نصيحتي لك اخوي معاند بحر تبدأ بالاتي
اول شي واحد من المصعبين معانا ومن السعوديه يتولى حالياً موضوع اللوحة...ويبدى فيها
خاصه اللي عنده علم بامور اللوح الاعلانيه
وثانياً حدد يوم الان وفي مكان محدد للاجتماع وبالوقت المناسب لكم...ووجهوا الدعوه للمعرف لحولي...اما مجرد انتظار واراء لن تحل شي
والمصعبين في الامارات صح ماجتمعوا في مكان واحد بس حاولوا كم مره ابراز اسمهم بالتواصل مع الاشخاص الموثوقين
وماننسى الاحتفال اللي صار ايام المرحوم الشيخ زايد...نظموه بدون اجتماع..لكن بالتواصل فيما بينهم...واللي عنده قدره في ناحيه من النواحي استغلها وسخرها في هذاك اليوم
سواء من ناحية اعلاميه او تنظيم المكان او توفير الفرقه وغيره
يظل التواصل بين الاشخاص البارزين اهم نقطه في موضوعكم...وهم يوصلوها للمعرف ويساعدوه..ويتولوا امور القطيه من ناحيه ثانيه
والمصعبين اللي خارج نجران اكيد تقدروا تتواصلوا معهم..فقبل لاتتهموهم بغرف الخير ونسيان نجران اطلبوا مساهمتهم وشوفوا ردهم
واشوف ان الوقت الحين للتحرك الفعلي لا لطرح الاراء
حط اعلانك اخوي عن الوقت والمكان بالمنتدى..وارسله بالمسجات او بالاتصال بالمصعبين عندكم وكل من يوصله يواصل ارساله للبقيه
ولازم من الحين عشان الكل يكون مستعد وحاط في باله ومايطلع اعذار ويشرد
وتلحق تتصل بالمعرف وتنسق معه
وجهز نقاط اساسيه تتعلق بالتنظيم فقط...حالياً حتى لاتتشتت المواضيع والاراء
يعني يكون اجتماعكم فقط مركز على تنظيم الاستقبال..شوف شو محتاجين وحطه نقاط رئيسيه واضحه...عشان لاتاخذكم النقاشات والجدال وخاصه البعض اللي بيستغلها فرصه ليتكلم في امور لاتتعلق بالموضوع الاساسي فقط لان الفرصه سنحت له للاجتماع مع اصحاب الشأن...او البعض ممن قد يستهتر بالفكره ويتناول النقاش بهزل بعيد عن الجديه
وخلوا هالتجربه تبين المواقف الجاده من الهزيله...وتكون حكم للايام القادمه
وكان الله بعونكم إن شاء الله