مناجاة شعرية

السلام عليكم ورحمة الله وبركاته أسعد الله صباحكم - مسائكم أخواني الأعضاء هذة احدى تجاربي الشعرية أرجو أن تنال أستحسانكم : يالله يامحصي كنوز السلاطين = يا واحد ماخاب منهو لجى به يارب أنا برجيك بالعسـر واللين = ياكاسي الأرض من متن السحابه هم (ن ) بقلبي من أول و هالحين = والضيق بالصـدر نـوخ ركابه دنيا غريبة وعـــذاب المحبين= ذقنا السعد واكتوينـا من شهابه حب يخـلد بجـــنون المجانين = جنان حب ماسهوم الغدر صابه حب خضـر معطرينه رياحين = وحب المجامل ويل من أبتلى به وحب تعثر بفعول الشياطـين = وحب صدوف الوقت دمر شبابه تسعة شهور و الدمع في محجرالعين = صابر وربي يعوض في ذهابه لاعذر والجيم يسأل عن السين = غامض بطبعه و بينه تشابه نفسي عزيزة ولا أتبع دروب المقفين = دفنت حبه والعـزى للقرابـه مسيكن من عاند شموخي والله مسكين = يبطي ولا حسبته وعندي حسابه ضو الأمل يحيي قلوب المساجين = ويهتني بالــزاد ويتذوق شرابه يالله ياغـــــــافر ذنــــوب المصــــلين = ثبتني عند الســـؤال بالأجابه والحمد لك عـــــد الورق في البساتين = وعــدة نجــوم الكون وذرة ترابه وسلامتكم من كلماتي مـ ع ـاند بحـر