الإهداءات | |
منتدى شعراء المصعبين (القصايد القديمه والتاريخيه) منتدى خاص في شعراء المصعبين فقط |
|
أدوات الموضوع | طرق مشاهدة الموضوع |
14-06-2010, 02:56 AM | المشاركة رقم: 1 | ||||||||||||||||||||||||||||||||||||
|
المنتدى :
منتدى شعراء المصعبين (القصايد القديمه والتاريخيه)
الديوان الثاني للشاعر/ محمد صالح المصعبي
عشر قصايد مختارة من قصيد الشاعر / محمد صالح المصعبي 1-قصيدة : لسانك حصانك لسانك حصانك تصونه يصونـك=وإن هنته الليلـه فبكـره يهينـك وأرزاق ناسك ماتوقـف بدونـك=لاتحسب أرزاق العرب في يدينك والصاحب اللي يرتجي منك عونك=في ضيقته عينه وبكـره يعينـك أقولها وإن قلت هـذي شؤونـك=باقول بصرك في مسيرك هوينـك ماينفعك حجمك وشكلـك ولونـك=الأخلاق كملها رسولـك بدينـك زمان لاجوك العرب ينصحونـك=بعت الجمل وأعطيتها ناصحينـك الأيام دورتهـا تسبـب جنونـك=ماترحمك لاجـات لابـد تشينـك لوكنت باني في الشوامخ حصونك=باتحذفـك منهـا مـع حاسدينـك مادامت لقبلك عـرب يشبهونـك=يومين والثالـث تشوفـه بعينـك ماترحمك لو تسكب الماء عيونـك=باتعوز أصحابك وتذكـر سنينـك لو تكره أصحابك وهم يكرهونـك=بايوقفوا جنبـك علـى طامعينـك وإن حبك الله شف عباده يبونـك=وإن عافـك الله غـدو عايفينـك والموت شـف لازم وبايدفنونـك=ويبقا لهم فعلك بشينـك وزينـك تبغا الجمالـه يامعقـل ظعونـك=مابا تجيك البيت وتقـول وينـك اسرح لها يومك على ظهر بونك=وإسر الليالي واطلب الله عوينـك أمـا الفسالـه وأهلهـا بايجونـك=مثل الطروش اللي يجوا ناصدينك حذراك لاهي وأهلهـا يعجبونـك=لا خذتهـا بكـره يدنـق جبينـك صيت الجماله ينذكر لا طرونـك=وصيت الفساله بعد موتك مشينـك كسب الجماله وأنت ميت يصونك=وينمـدح خالـك مـع والدينـك وكسب الفساله وأنت ميت يخونك=وينشتـم خالك مع والدينك 2-قصيدة : الى الفردوس أيا حادي هجوس الشعر ساري الحندس الداموس=تمسّ لعين خيّال القصايد في وغى الطرسي معك من هاجسه يسكر على قرطاسه وفانوس=ولكن ماسكر عقله بشرب الخمر في كأسي أرى كاهن بلد فارس تلذذ في قهر فردوس=وأبا أقلّه بسيطة باكر الأيام بالعكسي متى الله داول أيامه تصير العاليات نكوس=كما (ذي قار)يوم الله بين العُربْ والفرسي وأنا شاعر من الصحراء تعلمه الحياة دروس=وصوت الحق لأجله ماعلّي إن طيّروا رأسي ومن طلسامة الدنيا وطيلس لابسينه روس=وشر الجبت وأعتى الجن حرزي بآية الكرسي خلقنا الله لقول الحق يوم إنا عظام نفوس=وإذا شفنا المسوخ نقول هذي أصلها نجسي سلام الله ياراحل من الدنيا الى الفردوس=سلام الله ياراحل عليك تهزني نفسي سلام الله ياصدام ودمعات العيون تحوس=سلام الله ياحامي العروبه وقتها الأمسي شجاعة قلب من آمن بقدرة ربنا القدوس=شريت الدين ياصدام وبعت الذل والكرسي عليك الله وأمان الله تنام بقبرك المحروس=وبغداد العروبه هزّها ضرغامها الشرسي متى ربك أمر بالنصر لازم نقرع الناقوس=على بغداد واللي حولها في ليلة العرسي 3-قصيدة :الصبر الغنيمة يانفسي الصبر الغنيمة ونـا خـوش=لابـد ماربـي يسـهـل فرجـهـا لاتشتكي والجاش بالضيق مجيـوش=الا لـرب النفـس عالـم خلجـهـا هو ما تشوفينه فـلا حنّـت البـوش=دلهـم سحايبهـا ورعـده لججـهـا وانهل وسميها على قاعـه طشـوش=أحيا الهشيم ورحمهـا مـن لهجهـا أقولهـا والكبـد يانفسـي تـحـوش=من لوعة أيامـي وكثـرة حججهـا جربت أنا الأيام تجريـب مدهـوش=يرهش قفا الحالي وحصـل حدجهـا الأيام يانفسي لهـا شـرع خـردوش=قاصر ولاهـو ينفهـم فـي نهجهـا تضيق في وجه الذي دايـم يهـوش=وينـوش عدوانـه ووقعـه فلجهـا كم ربطت بأمراضها عوله وحـوش=نشوفهـم مرضـا ونعجـز علجهـا ماالاش قدهو لاش عظمانه هشـوش=مابـه زجـا للعاليـات ودرجـهـا مغشوش نوعه في الرجاجيل مغشوش=لاحد نتع كفـه مـن ايـده مرجهـا أقولهـا يانفـس والـراس مـدووش=والعين مرقدهـا بطـا مـا سهجهـا من توقها لمشاهـدة كـل مدغـوش=صامل هروجه بالمراجـل هرجهـا أمثال منهو يودع العظـم معـروش=وان جاع صوته تمتلي بـه فججهـا هذاك هو والله لـه القلـب مبشـوش=لا سايـرك ضـوّك يـزوّد وهجهـا لاخلتك الأصحاب وأمسيت مبلـوش=والهـم مترابـت ونفسـك زعجهـا يقبل كما ذودن على المارد عطـوش=يترك لك الصافي ويشـرب خمجهـا وان شاف بك عذروب للناس مفتوش=غطـاه والحسّـاد فعلـه لطجـهـا راسه على الطالات يشتاط ويشـوش=وخيله من البارح لخصمـه سرجهـا يجر سيفه من جفيره علـى جيـوش=ماهـو يجـرّه للبـرع فـي بهجهـا عريب في مجناه وأخوالـه حمـوش=مـن طيبهـم طيبـه تزايـد نتجهـا هذاك له والله يبو طـرف مريـوش=قـم ثنـه القهـوه وزوّد حوجـهـا لاما يقول الكيـف ياحلـو منعـوش=مشكور منهو بهيلهـا قـد مزجهـا اللي صديقه يكسب الطـول وينـوش=وش له يفكّر في السنيـن وحرجهـا يانفسي الصبر الغنيمه ونـا خـوش=والله يجيـب أرزاقنـا مـن برجهـا 4-قصيدة : عابر سبيل أحلا صباح اللي على شاطي البحر به نلتقـي=وأجلس معاك لحالنا ياساجي الطرف الكحيـل وانته تقول اشتقت لي ونـا عليـك مشوّقـي=ياحالنا حالة (بثينـه) يـوم يعشقهـا (جميـل) إي ولعي بي مثل نار (الموبـذان المشرقـي)=إي ذوّبي صخر الجليد اللي على صدري ثقيل إيه احرقي مهجة محمـد ولعيهـا واحرقـي=ياشوق مهجة محمد وياقمرها والدليـل إي ولعيني لين أجيب أحلا القوافـي طرّقـي=من بحرها حلو المعاني هاجسي يهوى الجزيل نذرِ ٍ عليّه لأشبعـكِ وأرويـكِ شعـرٍ منتقـي=وأنتي اكتبيه بدفتر الذكرى مع (سيف) الايميل ثم دوّني عنوانها (شاعر قضـا عمـره شقـي=ما راس ماله غير طرس وبه مدوّن كل قيـل) وإن قلت أحبّك يامهـا لا توثقـي وتصدقـي=إيه اعرفيني شاعرِ ٍ ماله على الدنيـا خليـل ولو حلفت إني عشقتك لـي أبـد لا تعشقـي=أخاف أنا لو تعشقيني تسهري الليـل الطويـل إيه اتركي نار النوى متوهجه فـي جوسقـي=ماأريد قلبك من صواديف النوى يمسي عليـل المشكله مالي على الدنيـا مبيـت ومشرقـي=لو غرّبت بي في عدن تشرق وأنا وسط الجبيل مالي على الدنيا محـل أحـلّ بـه وأترزقـي=مالي بلد ثابت أبد يابنـت أنـا عابـر سبيـل عابر سبيل وماعرف من رحلتـه مـاذا بقـي=ولا عرف موعد رحيله أو إلى أيـن الرحيـل من شان ذا يابنت أنا أترجاك لـي لا تعشقـي=وإذا طروا لك سيرتي قولي لهم طبعـه نبيـل وإذا وصل خبر موتي وقالوا مـات المشتقـي=ماأريد دمع إنسان بأسبابي على خـده يسيـل 55-قصيدة :عطايا الله يالايمي في عطايـا الله خـذ أقوالـي=جتك القصيـده ولا نسمـح ترجعهـا دامك تحـب القنـص مانـا بعذّالـي=صد لك عشا بالصقور وثـم برقعهـا لكن ترى راحتي ملحـاٌ هـوى بالـي=لا روّحت فالصحاري خافقـي معهـا بيـن المجاهيـم ناقـة حبهـا غالـي=تعجب عيون العرب ساعـة متابعهـا سوداء تشابـه ليالـي حظهـا مالـي=لا بـدر فيهـا ولا نجمـات تنفعـهـا حلوة تواصيفهـا والوصـف يحلالـي=من راسها اللي مصندق بأمر صانعهـا فيه البراطـم طوالـن شـرم وثقالـي=ربّك شرمها لأجل مالشـوك يوجعهـا مرثومـة الخشـم ممـدودن ونزّالـيوتخاشـم النـاس لاجتهـا تطالعهـا والخد وسعه يسـاوي كـف رجالـي=يمسـح لهـا فيـه لاجاهـا يدلعـهـا وعيونها السـود تلمـع كالكرستالـي=ماأحلا صفاهن وساعن جل موسعهـا لا شافت اللي ملكها جـات زرفالـي=وكنها تحاكيـه لامـن هـلّ مدمعهـا ورموشها دقاق مصفوفـات وظلالـي=حراس دون الـدرر والنـود تمنعهـا خرعا الأذاني تقول مقـوّي إرسالـي=متقوساتـن وحلـوة يـوم ترفعـهـا طول ارقبتها حسام ل فـارس هلالـي=له سالفه عنـد كـل النـاس نسمعهـا والجرم مبرومه أوبـاره مـن الوالـي=فيه الدفـا لا ليالـي البـرد تصقعهـا والغارب اللي تقـول العـرق هيّالـي=مسنود وجنوبهـا الطفـاح ماأوسعهـا مافوقه الا سنـام مـن الشحـم مالـي=منفوخ يوم الزهـر فالقـاع مشبعهـا مفهوق فآخر ظهرها كالجبـل عالـي=يعجبك يـوم ايتمايـل مـن تهزعهـا والذيل طوله وعرضه ساعـد جلالـي=يلعب مع فخوذهـا كنـه يصارعهـا هزعن عراقيبهـا وايدينهـا طوالـي=والخف من تحتهـن وسعـه يشجعهـا تاطا عليه الحـزوم وتقطـع رمالـي=لاهـي تبنشـر ولا يحتـاج ترقعهـا يازينها يوم تمشـي فالخـلا الخالـي=آثارهـا فيـه مثـل الختـم تطبعهـا خلفه لبنهـا تقـول السكـر الحالـي=تشبع لها قـوم لاقـد درّت أضرعهـا أرتـاح لا شفتهـا والهـم ينـزالـي=سبحان ربٍٍ ٍ خلقهـا كيـف أبدعهـا مذكورتن فـي كتابـه والنبـي قالـيحرّم على النـاس تشتمهـا وتطمعهـا الشعر فيها عجز عن صوغ الأمثالـي=يبغا يصوّر وأقلـه صورتـك دعهـا البل هوى البال والبل زين الأموالـي=سفن الصحاري وبسـم الله ماأروعهـا والبل متـى صـار مقتولـن وقتالـي=قطعانهـا للكـرام ديــات تقنعـهـا كسب العرب في زمنها الأول وتالـي=وأن روحوا في الصحاري روحوا معها 6-قصيدة : أنا العزيز على مفرق دروب العمر واقف والزمن يجري=يناديني وأنا محتار مدري وين وجهاتي أمد الشوف لأبعد حد بس الشوف مايسري=سواد الليل غاشيها ولا أدري وين بي تاتي أخاف أسري وأقول الصبح واويلاه ياعمري=قضا كله مسلسل قصته تحكي معاناتي يناديني الزمن وأقول: وقف وإفتني أمري=وش يختلف به عمري اللي راح وعمري الآتي إذا مافيه فرق ف ويش له ذلي مع قهري؟=وأناالعزيز اللي لروس الشم أسوق خطواتي إذا تقول :الفرق فيها...أبغا فرقها مغري=أبغا السنين مواتيه تاتي تحقق مناتي وإن كان مابه فرق أنا أترجاك ادلني قبري=الموت عندي أبرك من حياتن ماهي تواتي ضحك مني الزمن ويقول:وين اللي على خبري=يدحق على الأفعى عمد ولا من نابها يحاتي قلت:اتركه مسجون يقضي باقي العمر في صدري=وأنا سجانه اللي موثقه بحبال وسراتي مجنون لاعب بي من عاد أنا في مبتدا صغري=وماأبغا الشقا يبقا معي لا يوم تبان شيباتي ضحك زماني قال:عمر الخوف يرافقة عذري=لا صرت خايف فاعترف وخل الأمر سكاتي قلت:انتبه والخوف لاهو لي ولا معي يطري=خوف الجبانه عيب يازمانن خابر صفاتي أنا لاخفت..أخاف أندم وأنا ماريد ذا يجري=والخوف هذا في قلوب الناس عاملٍن ذاتي وش هي حياة الحر إذا قضت مربوط في وكري=قيّض وموسته استوت ولكن القنص فاتي مبلي بصقارن معاه ماهو بالقنص يدري=ولاهو من هواياته ولا له فيه خبراتي وإذا طلع به طلعه للجسر ورده الكُبري=وأهل القنص بطيورها لهافي البر سجاتي ذي صورتي وياك يازمانن تحتقر قدري=لا طعت تتركني أطير ولالي جبت مشهاتي على مفرق دروب العمر واقف والزمن يجري=محتار وين ألقا طريقن فيه ألقا طوحاتي 7-قصيدة:رمزنا الغالي في عطايا الله الأقوالي=قالها اللي يحكم نظومه ياعرب هي رمزنا الغالي=رمز ماضي حلوة علومه زينها من ربنا الوالي= وذكرها ف آيات معلومه والوصوف وفرق الأشكالي=حيّر الأذواق والسومه وصفها عندي له أمثالي=وصف ندّر شبه معدومه والجروم وحجمها العالي=فوقها الأوبار مبرومه والوجيه وشكلها الحالي=ماخذات الزين برقومه والبراطم شرم وثقالي=والخشوم طوال مرثومه العيون وساع وتلالي=تحتها الخدين مدحومه والأذان مقوّي ارسالي=شكلهّن أقواس مرسومه والرقاب الجرد وطوالي=سيف منهو تمدحه قومه والنحر وسعه يراوالي=حول شبر وشبر وابهومه والغوارب عرق هيالي=والجنوب بشحم مردومه والسنام أفهق وميالي=لامشت يختض بشحومه واليدين طوال وجلالي=ذي مع العرقوب محكومه مشيها به كنها الآلي= لامشت خطوات منظومه قاطعات البيد تختالي=لامشت الآثار مرسومه لو يغرّز موتر الرالي=روّحت قدامه اتشومه ناقلات ثقال الأحمالي=عابرات البر وحزومه زينهّن ان كانن غفالي= وماتعاب ان كان موسومه هن مدرات اللبن حالي=تشبع الراعي مع قومه صنعتن من ربنا الوالي=مسّخره للناس مقسومه كسبنا من الأول وتالي=من حقرها خابت علومه ذي وصوفن جات في بالي=قلتها والعفو وسلومه 8-قصيدة : معزامنا دار اليمن قم يارفيق الدرب ياالرجل الصدوق=يامن على الطولات دوم اتسوقها ياسيف في اللزات قطاب العنوق=ياهتفتي يوم العدا في بوقها قم شغل اللي لا أشتغل مافيه عوق=مادام شمس الله في تشروقها خله يحمي وامتنح زين الغبوق=خلفه لبنها مثل سكر ذوقها منيفة اللي وصفها كله يشوق=فهد الدفيعه جابها من سوقها مرباعها السمحه على رطب العروق=والرمث وأزهارن نبت زملوقها والعفش خله لي وأنا باشد فوق=الشاص كل العفش في صندوقها بسري أنا وياك في الليل الغسوق=والصوت باجيبه على طاروقها والشاص هده ينطلق ساري سبوق=هد الحرار المطلقات اسبوقها سعف النشاما لاقد الماقف خنوق=تلقا غريمك عندها المخنوقها عادات منهو مصعبي صافي العروق=أنمار تبطش من طمع بحقوقها معزامنا دار اليمن وانته تسوق=الشاص ذي له كل عذراء شوقها البيج ذي من دفعته شل الفروق=هو باشة الدفعه وخير انسوقها أبورفارف لا سرى بعد الشفوق=صبح صحاري عارفين شقوقها رمله بها الفتان مكحول الحدوق=أبوجدايل زاهيات اعتوقها بدوي عيونه رميها ماهو رفوق=كمن ولد يشكي جليل امروقها والزين في عشقه نعم قلبي سموق=حبه محبه مامحبه فوقها لاقد دعاني فز له قلبي شفوق=لبيه ياكبدي ويامعلوقها اشتاق مجلاسه وشاهي له نذوق=واشتاق حلو الهرج من منطوقها حكم الهوى مايرحم القلب العشوق=لكن رضيته دام أنا المعشوقها 9-قصيدة: قمر ونجوم قمر ونجوم تتلالئ وسحر الليل في الصحرا =وهمس النجر مستعجل مع النسمات بايسري وعطر الهيل والدله على جمراتها الحمرا =تشّوق شاعرك يكتب قصيدة حبك العذري زهر وأشجار في عيني من أيام الوصل خضرا =سقاها الزمهرير العذب يومه بينها يجري حنين وشوق بين أحباب موعدها مع القمرا =وسهره عطرها صدق القلوب وحلمها المغري تبّدل كل شي وأصبح مهامه خاليه قفرا= ذبحها شح غيم الوصل و عاصف الهجري وأنا مذهول..مستغرب..جنابك كيف يتجرا =يجي عندي يلاطفني يدوّر حرفي الشعري أريد أرضي قدومك لي ولكن نجمة الشعرا =قتلها سهيل والجوزاء عليها تحترق قهري تقول شلون؟ وضح لي وأقلك منك العذرا= توفا حبك ف قلبي وواريناه ف القبري غرامك..مات قبل سنين وباقي منّه الذكرا =تهاجم خافقي وأسهر وحيد لطلعة الفجري وش أسباب الوفاه؟وكيف؟أنت بكل شي أدرا= وش الأسباب؟ماأدري ولاأدري وأنا أدري أدري فقط..بإعدام حبك يوم السالفه هجرا =وقاضي الهوى مايرحم العشاق بحكمه العزري تزلزل قصرنا ثم طاح من عاليه لى حدرا= تكسّر مثل تكسير الزجاجه وأنجرح صدري بلاش تقدم أعذارك..بلاش الحلف والفجرا =ثمان سنين ماهي شوي يوم تضيع من عمري فأمان الله..لا عفواُ...فأمان أيامك الغبرا =عسى الأيام تكوي قلبك الخداع بالجمري تبا الأشعار ماعندي..خلاص أتوقف المجرا =نضب بحر المعاني والقوافي وانتحر شعري 10-قصيدة : ياذيب سج الصوت ياذيب سج الصوت وسط الخلا سجه=صوتك يخفف هم في داخلي مسجوج سجه مادام الجوع دايم معك حجه=سج العوى ياذيب خل الخلا مرجوج بعوي معك بالصوت ساري ملا الفجه=بعوي معك ياذيب من خاطري المزعوج حكم الزمن في ضامري سبّب اللجه=وصارت حياتي كلها مالها منهوج متى دجت عند الناس ألقى بها ضجه=كلن وهو ياذيب يشكي زمان الحوج و أدوج في الصحراء وأهوبل مع الدجه=قصدي تزول هموم فوقي كما سيهوج أنا أدوج والخفاق دواج في عجه=ضيّع دليله والرجا به يشوف خروج وهذا زمن ياذيب والله ردي نهجه=هاجم على الأجواد بحصانه المسروج ذالوقت من هو ذيب في بلوته زجه=والثعل مايبغاه لو فوق راسة توج كمن ولد ياذيب في خاطره شجه=مقهور من وقته ولا له دروع تكوج يلعب بنا داخل فمه واللي شبع بجه=للموت ولا عيشةٍ مالها منتوج ياذيب سج الصوت وسط الخلا سجه=كمن ولد يعوي وناره لهب مأجوج وســــــــلامـــــــتـــــــكــــــم ملاحظة:مطلوب التنسيق
|
||||||||||||||||||||||||||||||||||||
مواقع النشر |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|