احب قول الشعر

افرح بشوف الضيف و الله و يحيه

و افرح بشوف الاصدقاء والجماعه

واحب قول الصدق واعز راعيـه

احب من كان الكرم مـن طباعـه

واحب قول الشعر وانضم قوافيـه

واحب شوف البدر يصطع شعاعه

واحب مدح الجيد لاجبـت طاريـه

وافخر بلابه في المواقف شجاعـه

واحب من يدلي بهرجـه ويوفيـه

ويكف عن هرج القفـا والاشاعـه

يعز جـاره واقفـن فـي معانيـه

لاقد عزاه الجيـد شمـر ذراعـه

يفزع مع المحتـاج مالـه يزكيـه

هذا الذي يخـاف ربـه وطاعـه

واحب مجلس فيه شيبـان تحييـه

تنهل من الحكمـه بفـن وبراعـه

تزرع جذور الود لجيـال تجنيـه

خذوا من الدنيـا كنـوز القناعـه

لاشان وجه الوقت ماعولـوا فيـه

ماحد ورا المردود يرجـا طماعـه

واحب من يضهر على السر يخفيه

واحب من صان العهد والوداعـه

واحب من يخدم رفيقـه ويفديـه

واحب من ينفق بوقـت المجاعـه

الشاعر مبارك الكربي

اخوكم ابو صخر المصعبي