السلام عليكم
يشرفني اسجل في هالمنتدى العريق بإسمه وللامانه اني اكتشفت بوجوده قبل دقايق من خلال جولتي فالنت
وحبيت اشاركم بهذه الابيات القليله لي
ياخـوي يلّلي فالقــصايد تمــــكّنت / هــات القلم واقعد هنا من يميـني
واسمع كلامي واكتب القول لاهنت / للغايب اللـي مختــفي له سنيــني
إمّا تجيـــني تسبق الوقت (ايرجنت) / ولاّ تــراني بغســـلك من يــديني
أربع سنيــنن وإنت لليـــوم مابنت / ما عاد لي صبرن وجبرن تجيني
إنت تحسبنّه مافي هالدنيا غير انت؟ / وانا هنا ناطــر ذبحني حنيـــني
ياخي علامك حي ..ميت..تجننت ؟ / عايش على هالأرض ولاّ دفيني؟
صاين انا حبّــك ولا يـــوم خوّنت / كل من نظرني ناظره بنص عيني
افضح عـــذابي فالمجلات والنــت / يمكن يصادف يــــوم تقــرأ انيني
اخوكم الصغير
محمد العريفي
عزام حد السيف