يامل قلب فز واهتز وارتج

يا مل قلبٍ فـز واهتـز وارتـج= ياونتـي مـن هزتـه ورتجاجـه
لو كان له من بين الاضلاع مخرج=كان ارتفع بالجو بيـن العجاجـه
كل السبايب صاحب الوجه الابلج=اللـي بتعذيبـي يريـح مزاحـه
قصده يمشيني على الدرب الاعوج=والا يعذبنـي بكثـر احتجاجـه
لو شافني واقف على الباب عرج=انا معي وحدي يحـب العواجـه
يبغاني احتاجه وهو منـي احـوج=عنده دواء روحي وعندي علاجه
لولاه سلطـان البنـات المتـوج=وانا احترم حسنه وعـزه وتاجـه
ونار المحبـه يـوم يبعـد توهـج=والقلب ياناصر يزيـد انزعاجـه
دورت لي عن قاسي الطبع منهـج=وصل علاقتنـا لعنـق الزجاجـه