياتك الفنانه غاب الضاد من معناها
قلت المشكله ما احتلت ماحد في القضيه مقدي=لوقد تركوها تبقاء عند الشيخ ذي اتولاها
حذف احتـــــــــــــــرام لشـــــــــــــــــــــــــــخصيــــــــــــــــــ ـــــــــــــــــــات
مدري هي سياسه منه ولا في التجاره مشبي=انت اخبر بعلم ##والواجب تتحراها
كبه يا الحسن لك كبه قولك من منامي احرمني=ببياتك تذم اخوانك وش ذي كلفك تنساها
شف ابن العريفي نكف من حصني يبا يطردني=خمسه في الحصن صدو له ربك يا الحسن اقواها
والساده ولاحد نكف كلن قال انا وش دخلي=ذي باطن نشب لايجزع وذي قابل##
ماحنى لاسمعنا البادي نحضر قبل لاحد يدعي=اذكر يوم عادك جاهل من ذي في الحمى احماها
وفي الحيره جينا غاره قبل المحسني يندهني=وساعه ما عوزنا اخوتنا ماحد قال يا لباها
لنته هاشمي متشرف كانك جانبي تسندني=ماهو في القصايد كودك ترجم اخوتك ترداها
والصاحب ولو هو حكم مامن واجبه يطرحني=لا الشيطان شب الفتنه مابايسلمو مكواها
هذا والعريفي قله ذي يذراه له بايجني=مهما اتجمعو للباطل ترجع بينهم بلواها
اما الحد والله دونه حني يامدافع حني=يكفي ذي طمعتو عنوه من عند القويري اداها
حاذر يا العريفي حاذر خافه يركبك شي جني=واني بهمك بيداتك هذا وعد وتفجاها
قلت الحوثيه مبدانا هذا لي شرف يسعدني=لجل الحق تسقط دوله يرجع لهلها ترعاها
اما انته عديم المبدى لاشيعي ولا انته سني=عاصي مايبا شرع الله يشتي بطمع يلفاها


هذا وسلامتك


وهذا الجواب على السيد"
مرحب بلحبايب مرحب بشيعي ومنهو سني=ببيت الحبايب ذي جت ماحد ذي عرف معناها
يا الحمزه حسن مايكذب جاب الصدق لو هو ضدي=جاب المشكله من اول بينها كما اداها
والان يارسولي اتوكل شف الحدذا هو حدي=يحميه الرصاص الخارق من شقيها الى قبلاها
ودخل لك بلاد الروضه من حيث الجرامل تهري=كمن صقر فيها جارح من ضرب الفضاء يحماها
شني ياعيوني شني وين الجيد ذي يسمعني=وين اليث وين الكاسر بوحمزه قسم ما اداها
من موته بكا الجاهل والشيبه وشيخ الشملي=وخواله بكو بلجمله والله عادته ينعاها
ورجع لا وسط الروضه بلغهم تحيه مني=بلورد المعطر ينفح للجاهل وذي يهواها
والله ونعم بالساده شف ماقط حد احربني=ماهل هم علي اتعصو وصبحنا وسط محجاها
والقناص منهم يقنص من ضربه بغا يقتلني=والدشكا مع الهاون لا رتبه غبر يرداها
والجفران ظلت غاره لاتحت الحصون الحربي=موجه من وراها موجه شي فاتر وشي اخطاها
ربك منكم سلمنى وانتو منكم سلمني=بدلنا الرصاص الزيتي خارق قبل ما اداها
لكن العتب علجوره والجيران ذي هي جنبي=ذي يتسمعو علقارح ماحد ذي طمر يطفاها
لما جا الطهيفي غاره جاب المقرحي يفرعني=جا هو والعقيلي غاره لجل المشكله ونهاها
خرج ذي بقيو في الحصن وداني كلام اعجبني=وداني هنادل بطه واطفا المشكله ونهاها
والتهديد ذي ارسلته شف ماقط حد هددني=شف نحنى شوامخ شعزا ماحد قط اتهزاها
والختم يا الهي اغفر ذنبي والخطا ذي مني=وجعلنا حبايب نحنى والساده على مبداها