منقول
يقول بن لحول الشاعر=منين ياحوري الجنه
يا حالي المسم الصافي= ذي كن برق العشاء منه
لاحت بروقه من المبسم =ولا بدا الا طرف سنه
من حيث سرنا في الدنيا= ما شفت حسنه ولا فنه
اعيانك السود صابتني= ياضيم قلبي ويا غبنه
ما عل حد في الهواء مثلي= قد عذبنه وكوننه
والله مسيكين يا قلبي= لا موتنه ولا احيننه
اسبال لعيان تلعب به= يسيرنه وردننه
يانوب يا اللي على المورد= في الصبح والعصر له دنه
هو من وصل عندكن ضامي= با ترحمنه وتسقنه
ضمان ابا شرب من ماكن= ذي في الشفايف تشلنه
وتصنعن به عسل حالي= من روس لغصان تجننه
يا ريت ان ماواي ماواكن= في داركن ذي تحلننه
وابيع لاهل الهوى قسمي= وانتن لقلبي وتكفننه
حتى ولو صاحبي غالي= ما يعرف الكبر والمنه
مشهور باعيانه السوداء= والجعد فكه على متنه
والخشم خنجر قديميه=وزهرة الورد في الوجنه
ولا تكلم وانا اصلي=بغويني الفرض والسنه