قصيده بدع وجواب الشاعرعبدالباسط مرجان مرسل الى الشاعر صدام الكحيلي

قصيده/ من الشاعرعبدالباسط مرجان مرسله
الى الشاعرصدام الكحيلي
==========================

ياالله دعيناك ياذي الكل له يدعي=يامالك الملك ياذي لدعاءقبال
ياحي قيوم ياذي من على السبعي=تعلم بالاسراروانته في السماءمتعال
خلقت للادمي زوجه من الضلعي=وقدرتك فاقت التصويروالخيال
ياسائق الرزق ياالله من كفك الوسعي=لكل مخلوق رزقه دون شي فضال
ياالهاجس الليل ردالدانوالسجعي=واحلاءالقوافي امانه شلهاموال
بالسهرالليل لمافجرهايشعي=هات القلم والورق بانظم الاقوال
ابيات فصحاءوباناقش بهاوضعي=وضع اليمن ذي مدهورياحضرت العقال
احناحنبنامع ارهابي مع شيعي=والقاعده والتقرصن ذي من الصومال
ذي يدعموه القياده بشكلهاالفرعي=لامامتى والثعالب تلعب على لاوعال
احناتعبنامن التكذيب والخدعي=بانت حقائق بذي طيب وذي بطال
معاداباوحده مع النصاب والخضعي=ابن الجنوبي ظلم وهوذي استراح البال
في عام تسعين زوجته بهاشرعي=لاكن اسف ذي تعاني القهروالاذلال
يابنت ابوزيدلازم تطلبي الخلعي=يكفي حرواه من الخداع والدجال
ذي ظل شبعان من خيريومن زرعي=ونابجوعي اناوست والجهال
هوقوله اني نسيت الشتم والفعي=ذي مد يده بوجه السيده فريال
لابدماخذبثارش ناوياربعي=من ارض ردفان والضالع رجال ابطال
وابين وشبوه بهاكمن نمرسبعي=وارض يافع بهالانماروالاشبال
ياناصرالليل هات السيف والدرعي=والرمح والقوس هاته لي مع السربال
دارت رحاءالحرب ماشي منهارجعي=ابوك فارس شفه في المعركه خيال
يااهل المصالح كفى من شعبنا نتعي=يكفي من الظلم يكفي نهب في لاموال
خافوامن الله يوم البعث والوقعي=في يوم خمسين الفاشاب بلالاطفال
ولامن معدوم في انحاءالوطن ضاعي=والقتل دايرلان مااتحاسب القتال
والاضطهادات هي والفقروالجوعي=لان ماشي رقابه حاسبت لانذال
شلت سرق والنبي لازم له ردعي=والله لازم لزلزل ارضهم زلزال
مافش تحاوروعادالعنف والنزعي=ماقول تنحل اذاماحلهاالحلال
والله غلط صاحبي وقع على البيعي=بيعه رخيصه دنيه دون شي دلال
لاكن لي الحق رجعهاولي الشفعي=لابدترجع وتحكم من قصرعال لعال
احناالجنوبين فيناكمن بطل شجعي=خضناحروبات كبرىلاجل لاستقلال
ياكبتن الطائره باالله خذمعك بدعي=من اليمن لاالسعوديه خذالمرسال
وسال على شخص فاهم للكلم يوعي=ابن الكحيلي تخبرفي اي ديره حال
وهده تحيتنالان الوفاء طبعي=والندوالوردذي مقطوف من لاذوال
وعطرباريس جاءمخصوص في الصنعي=والمسك والعودرش الثوب به والشال
لي منعكم منع ذاءجاهي وذاءقبعي=لاتجلسواتتبعواذي فرضنايحتال
ذكرالنبي كل ماامساءالبرق له لامعي=واعدادماثارومساءالسيل ياسيال
شفيعنايوم لحشرساعة الجمعي=صلاه من قلب خاشع عاالنبي والآل

جواب الشاعر صدام الكحيلي
=================

يامرحبا الاف يملا الحد لا القمعي=حيا بمرجان باقطف له شقر لذوال
حتى ولو شي اختلف في الوزن والسجعي=بارد بالعــوج سمــحة مثلما لميال
حيا عدد ماتحن الشرف والصمعي=ذي صرفها في المحاجي زلزله زلزال
والعليماني قديم النوع والصنعي=هو ذي بسوق المنايا سمسري دلال
ياكبتن الطايرة ذي جبت ذا البدعي=رجع جوابه وبالمكيال خذ مكيال
لا تحسب ان البكاء او كثرة الدمعي=ذي ديم وانته تهبّرهن على لطلال
بايستطيعن يردن عصرك الرجعي=او بايردن علي عنتر لكم يحتال
لا عاد تبكي على بوزيد يامرعي=يارب غيرك نسي عبدالله السلال
قرّب آذانك وحاول تحسن السمعي=لاحد يغرك من اهل الرقص والطبال
ماراح قد راح لا تحزن ولا تـنعي=خلك مع الحيد ذي انته في عطافه حال
واحنا مع الشعب مالحنا لحد تبعي=والملك لله وحده والبشر تنزال
عاد المكاوي على لنجاف والضلعي=وعاد في ايدي وفي ارجيلي علم لغلال
من حكم ظالم وملحد مصدره شوعي=ذي لا ضوى الليل يتعشى على رجال
ياذي تبون الفرس تصبح لكم طمعي=لازالت الخيل في الميدان والخيال
لكننا ضد مبدأ العيب والخدعي=مابا لوافـق على التخريب والعطّال
نعم لقانون يحمي الفرد والجمعي=ولا لقانـون يتفصّـل لحـد فصّـال
لابد ما يصطلح وضعك مع وضعي=لو باتخّـلوا خطـام البـل للجمّـال
ياذي تبا راي منا راينا شرعي=والظلم مرفوض والتهميش والاهمال
وشل جاهك وخذ قبعك مع قبعي=قل للكبارات لا ترضى علــى لطفـال
حاول وحاول بذاك النصح والوزعي=من اجل ذي باتجي من بعدنا لجيال
الى هنا واكـتفي بالسحب والنـتعي=والعفو لاشي قصر من عندنا او طال
من ما اطول البدع ماهل لنزعه نزعي=ذي لفـلـف القاف ما خلا لنا مثـقال
وآخر صلاتي على المختار والمدعي=طـه محمد وصحبه كلهم والآل

دائم البدع يقووولون اكبر من الجواااب بيض الله وجه مرجان والكحيلي كلمات راقية واحلام قديمة واحلام جديده ويبقى اليمن هو الفائز الاول والاخير

بهذه الاحداث التي من خلالها نتعلم من التجارب السابقة والحالية ونبقى نختلف في الارى ولكن الاختلاف لايفسد للود قضية فيما بينااا

كلمات وامنيات لدى الشاعرين كل واحد يتغنى بمايحلو لة ولكن نحن الذي يحلو لنا هو وحده الصف ودولة نظام وقانون ومؤسساااات

للجميع هذا هو المطلب بعيدأ عن التحزبات التي هي اساس بلاوووي اليمن شكرأ بن مرجان وشكرأ الكحيلي واقول لكل واحد

منكم صح لسانة ونتظر الجديد دمت بخير

صح بدنك بن نعيروشكرالااطراءك الجميل
ووجهك ابيض ولك ودي وحترامي
اخوك عبدالباسط مرجان

صح اللة لسان مرجان والكحيلي عز اللة انهم ابدعو وما قصرو في البدع والجواب وكلة لاجل اليمن

صح الله لسان الشاعران المتميزان
ونحن في انتضار جديدهم

صح الله بدنك ولدجرهوم شكرالمروك
الرائع واطراءك الجميل تقبل خالص
ودي واحترامي اخوك عبدالباسط مرجان

صح بدنك اخي الدهولي انت المتميزفي
مرورك الرائع والجميل وبشرباالجديد
لك كل الودوالاحترام اخوكعبدالباسط
مرجان

صح لسانك يامرجان وصح لسان الكحيلي بدع وجوااااااااااااااااااااب مايحتاج,,,,,
وشل جاهك وخذ قبعك مع قبعي
=======قل للكبارات لا ترضى علــى لطفـال..... قليل ذي عادهم يقدرون الله يعين

صح الله بدنك اخي الصارم شكرالمرورك
الرائع والجميل لك ودي وحترامي
اخوك عبدالباسط مرجان

صح الله لسانكمــ جميع بن مرجان والكحيلي.. وونعم فيكم ع الابيات الروعه..


الله يحيكم وعساكم ع القوهـ دووم ..


لك كل تقديري..