يابووي جعلك للبقا والمكااسيب
عمري بدوونكـ يالغلاا وش ابي به .!!
يابوي تسأل عـن شفـاك المراقيـب
طلعـة سواتـك للنّوايـف غريـبـه
ليه المرض مايعرف الزّين والعيـب ؟
مايـدري انـك للمخاليـق هيبـه !!
ابســألك وش بك غزا وجهك " الشـــيب "
والقــلب لا يـــع والنـــواظر شحيبــه
وش بك تحاتي لا نوى الموت تغريب ..
تخشى علينا الليالي [ الكئيبـــه ]
خذ دلتـك .. واركي على مسند الجيــب ،،
وعطني [ شماغك ] بتلثمه واحتمي به
ونروح لارض بها العشب والطيب !
وتسمع كلام [ يالغلا ] تحتفى فيه
يابــوى بنتك لا انحكى بالتــجاريب
كلٍ يشق لهيبه الصيت جيبه ..!!
يابوي ماني من سـوات المخاريـب
اللّـي تجيـب لعليَـة القـوم خيبـه
وماني من اللّي لامشت حفّها الرّيـب
أنـا مـن اللّـي مايدنّـس حليـبـه
مرفوع شاني عـن غـرام المكاتيـب
وأكبر من انّنـي أرتضـي بالحبيبـه
أنـا غرامـي لاابتـدوا بالتّراحـيـب
نفوس الأوادم فـي وجـودي رحيبـه
وان كان [ زينـــي ] فتنة للمصاويب
احط وجهــي بالحريق ولهيبه
زينــي ابيعـه واشـترى سمـعة الطــيب
اســم ينومس بالصـروح الذهـــــيبه
وان كان عندي ( بالحلا) شي ٍ اصعيب
عنـدي جـدود ٍ مارضـت بالغليبـه
دموع القبايـل فـي لقا سبيع مساكيـب
كـن المقابـر لاحضـرنـا قريـبـه
خضّبت لك كفّي من العـز تخضيـب
ورفعـت راسـي للنّجـوم الصّعيبـه
والله لأسـدّك بالفعـول المصالـيـب
والله لأشيلـك بالرخـا والمصيـبـه
طلع المعالـي ما انحكـم للشّواريـب
بنت ٍ وأناطح فـارس القـوم طيبـه
وياشيــخي ابشـر لو تدور الدواليب
بنــــــتك لامنه عوى الذيب [ذيــــــــــــــبه] ..!!