المشاركة الأصلية كتبت بواسطة جحربه up

بصراحه يا اخوي بو هزاع
انا ما اتفق ويا هالموضوع، الستايل يبقى ستايل ولا يخصه في المعتقدات
مثل يوم العروس تلبس فستان ابيض، نحنا نعرف وش معناه عند الغرب وانه مستوحى من معتقدات!! بس خذينا الفكره بدون التصديق، اصلا كل شي حولنا الحين مستوحى من معتقدات!
و بعدين، في فرق بين ايمو"ستايل" وايمو! ا
الايمو ستايل، بس مجرد اللبس والالوان ...الستايل نفسه بدون الافكار..اما يوم نقول فلان ايمو يعني يبا ينتحر وحزين وعنده معتقدات، نفس الشي بالنسبه لعبدة الشيطان، والغتره هاي ما ظهرت اصلا في دولنا، هي استوحوها المصممين الغربيين من معتقداتنا نحنا! وبعدين بعد ما اصبحت موضه في امريكا واوروبا وشرق اسيا، بعد اكثر من سنه، وصلت عندنا، انا ما اشوف انه غلط الواحد يتبع الموضه..
لو نفكر بطريقة منطقيه، بنشوف انه نحنا خذينا منهم ستايلات معينه وهم خذوا مننا ستايلات بعد، مثلا الغتره، ياخي ما سمعتوا بالعولمه؟
وليش بيحرموا الغتره لو المقصد ماهو لبسها عالراس؟ بس ماخذين النقشه، يعني خلاص حرام النقشه.. كأننا نقول حرام كل الرجال يلبسوا كنادير سود وحرام كل الحريم يلبسن ملابس ابيض كامل، بعدين شوف طريقة سؤال الشخص للشيخ، ما قال له انه بس النقشه خذوها وانه مثل وشاح ولا يلبسونه عالراس..يا ناس حكموا المنطق.