|
هل تقبل بالزوااااااج من فتاه مطلقه ؟؟؟؟؟؟
هل تقبل بالزوااااااج من فتاه مطلقه ؟؟؟؟؟؟
بالنسبة لي شخصياً لا أجد في ذلك مانع نهائي ...................وانتم ماذا تقولون................. |
طبعا انا بنت ورائي مالو معنا بس اشوف ان المطلقه ظروفها وحضها العثر الي خلها تتطلاق
يعني امممممممممممممممم؟؟؟؟؟؟؟؟؟؟؟؟ مافيها شي تتزوج مطلقه لاعيب ولاحرام |
اذا البنت على دين وخلق
مافيها شي اذا تزوجت مطلقه بس قبل الزواج منها لازم تتأكد وش سبب طلاقها.!! وشكرا لكم تقبلو مروري |
اكس اكس اكس
لا تعليق تحياتي |
ليششششششششششششششش هههههههه
|
المرأه هي المرأه ولاكن صفات تطلق عليها مطلقه وارمله وعذار
قال صلى الله عليه وسلم " تنكح المرأة لثلاث لجمالها ومالها ونسبها فاظفر بذات الدين تربت يداك " |
بالعكس حبيت انبه ان المطلقه بتكون احرص على بيتها وعيالها خاصه انها عانت بالتجربه الاولى
وسلمتم |
اشككككككككككككككككككككككككرك يا لميس
اعقد ان اجابتك افضل اجاجه مقنعه يعطيك العافيه |
صدق رسول الله صلي الله عليه وسلم مشكور يا الذيب بارك الله فيك يعطيك العافيه
|
على حسب المواصفات تستاهل ولالالالالا.
|
موضوع يستاهل النقاش والله انا اشوف ان المطلقه اذا تطلقت بتكون عارفه غلطتها قبل اذا كان منها ولاتحاول تتكرها والمطلقه لم تفقد انوثتها ولم تفقد جمالها وصدقوني في وحده عندنا ف الدوام عمرها خمسين وتتمخطر بعد مهما كان البنت بنت ههههههه
|
اليش المطلقه حولها علاماااات استفهام كثيرررررر
مايمكن الزوج هو السب وهي الي فضالت الطلاق منه اليش ديما تنظروا ان المطلقه هي السبب وتبروان ساحةالرجااال |
وش المانع اشوف ما فيها اي شئ واكثر المطلقات العيب يكون من الرجال
|
"بالعكس حبيت انبه ان المطلقه بتكون احرص على بيتها وعيالها خاصه انها عانت بالتجربه الاولى وسلمتم"
و يمكن تسوي عليه تجارب!!! a3: |
كلام وتأييد لكن يوم نجي للتطبيق .........!!!!
|
اكيد وش اللي يمنع اذا هي على خلق ودين
|
انتو الحين مؤيدين بس
لجتو تخطبون وقالو البنت مطلقه ترفضون والله كذاا تسون اكثركم << ماعميت الكل قلت اكثركم ههههه >:p>:p>:p>:p>:p>:p |
اقتباس:
ادري انج حرمه او بنت، وانج اغلب الوقت تساندين النساء بس سبحان الله بعدين تردين وتلومينهن .. انا مب مؤيد لكلامج ولا معارض، يعني هنيه انتي قلتي لازم تعرف الاسباب! طيب وهو لو مثل ما تقولين اخذ وحده مطلقه لاسباب سخيفه، ما تعتقدين انه "الاسباب السخيفه" تكون بالنسبه لهالبنت شي كبير! لان ما في حد يتطلق لسبب سخيف وخصوصا من المصعبين، دوم السالفه تكون غلطه من طرف وبعدين عدم تنازل من الطرف الثاني، يعني الشي يكون راجع للحرمه او الرجل انه يتنازل عن حقه ويسامح الشخص او لا...بس عمره ما يكون سخيف، علاقات البشر معقده اكثر مما من انها تنوصف بالسخافه.. |
اقتباس:
ولا تتهمي شخصي! ناقشي الموضوع الي طرحته مانا ضلعي ماهو اعوج.. |
الضلع الاعوج فخر ما هو انتقاد اولا
وثانيا ارد اقول الموافقه المبدئة معروفه ...لكن دوروا عن التطبيق بغض النظر عن سبب الطلاق ودوروا كم مطلقه تزوجت...وغالبا اذا تزوجت يازوجه ثانيه يا لارمل عشان عياله يا احيانا لمطلق والاغلبيه متوجات بيوت اهاليهن وصحيح ايف المشاكل السخيفه بدت تزيد من الطرفين الصراحه |
اقتباس:
واستغرب يوم سميتي الأسباب سخيفة ليش اللي ايده في النار مو مثل اللي ايده في الماي هذا اولا وشيء ثاني اللي انا الاحظه ان الحريم بالعكس تحاول تحافظ على بيتها لأقصى درجة وما يوصل الأمر للطلاق والرجل اللي ما يهمه عادي ما عجبته غيرها وايد لكن منو اللي مسكين في هالحالة الحرمة وخاصة في قبيلة المصعبي الطلاق مب سهل ابداً والوحده يوم تطلق مب سهل عند القبيلة فكيف تقولين انها تدور سبب سخيف ما عيبها الريال ولا ما مشى على شورها تبا تطلق غريبه الصراحة شكلج مب عايشه في المجمتع ؟؟؟؟؟؟؟؟؟؟؟ |
والله بصراحه اليوم الرجال ابدعوا في ردودهم :-j
بس زي ما ذكرت اختنا الليدي قالت هنا موافقين بس من اللي راح ينفذ كلامه ما علينا انا من وجهة نظري ال....... بلاش اقول الواقعيه صح :-* يالله مدام السالفه فيها مهر و عرسه وعفسه واستراحه وعشاء وتعب وقلق ومدري ايش فالافضل ان الرجل ياخذ له وحده عليها غبار الوكاله . :D اما اذا ما قدر وووووو................... بس في بعض المطلقات والله يمكن الشخص يتزوجهم اذا كانت الوحده منهن على قدر كبير من الجمال . a7: ووو خالص مودتي لكم شموخ وخذوا هاذي النكته عندكم في واحد كحتوت ( بخيل) راح يخطب عند ناس قال ابو البنت البنت مهرها 10 الاف ريال قال البخيل والله اني لقيت وحده جيزانيه بـــ2000 وحامل .!!! :-j |
اقتباس:
اقتباس:
~~~~~~~~~~~~~~~~~~~~~~~~~~~~~~~~~~~~~~~~ انا من وجهة نظري ما اشوف فيها شئ الزواج من مطلقه اذا حدت الامور .. بس صدقوني يا كثر العذارى هل اليومين واللي تبغي الزواج ... يعني الواحد مثل ما قال اخوي شموخ يبغى وحده وكاله ... a1: لكم كل التقدير والاحترام ... نصيحه ///// كل وحده تحافظ على زوجها .,.,.,.,. واذا كان ما يقدر الحياه الزوجيه تحتسب امرها الى لله ,,, |
تسمحولي اقول شي يا بنات و شباب لحول؟
ذلحين الرجال اللي يا فينهم عادهم يتسألووو سبب الطلاق و الحريم قامن يلومن اعمارهن و يلومن بعض, خلوني الخص الموضوع لكم: الحين فكروا فيها, مين اللي يتبهذل قفا الطلاق؟ الرجال يكمل عيشته ولااااا به شي, الحرمه اللي يا يكون عندها عيال يا خسرت شي من كرامتها يا معاد يجيها الا شيبه. فهل تعتقدوا انه الحرمه بتطلب الطلاق من غير سبب مقنع و هي عارفه العواقب؟ انا لي اقارب متطلقين كثير و اعرف قصصهم و لي اخت و قريبه متطلقه من نفس السبب, تعرفوا وش سبب طلاقهم؟ خلوني اقولكم لأني ضبحت من شباب المصعبي اللي خربوا سمعتنا في المجالس... الشباب صايعييييييين! هذا هو, ولا هم قادرين انهم يبطلوا عادتهم بعد الزواج. كل ربعي في الدوام يكلموا و يواعدوا ولا يخافوا ربهم, و عليهم عيال شوفوم. لكن اللي يعور قلبي ذلحين اني اصحابي من قوم المصعبي صاروا من هاذي الفئة. يعني بقولكم شي كل واحد غلط و هو صغير كلنا لعبنا و جربنا ارتبشنا مع الشلل, بس الواحد يكبر و يتسغفر ربه و يبطل ذا الطيش خصوصا لو هو مقبل على زواج. شوفوا صدقوني ذي بتتطلق من رجال هي عارفه انه خربان انه ان شا الله خير لها, ذلحين ذا الرجال لا يخاف ربه اولا, و لا يحب عايلته عشان يرضيهم, وبيقع يتسم بسمة النفاق لأنكم بتشوفون حرمتهم مغطيه من فوووق اللييييين تحت و هو يلاحق البنات العاريات في كل مكان. الله يهدي الجميع, ولا حد يقع يتلفسف و يتكلم شدا على مواضيع الطلاق لأنكم ما تعرفوا خفايا البيوت ولا تعرفوا اللي يقع بينهم, لا تصدقوا ذي تسمعوه. و الله يعوض المظلووم في الطرفيين. |
اخوي لحولي ماقصرت في ردك
وهذه حالات كثيره صارت تنتشر للاسف وي اللي تطلقت وفي اللي على قولتهم اقعدي واصبري معه وبايعقل وراكنها في الزاويه لين مايعقل؟؟؟ ومثل ماقلت في امور ورى جدران البيوت محد يدري عنها..بغض النظر عن الاسباب اللي تطلع من طرف الطليق او الطليقه...ياما سمعت عن اسباب ظاهريه وانا اعرف الاسباب الحقيقه باختصار المطلقه غالباً تدفع ثمن هذه الكلمه اضعاف مضاعفه مقابل الشاب الذي لو سمعته معروفه عند كل بيت وبالاخير يتزوج وبنت ناس معروفه والمطلقه تنركن لشايب ولامطلق ولا ارمل شوفوا ابائنا الاولين وامهاتنا صح كان بينهم طلاق كثي تلقى الوحده اطلقت مره ومرتين وثلاث وتتزوج من واحد اول مره يتزوج...لانهم يدورا على امر اهم من كونها بنت وكالة على قولتكم وفي النهايه الزواج قسمة ونصيب سوء مطلقه ولابنت بس اللي يقولوايأيدون هذا الزواج....مانشوف اي تطبيق في الواقع واحترمت اخواني نياف وشموخ لصراحتهم |
الموضوع حامي هنا
طيب ياشباب بسئلكم سؤال وودي تجوبه بصراحه اذا وحده تزوجة واحد وكان لسانه وسخ يعني الفاظه بذيئه ويضرب وفووووق كل هذا مايشتغل وامه تصرف على البيت وزوجته تتشتغل وتصرف على نفسها وعليه وماخسر فيها ولاريال يعني لانفقه ولاعلاج ولاشي وصبرت عليه كثيرررر تبغاه يتحمل المسوليه لكن لاحياة لمن تنادى وفووق كل عيوبه هذي يبغاه زوجته تقطع صلتها باهلها عشان يتوحد فيها ويبهذلها على مزاجه ولاتنسوا يضربها بسبب وبدون سبب يعني لعصب قام يضرب ويسب اهلها والبنت صغيره وماعندها منه عيال منه بالله عليكم هل هذا الرجال تطيق تعيش معاه؟؟؟؟؟؟ وذا المره لطلبة الطلاق تكون غلطانه؟؟؟؟؟ ترا هذي قصه حقيقيه يعني مو خيال اتمنا تكونه وقعيين عشان ماتظلمون الحرمه لان كل واحد فيكم عندكم حريم فالبيت اذا كانت اختك مكان هذي النت ايش حتفضل؟ انتظر ارائكم |
مشكلة اجتماعيه حاصلة
للتربية فيها دور وللوعي فيها دور وللأخلاق فيها دور ولعادات المجتمع والتأثر بسلوك فيها دور وحقيقة انه كل مازاد احساسنا بالمسؤولية كل ماتلاشت مثل هذا المشاكل الاجتماعية وأخص بالذكر الرجل هنا قبل الأنثى لأنه يقع على عاتقه العبء الأكبر ولعل لنا في رسول الله صلى الله عليه وسلم أسوة حسنة ولو تلاحظون ان زواجاته المتعدده فيها حكمه وليست عبثا فهو قد تزوج البكر والثيب والأرمله والمطلقه كل ذلك دعوة لنا أمته ان نقتدي به وأن لاناخذ الامور بمسمياتها فقط / / بالنسبة لمداخلتك اختي حضرميه فهي شيء واقع وصحيح وتحدث كثيرا ونراها حولنا ومن المفرتض بنا ان نبدأ الامور من خيوطها الأولى اين هو الخيط الأول في مثل تلك المشكلة يقع على اهل البنت فهم يجب ان يعلموا ان بنتهم امانه يجب ان لايقبلوا بتزوجيه الا من يرتضون دينه وخلقه ورجولته / عذرا فمداخلتي هنا موجزه جدا فقد فعلا تعبت من كثرة نقاشها كثيرا جدا في واقعي وفي غير هذا المكان أكتفي بالقول في جميع الحالات إن لم تكن تصرفات الانسان نابعة من ذاته ومتقبله لنصائح الغير فلافائدة مرجوّة كثيرا من النقاش ولكم خالص التقدير |
السلام عليكم...
كل واحد فيكم عنده وجهة نظر بس انا كلامي اللي ابا اقوله هو نفسه كلام ختي حضرميه ... بس في نقطة ابا اقولها ان قبل يوم كنت اسمع عن سوالف الطلاق كان كل الغلط من الزوج بس اللي الاحظه الحين ان اغلب اللي يتطلقون تكون المشكله من المرأة ... يعني يا خيانه .ز يا اهمال ولا مبالاه .. يا .......إلخ ... ف ما اعرف سبحان الله البيوت اسرار ... اما بالنسبة لمحور الموضوع الاساسي .. انا ماشوف ان في عيب ان الرجل ياخذ مطلقه ... بغض النظر عن النقطه اللي قالها اخوي المصعبي ان يسأل عن سبب الطلاق .. الطلاق صار وخلاص وانته مش في حياتها .. المفروض تعتبره ماضي ... ولكم جزيل الشكر واسمحولي على المداخله |
اقتباس:
اختي الحضرميه .. لاتنسين انتي قلتي انها قصه واقعيه ... وبعد قلتي لو كانت اختك وش بتسوي .. اولا اختي الكريمه انا اتكلم عن نفسي وعن مشاعري ... هذا الانسان ما يستاهل ظفر منها ولا خصله من شعرها .. ولو كانت اختي مثل ما قلتي .. وهو يبغى يقاطعها عن اهلها ويسب اهلها بعد .. لا ما يرضي بها الانسانم لعاقل والللي عنده احساس .. لانها مسكينه ضعيفه ما فيها حيله .. انا من ناحيتي ما اخليها معه ساعه واحده لان في بعض الامور ما تنفع فيها الصبر والاحتمال .. ليش يضربها وليش يسب اهلها وش حضرته .. زوجته على عيني وعلى راسي بس يراعي الحياه الزوجيه .. يحمد ربه انها تصرف عليه ... ولا تنسي انك قلتي انها باقي صغيره في السن ... يعني الطريق قدامها مفتوح وإن شاء الله ربي يرزقها من يحافظ عليها ويعيشها افضل عيشه .. بس تدعي ربنا ان يرزقها الزوج الصالح ... وقبل كل شئ تدعي ربي ان الله يهدي هالزوج العنيد يمكن بدعائها الله يهديه .. ويرجع لصواب ...(( ويهديه ربي .. ((ان الله يهدي من يشاء )) لك ودي واحترامي |
شكرلك يابو صالح وشكر خاص لنياف
|
اقتباس:
اولا ً ً : ليش اهلها قبلوا انهم يزوجوها منه المفروض يسالون عنه؟.. وبصراحه اعجبني طرحك لمثل هالقصه علشان البنات اللي يعارضون فكرة الزواج من خارج القبيله يشوفون عواقبها .. ثانيا ً: يمكن يكون الجواب طلعوا مغشوشين فيه طيب البنت ليش ما علمت اهلها باللي يصير صحيح ان المراه لازم تحافظ على اسرارها الزوجيه بس مثل هالامور لازم تعلم اهلها يعني حتى البنت تعتبر غلطانه. اخيرا : اوويد الطلاق وسلامتكم خالص مودتي شموخ |
يااخ شموخ اسمحلي اعارضك في نقطة ان كونه من خارج القبيله الاخت حضرميه مب مصعبيه ولاجابت طاري انه من قبيلتهم ولا لا...فليش اتلزق هالسبب في المشكله؟؟
وثانياً والله اعرف بنات وخذن مصاعبه سووا كذا واسوأ ...اشرايك؟؟؟ بس كالعاده الخبر اللي يطلع ان مافي نصيب ومن هالكلام عشان يغطوا على المستور...وحضرته يروح يتزوج ولاعليه هي نطق في البيت مطلقه تنتظر بحسرتها تعرفون شو السبب لا الناس تطالع اول شي هو ولد من .ويشتغل ولا لا ..ودايم الكلمة المعروفه يصلي ويمدحوه الناس ..والشباب صاروا يغطوا على بعض ويمدحوا في بعض وقت ماحد يسأل عن الشاب ...في منهم يكون عن نية سليمه ان هالانسان بيصطلح حاله وفي اللي عشان يشوف اللي يسويه عادي ولايكون من طينته.ولا اللي خايف لايعرف الولد واهله انه اتكلم على ولدهم وارد لسالفتج اخت حضرميه والغلط على البنت اساسا ليش تسكت؟ تتكلم وتواجه تلقط الباقي من كرامتها تخلي اهلها يأدبوه ماقلت تتطلق...لاكن تخليه يحس ان وراها ظهر ...وبيصطلب عدل وان طلع بايعها بترتاح منه وربي بيعوضها باللي احسن عنه وساعات بيت الاهل جنة مقارنة ببعض الازواج |
اقتباس:
بس انا حطيت وجهة نظر ان الزواج من خارج القبيله تكثر فيه الحالات اللي هي ذكرتها . اقتباس:
خالص مودتي لك شموخ |
اقتباس:
تدري انه الي سواه فيه كذا يكون ولد عمها من لحمها ودمها بصراحه قصتها عقدني وقرارت اتزوج من خارج القبليه ابوها زوجها له لانه يتيم وهي كانت رافضه بس ابوها ترجها تتزوجه عشان مايطيح وجه بين الرجال طبعا هي تحملت وتحملت واخير ا انفجرت وسافرت لاهلها والله القصه تحزن مرره اذا ودكم اكملها لكم حكملها بس ارد على شموخ هذا ولد عمها الي بهذالها كذا حت لاكل اهلةا كانه يخبونه عن البنت قسما بالله هذي القصه حقيقيه |
شموخ بقوالك ليش ماعلمت اهلها
هي لما تزوجته راحت اليمن واهلها بسعوديه وماحبت تشغل اهلها وهم بعاد عنها فكانت تصبر وتقول بكره خير لكن مافي فايده كل يوم كان يزيد الظلم والقهر |
المهم افتكت منه ...!!!!
============ وايد طلعنا من نطاق الموضوع =) |
صحيح اختي وايد طلعنا عن الموضوع
|
على ماظن افتكت حاليا
اي فعلا طلعنا كثير نعود الي محور حديثنا |
| جميع الأوقات بتوقيت GMT +4. الساعة الآن 04:03 AM. |
المواضيع المطروحة تعبر عن رأي كاتبها ولاتعبر بالضرورة عن رأي إدارة منتديات المصعبين
Powered by vBulletin Version 3.7.4
Copyright ©2000 - 2009, Jelsoft Enterprises Ltd
جميع الحقوق محفوظة @ موقع المصعبين