قال ابن لحول هاجسي لاقلت له يضوي ضوى=من قبل رمش الآدمي يغمض وحرك حاجبه
يغرف من ابحوره قصايد من يطالعها ارتوى=ماينظم الا شعر يتشرف بنظمه كاتبه
ناديت له واقبل وطاب الجو عندي واستوى=واعلن طواري والقوافي جاهزه متأهبه
متأهبه تكتب قصيده في رفاع المستوى=اللي بهم يشتد باسي في الليال العايبه
افخر بهم واقهر بهم في ساعة الضيق القوى=ولا يروم المجد ذي مايفتخر في صاحبه
ابنا المصاعب لابتي لا راعد الشده دوى=تشوفهم مثل الصواعق ذي قويه لاهبه
لاجت على شامخ صليبي من لهايبها هوى=قوه منيعه والعدا من نارها متهايبه
اسم المصاعب في السما شامخ ومضمونه حوى=العز والرفعه وزينات الفعال الصايبه
تاريخ له مذكور من عهد الزمان اللي انطوى=قواعده متأسسه في الارض ماهي ذايبه
تاريخ ماينسى ولوحد قال ولا حد دوى=فالاصل يبقى اصل مايفنى ولوحد قال به
كم منهم عادي انكسر وكم وكم ذيبن عوى=رجال لاقد شي استوى كم هيم يعصر شاربه
والرجل لاشي واجهه في باطن ايامه غوى=ماتقهره ليام لاقد صاحبه لا جانبه
سلام عبر المنتدى ماهب نسناس الهوى=لبنا المصاعب قاله الشاعر وهذ واجبه
وانشد على عسكر لوا لكن بلا قايد لوا=هل هو سوى ماجالهم قايد لوا او نايبه
والختم صلى كل قاري في ختام المحتوى=على النبي من قد قرا صلى ونفسه راغبه

الاخ نظم القوافي ارجو تكون المجاره مقبوله
والله ان عندي ضغط عمل لااجد الفرصه المطلوبه
السموحه من اي اخطا او قصور
شكرآ لك ابن لحول على المبادره الرائعه

ياالله ياعالم سرايرنا وماعبدك نوى = اغفر ذنوبي واحمدك ممست مزونه صاخبه
وقال بداع الجيوش الحربيه صاوي صوى =من بطن وادي عين من حيث القبل متناشبه
والان حيا مرحبا ترحيب عالي مستوى =ومالخطه بلقلم ولا حروف الكاتبه
من هاجسي ذي له في الساحه شهايد بلقوى =لا اتقنع الحيد انطحن واصبح رماده خاربه
ترحيب يا نظم القوافي ذي من البحر ارتوى =رص المعاني رصها في قافيه متناسبه
قال المصاعب لابته لا النجم في لجوى خوى =وانهم دفاء جنبه وهم مثل الصواعق ظاربه
هذه حقيقه صدق مافيها جدل ولا غوى = ايام ما كانو على درب النقاء متصاحبه
واليوم يوسفني اسف انهم تنحو وانطوى =كلآ على الثاني فتن واصبح عدوه صاحبه
يا ما تكوينا ويا ما لاخ من خوه اكتوى =بسباب لاعدى بيننا والناس ذي متعايبه
مفروض لدعي لتسامح والمرض يبغا دوى =والعيد تكوين القبيله بلامور الصايبه
واخر سلامي عندكم ما القاص والراوي روى =يعم برجا المنتدى حيث اخوتي متنايبه
واختم بذكر المصتفى ما الحاج لبا والتوى =وطاف المشاعر حيث لنفس كلها مطايبه