وين انت ياالغالي عسا مانعك خير
... عساك سالم من صروف الزماني

يامن بقلبي قد حوى كل تقدير
.... طيفك بكل الشوق جا واحتواني

حرك بصدري عن ودادك تعابير
.... لو قلتها للكون يشبع اغاني

والحين برسل لك حروفي ازاهير
.... واعصر لك انفاسي شعور ومعاني

الشوق لك بالقلب فاق التصاوير
.... مشتاق لك والشوق جمره كواني

ليت العزوم تشلني واقدر آطير
.... لكن حسافه ريش حظي عصاني

ياليت لي جنحان واجيك ياطير
.... شوفتك عندي كالنهر للضماني

دش المسن هالحين مالك معاذير
.... تكفا تراني في غيابك اعاني

^ *