جزيـــرة الفطيسي ,, الإمارات =)

اوسمتي · 11-03-2009, 06:41 PM

السلام عليكم ورحمة الله وبركاته
في أواخر 2008 سرنا مع الاهل لجزيرة الفطيسي في بوظبي .. اللي تبعد عن بوظبي بالطراد 15 دقيقه ... بس مناظر روعه وجزر روعه تشاهدونها خلال هالربع ساعه .. انا ماكنت اتوقع ان في جزر هالكثر في الامارات .. =)

طبعا نحن حجزنا ليوم واحد ... طول ايام الاسبوع الحجز ب 600 درهم للشاليه الواحد ...
الويكند ب 1000 درهم للشاليه الواحد ...
الفلل ب 1000 درهم خلال ايام الاسبوع ...
1200 درهم في الويكند ..

هذا موقعهم على الانترنت ...
http://www.futaisi.com/

على فكره يوم واحد ماقدرنا نلف فيه الجزيرة كلها .. ماسرنا صوب الغزلان ولا صوب المتحف ولا البحيرة اللي في وسط الجزيره :(
وايد اماكن ماسرناها ... لان ماشي وقت ..
رحنا الظهر الساعه 1 ... وصلنا .. ركبنا الخيول ... وتمينا نحوط فيهن ... الخيل ب 120 درهم في الساعه ... انا خذت خيل لمدة 3 ساعات :D

ورحنا صوب المطاعم .. طبعا الشباب في المقهى .. والشيشه لابد منها ...
واحنا يلسنا ع البحر .. ونسينا موضوع الغزلان .. اليوم الثاني طلعنا الساعه 11 صوب بوظبي .. مر اليوووم بسرعه مع انه كاااان وايد حلوووو =)

اخليكم مع الصور ...

هنيه تونا واصلين بوظبي.. وراكبين الطراد ورايحين صوب الجزيرة ..

هنيه ونحن في الطراد وطبعا يمشي بسرعه .. حاولت التقط صورة لقصر الامارات من البحر .. كانت اوضح صوره =(

وهذي الصورة لمحيمة بو السياييف البحريه ... جزيرة صغيرة وايد ... بصراحه حبيت شكلها ... لانها صحرا مع كم اشيرة ينعدن على الاصابع ههههه .. حتى خيمه ماشي ...
حسيت ان لو رحنا لها بنسوي مغامره -_- .. وايد اتكلم صح ! هههههه

هذيلا بعض الجزر اللي صادفناهن في الرحله .. مع انهن وايد بس مالحقت اصور الا 2 او 3 .. الهوا يضرب والشيله اتطير والهندي مبحلق ويطالع 0_0 هههه

واخيرا وصلنا .. الاهل مستانسين لان وصلنا .. وانا مستانسه لاني افتكيت من الهندي راعي الطراد ههههههه =)

اول شي طاحت عليه عيني .. هاي الصخرة اللي طالعه اشوي للبحر .. وااااااااااااااايد عجبتني .وتميت يالسه عليها يمكن حول الساعتين

طبعا اول شي رحنا الشاليه ... حطينا شنطنا وسامانا .. كنا حاجزين حول ال4 شاليهات .. ماذكر والله ..
هذا شكل الشاليه
طبعا الشاليه اول ماتدخله تلقى الصاله وحجره النوم علي يسارك والمطبخ على يمينك .. وعدال المطبخ التحضيري تلقى الحمام .. مع ان الشاليه صغير بس وايد حلو ...
صورته من داخل بس في كل صورة لازم حد من الاهل مطلع فيسه .. اتقول فضولي خخ =)

وصلنا على الوحده وعشر دقايق ظهرا ... ميتيين يوع طبعا .. نحن يالله يالله نشينا وركبنا السيارة ولحقنا على الموعد ...
ف ما وحالنا حتى نوقف عند شيشه ادنوك ...

شي مطعمين هناك .. هندي ولبناني ...
نحن اتغدينا في المطعم الهندي .. ابصراحه اكلهم شرات اكل القصر الهندي اللي في دبي .. بس هذا اغلى بوااااااااااااايد .. اسعارهم جدا غاليه ...
يعني في هالصورة كان اكلي انا واخويه .. ب 200 وشي !!!

يتـــــــبع <<<<<<<<

اوسمتي · 11-03-2009, 06:42 PM

نحن كلنا في قسم العائلات .. طبعا في غرفه ... فيها طاولات طعام نفس ماشفتوا قبل .. وفيها على جنب صالة رياضه حلوه ..
ومن الدريشه تقدرون تشوفون المسبح اللي مطل على البحر بس مرتفع حبتين عن البحر ..
وايد حبيت المكان .. بس للاسف كانو في عوايل غيرنا ... ماقدرنا نسبح :((

هاذا المقهى اللي هناك .. كانت عالساعه 3 .. اعتقد كل اللي في الجزيرة رقود الا نحن ههههههه ...
ف رحنا ويلسنا مع الاهل ...
واللي يشيش واللي يشرب جاهي ...
طبعا انا والجاهي رباعه =)

كان في كذا شيشه .. بس صورت اقرب وحده ...>>> عيازة

هذا كان لي انا وماماتي العزيزة فديتها :x

ونحن في المقهى بالصدفه اشوف هذيلا يايين من بعييييد هههههه
طرادااااات ..
نااااااااايس !!

عقبها رحت اانا واخوي نتمشى ...
وعيبتنا فكره الخيول .. فقلنا بناخذ لفه فيهن .. عاد انا خذت بدل اللفه عشر =))

على فكرة .. الخيل وايد يخوف .. وانا راكبه عليه ونحوط واخوي يقولي ترا الخيل غير القعود .. القعود ان طحتي منها تسمي عليج لكن الخيل لا .. عادي يرفسج في بطنج ... وانا خلاااااااااااااص ميته خووووف :((

وصورت كم صورة وانا ع الخيل ..
طبعا كان الهوا ضارب ...
وصيييف .. يعني كنا على شهر 9 ...
هوا وحر .. اتخيلوا كيف الجو عاااد [-X

كان الوقت عالمغرب ... دشيت الشاليه تميت اشوف التلفزيون اشويه .. ودقيت الدكان خخخخخ .. اتخيلوا الايسكريم اللي يبيعونه عندنا بدرهم ... يبيعونه هناك ب 5 دراهم
تعال غني وروح مفتقر ههههه هذا شعارهم .. لووول ...

طلعنا مرة ثانيه .. قلنا بنتعشى في المطعم اللبناني .. الساعه كانت حول ال12 فليل .. كلهم اتعشوا ورقدوا الا انا اخوي انحاوط ...ههههه =)

بعدها رحنا ننام ..
مانشينا اليوم الثاني الا والطراد يتريانا .. بس فالرجعه ماكانت عايلتنا فقط في الطراد ... لان يابولنا دوبه هب طراد .. فكل الي فالجزيرة رجعوا معانا .. اتخيلوا الزحمه ّّّّّ
ف ماقدرت اصور الا هالصورتين ...

هاي غرفة المراقبه البحريه اظن !!!

وودعنا الجزيرة وردينا للعين هلكااااااااااااانين ...
بس كانت رحله حلوه .. ونفكر نعيدها قريب...

اتمنى ان الموضوع عيبكم ..
الكاميرا المستخدمه كانت كانون بس ماذكر رقمها !!
والله والله والله الموضوع متعوب عليه .. اتمنى اني القى ردوود تليق بتعبي ..=)

تقبلو تحياتي.. وانتظروني في باقي رحلاتي داخل دولة الامارات .. لجزيرة النخله "أتلانتس" وقصر الامارات في ابوظبي ... ورحلتي الى الفجيرة ..
.. إماراتيه ..

إماراتيه · 11-03-2009, 06:59 PM

بصراحة موضوع متعوب بقوة

أجمل ما عجبني غير الصور التي في غاية الروعة صحيح بعضها يخلي الواحد يجوع

لكن عن جد روعة

المهم الي عجبني غير الصور

اسلوب سياق القصة وسردها من اول ما طلعتم من البر الى ان وصلتوا الجزيرة

ونزهتكم فيها سياق ممتاز جداً ومدعوم بالصور

حتى يحس القارئ وكأنه في نفس موقع الحدث

اتقنتي اسلوب الدعوة الى السياحة في الإمارات

حتى الكاميرا لم يفوتك ذكر نوعها

مشكورة على الموضوع الجميل

وفي انتظار باقي الرحلات

اوسمتي · 11-03-2009, 07:07 PM

العفو ياخويه فارس المجالس
اسعدني تواجدك في موضوعي المتواضع ..
أتمنى انه عيبك فعلا ...
الصور وايد .. ولكن حبيت اعطيكم نبذه سريعه عن الجزيرة ..

شكرا على مرورك .. لا عدمتك

إماراتيه · 12-03-2009, 12:38 AM

الجزيرة شفتلها اكثر عن تقرير وكلها روعه وتشجع

تسلمين على هالمجهود الرائع التقرير الاروع

اوسمتي · 12-03-2009, 12:40 AM

مشكورة فديتج ..
بس نصيحه غناتي لا تسيرين الا من شهر 10 لين شهر 3 بس .. الجو بيكون روعه .. غير جذيه صدقيني بتصلخج الشمس ههههههههه ...

اشكرج على مرورج لا عدمتج

اوسمتي · 12-03-2009, 02:06 AM

يعطيك العافيه اماراتيه

ع الرحله وتفاصيلها الممتعه

نتريا مزيدك

اوسمتي · 12-03-2009, 02:12 AM

الله يعافيك
شكرا على مرورك الكريم اخويه

اوسمتي · 12-03-2009, 04:20 AM

انا اتعب واتعب واتعب واحط مواظيع .. لكن محد يرد :(

اخر مره احط موضوع :(

:-w

اوسمتي · 12-03-2009, 04:33 AM

ههههههه
ولايهمك
موضوع متعوب علية
نرد ونص عليك تستاهلين
بصراحة مش مجالمة مواضيعك روووووووعة
تستحقي الشكر والتقدير بدرجة امتياز

شوقتينا نزور الجزيرة إن شاء الله قريب

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات