خلطة سحر ...الشاعر محمد صالح المصعبي

	الــبــارحــه والــلــيـــل ســـاحر هدوّه**مـتــأمــل الـنـجـمـات وأعد الأميال أحـسـب مـسـافــات الـزمـــان الـمـتوّه**وأسـأل سـنـيني وش بلا حظها مال والـــحــي هـــادي و الــخـلايــــق هـنـوّه**نـامـت ولا مـرّت بـها ضيقة البال وأنـــا الـــوحــيـد الـلـي مـنـامـــه مـشـوّه**لا نـــام فـــي قلبه كوابيس تنهال صـــار الــسـهـــر أهـــون من النوم جوّه**لــكـن مـشـكـلـتي لها عدّة أشكال أســهــر وجــيــش الــهــم يــزداد قـــوّه**وأصــيـح ياهمي كفا القلب غربال أمـــد كـــفــي لـلــزمــــن فــــي عـــلـوّه**أقول خذني من ضما التحت للعال فــــوق الـسـحــاب الـلي يــســافــر بـنوّه**بــعـيـد من عالم غدت تعبد المال عـــالـــم وخــيـــّرهـــا خـسـيـس المخوّه**بـايـع خـويّـه في الشديدات بريال أقــول خـــذنـــي دام ذالــعــمـــر تـــوّه**يمكن يعيش الحظ ويموت الإهمال ثم مـــد لــي كــفـه وأنـا أقـــول أيــــوّه**لــكـــن ســحــبــهـا قبل ماهي بنتطال قـهـرتـنــي يــاوقــت مــافــيـك نـخـوّه**حتى أنت ماخذ من تواصيف الأنذال ســـاهـر وأغـنـي لـيـــت وقــتــي ولوّه**للــحــزن فــي قـلبي قصايد وموال والـقـلـب أحـسـّه داخـل الصـدر جٍــوّه**مخـنوق من حاله ولا طاب له حال لا قـــلـت وش صـابــه وأبـــاه يـتـفـوّه**غنـّا (زمانك لو صفالك).و.(رحال) حـمـّـل شـنـاطــه عـجـل ويـحـث خطوّه**وقد صـك بــاب البـيت الأول بالأقفال صـوّت لـه يـا قـلـب ويـــن الـمخـوّه**يــقـول في دور الحضانه والأطفال أمّـا عـــلـى الـواقـع تـمـوت الـمـروّه**شــف حــال أمـتـنـا تـفـرّق وإذلال كـم مـسـتـغـيـثٍ صاح مـن هـول بلوّه**صـوته تـصـدّع مٍنَه وديان وجبال يـاقــلـب خـل عـنـك الـعـرب والفـتوّه**أسـكـت وحـالك حال مليون رجال شـف كـيـف صـدام الـشـهـيـد بـإبـوّه**تـكالـبـت ضـده الأمـم لأجـل ينزال مـاهـو لأجــل جـيـشـه ولا أي ثـروّه**لأنه لـديـنه واقـف وقوف الأبطال روّح وعـقـبـه بـان بـالـوضـع فجوّه**ونـقـول مـنـهـو للصـعـيـبات حلال الـوضـع سـيئ والـعــدو زاد سـوّه**لـكـنّ وقـــف طـيـّب العــــم والخال شـف شـيخـنا محمد وحكـمة سموّه**حرن وجاب الحُر للغرب مرسال لأنــه نـبـي والـوضـع يـطـلب نـبوّه**وانـظــر تفاسـير اللغه تفهم أمثال مـعـنـاه مهـمـا زاد بالوضع قسوّه**لازم يـجـيـنـا غـيـث للـمـزن هـمال برقه تكاشف والرعد ضج دوّه**وصحراء الجزيره تنبت أحرار ورجال والـحـمـد لله جــات للــحق صحوّه**يوم الردى دنق على حـذفة نعـال يـاقـلـب هـوّن مـا يـفـيـــدك تـأوّه**والخلق دعها لخاتــم الرزق بآجال وعـوّد لـبـيـتك واتـرسه من خـلوّه**وحشة خروجك سبّبت فيني هبال يقول أعـوّد بــس لي شــرط سـوّه**قلت اعتبر شرطك حصل قبل ينقال تـقـعـد وتـخـلـط كوب شاهـيـك قهوّه**وتـقـول خـلـطة سحر للهم قتال قلت أوعدك ما أمكّس الشاي قهوّه**وماأقول خلطة سحر للهم قتال وسلامتكم[/

poem]