كنت من متابعي شعار المحاوره وكنت اعشق هالفن من الشعر وحبيت اتعلمه
وصار وتعرفت في احدى الشبكات الادبيه على الشاعر الكبير مقعد الدغيلبي مجرم في المحاورات الشعريه >>ومن هنا امسي عليه الله يذكره بالخير
وصاار ودارت محاوره بيني وبينه وطبعاً بتدريب ومساعده منه
وكنت ساعتها بنك اميرة الرووح
،
،
مقعد الدغيلبي
شفـنـا تناهـيـد الشـعـر نــك امـيــره
والوقت وضعه بين بيضٍ وسودي
ااثـــرك خـطـيـره فاللـيـالـي الـعـسـيـره
نــارك تـولـع فــي خـشـوم الـزنــودي
تناهيد / اميره الروح
يادغيلبي هقوتـك فينـي كبيـره
حدي خواطر ماتعدى حدودي
ماني خطيره لو قلتووا خطيره
الا اذا زادت تـــرانـــا نــــــزودي
مقعد الدغيلبي
يالله عسى فالامر خيرٍ وخيره
بين المخايل والبرد والرعودي
انـتــي وكـيـلـة بــنــك ولامــديــره
تراا نقـودك مايشابـه نقـوودي
تناهيد / اميره الروح
الله يـــدبـــر مـــايـــراه ويـــديـــره
لكن ببذل معك كل الجهـودي
انـاكـبـيــره فـالـعـيــون الـكـبـيــره
والوقت ماغير وبيحّ سدودي
مقعد الدغيلبي
الآدمـي ماهـوب يعلـم مصـيـره
كلام مايحتاج ناس وشهودي
بالله وش شغلة قنـاة الجزيـره
ابنودهـا مـاعـاد فيـهـا بـنـودي
تناهيد /اميره الروح
انـتــه كـلامــك صـــح مـافـيـه غــيــره
والفرق واضح في ركوع وسجودي
تـنـقـل حـــدث واخـبــار ديـــره لــديــره
فيها النصب والكذب دايـم يسـودي
،
،
صح الله السانك يا قدير
بس بعدها حرمت المحاوره وحرمت اللعب بالنار