غزل

حنيت لك ياحلو حالي
ذي على شان الصداقة ذي تغامر
باقي على عهدك وانافي القلب حبك لايزال

ياروحي الغالي ويامن فوق كل الناس ذي تنهي وتامر
يامن جراء دمعي من اعياني على فرقك وسال

ريتك قبالي والنبي ماهتم من عنتر ولاقيس ابن عامر
ذي سجلو تاريخ في حب العذارا له فعال

غيرت بالي يوم جات اخباركم يازين لمامسيت ساهر
ولقيتني محتار مابين الحقيقه والخيال

فكرت ون الحب والي لادعاني قلت لة طيب وحاضر
ونااعرف انه حرب من فوق الخصومة والقتال

غيرت ياخلي مجالي بعدما سويت لك مبناء وداير
وتخيلك دايم على بابه تناديني تعال

وتذكر النصاف اليالي يوم شفتك عصر شليت الدفاتر
باالله ايش الدرس والموضوع ذي فيه اسؤال

ياريت ان المال مالي وكل الناس تصبح لك عساكر
يقربو لك كل حاجة ونت جالس في ظلال