آخر ماقالته الشاعره الكبيره المرحومه بإذن الله

آخر ماقالته الشاعره الكبيره المرحومه بإذن الله
قبل وفاتها بساعات ووجهتها لزوجها..
عندما خرجت من المستشفى سولها زوجها ذبايح بفرحتة بعودة
زوجتة الغالية لكن الاقدار تحكم على الانسان
والأبيات توضح ذلك وتبين ثبات المؤمن وقبوله بقضاء الله وقدره .
وللدعوه للشاعره بالرحمه
ولأن في أبياتها عبرة كبيرة للمؤمن
وأن كل إنسان سائر على هذا الطريق
وأن الكل راحل لامحاله إن طال عمره أو قصر
:::



ترى الذبايح و أهلها ما تسليني
أنا أدري إن المرض لا يمكن علاجه



أدري تبي راحتي لايا بعد عيني
حرام ما قصرت يديك في حاجه



أخذ وصاتي وأمانه لا تبكيني
لو كان لك خاطرٍ ما ودي إزعاجه



أبيك في يديك تشهدني وتسقيني
أمانتك لا يجي جسمي بثلاجه



لف الكفن في يديك وضف رجليني
ما غيرك أحدٍ كشف حسناه واحراجه



أبيك بالخير تذكرني وتطريني
يجيرني خالقي من نار وهاجه



سامح على اللي جرى ما بينك iوبيني
أيام نمشي عدل وأيام منعاجه



همي عيالي وأنا اللي فيْ كافيني
علمهم الدين تفسيره ومنهاجه






رحم الله الشاعره عابرة سبيل وموتي المسلمين اجمعين
/
/
/



وبعد وفاتها رد عليها زوجها بهذي القصيدة الرائعة والمؤثرة:







حاولت أنام وحاربت عيني النوم **وجاريت صوت مثل صوت الذيابـــه



الجفن كنه بوسطه هـــــــــزوم ** ودموع عيني مثل رش السحابـــــــــه



على وليف ( ن) قالوا اليوم مرحوم ** راح وتوفى ما تهنا بشبابــــــــه



زرت القبور اللي على بعضها رسوم ** و حطيت رسم فوق ذيك النصابـــه



قلبي من الدنيا عليل ومسموم ** والرسم توه عقب حطت كتابــــــــــــــه



أحبها مير القدر صار مقسوم **و تحبها كل الأهل والقرابـــــــــــه



الموت أخذ شجعان وقروم ورخوم **وأخذ رسول الله وكل الصحابـــــــه



الله يرحم اموات المسلمين اجمعين

الله يرحمنا ويرحمهم ويرحم جميع المسلمين والمسلمات والمومنين والمومنات الاحياء منهم والاموات
\
\
يعطيك العافيه لخوي مستشار على الموضوع
\
\
لك ودي واحترامي

شكرا اخي المستشار قصيده مؤثرة
وجميله لك تحياتي ابوالطيب