جزيـــرة الفطيسي ,, الإمارات =)
السلام عليكم ورحمة الله وبركاته
في أواخر 2008 سرنا مع الاهل لجزيرة الفطيسي في بوظبي .. اللي تبعد عن بوظبي بالطراد 15 دقيقه ... بس مناظر روعه وجزر روعه تشاهدونها خلال هالربع ساعه .. انا ماكنت اتوقع ان في جزر هالكثر في الامارات .. =) طبعا نحن حجزنا ليوم واحد ... طول ايام الاسبوع الحجز ب 600 درهم للشاليه الواحد ... الويكند ب 1000 درهم للشاليه الواحد ... الفلل ب 1000 درهم خلال ايام الاسبوع ... 1200 درهم في الويكند .. هذا موقعهم على الانترنت ... http://www.futaisi.com/ على فكره يوم واحد ماقدرنا نلف فيه الجزيرة كلها .. ماسرنا صوب الغزلان ولا صوب المتحف ولا البحيرة اللي في وسط الجزيره :( وايد اماكن ماسرناها ... لان ماشي وقت .. رحنا الظهر الساعه 1 ... وصلنا .. ركبنا الخيول ... وتمينا نحوط فيهن ... الخيل ب 120 درهم في الساعه ... انا خذت خيل لمدة 3 ساعات :D ورحنا صوب المطاعم .. طبعا الشباب في المقهى .. والشيشه لابد منها ... واحنا يلسنا ع البحر .. ونسينا موضوع الغزلان .. اليوم الثاني طلعنا الساعه 11 صوب بوظبي .. مر اليوووم بسرعه مع انه كاااان وايد حلوووو =) اخليكم مع الصور ... هنيه تونا واصلين بوظبي.. وراكبين الطراد ورايحين صوب الجزيرة .. http://www.almosaabi.com/vb/uploaded/502_1236775819.jpg http://www.almosaabi.com/vb/uploaded/502_1236775921.jpg هنيه ونحن في الطراد وطبعا يمشي بسرعه .. حاولت التقط صورة لقصر الامارات من البحر .. كانت اوضح صوره =( http://www.almosaabi.com/vb/uploaded/502_1236776007.jpg وهذي الصورة لمحيمة بو السياييف البحريه ... جزيرة صغيرة وايد ... بصراحه حبيت شكلها ... لانها صحرا مع كم اشيرة ينعدن على الاصابع ههههه .. حتى خيمه ماشي ... حسيت ان لو رحنا لها بنسوي مغامره -_- .. وايد اتكلم صح ! هههههه http://www.almosaabi.com/vb/uploaded/502_1236776067.jpg هذيلا بعض الجزر اللي صادفناهن في الرحله .. مع انهن وايد بس مالحقت اصور الا 2 او 3 .. الهوا يضرب والشيله اتطير والهندي مبحلق ويطالع 0_0 هههه http://www.almosaabi.com/vb/uploaded/502_1236776191.jpg http://www.almosaabi.com/vb/uploaded/502_1236776279.jpg واخيرا وصلنا .. الاهل مستانسين لان وصلنا .. وانا مستانسه لاني افتكيت من الهندي راعي الطراد ههههههه =) http://www.almosaabi.com/vb/uploaded/502_1236776368.jpg اول شي طاحت عليه عيني .. هاي الصخرة اللي طالعه اشوي للبحر .. وااااااااااااااايد عجبتني .وتميت يالسه عليها يمكن حول الساعتين http://www.almosaabi.com/vb/uploaded/502_1236776487.jpg طبعا اول شي رحنا الشاليه ... حطينا شنطنا وسامانا .. كنا حاجزين حول ال4 شاليهات .. ماذكر والله .. هذا شكل الشاليه طبعا الشاليه اول ماتدخله تلقى الصاله وحجره النوم علي يسارك والمطبخ على يمينك .. وعدال المطبخ التحضيري تلقى الحمام .. مع ان الشاليه صغير بس وايد حلو ... صورته من داخل بس في كل صورة لازم حد من الاهل مطلع فيسه .. اتقول فضولي خخ =) http://www.almosaabi.com/vb/uploaded/502_1236776590.jpg وصلنا على الوحده وعشر دقايق ظهرا ... ميتيين يوع طبعا .. نحن يالله يالله نشينا وركبنا السيارة ولحقنا على الموعد ... ف ما وحالنا حتى نوقف عند شيشه ادنوك ... http://www.almosaabi.com/vb/uploaded/502_1236776644.jpg شي مطعمين هناك .. هندي ولبناني ... نحن اتغدينا في المطعم الهندي .. ابصراحه اكلهم شرات اكل القصر الهندي اللي في دبي .. بس هذا اغلى بوااااااااااااايد .. اسعارهم جدا غاليه ... يعني في هالصورة كان اكلي انا واخويه .. ب 200 وشي !!! http://www.almosaabi.com/vb/uploaded/502_1236776931.jpg يتـــــــبع <<<<<<<< |
نحن كلنا في قسم العائلات .. طبعا في غرفه ... فيها طاولات طعام نفس ماشفتوا قبل .. وفيها على جنب صالة رياضه حلوه ..
ومن الدريشه تقدرون تشوفون المسبح اللي مطل على البحر بس مرتفع حبتين عن البحر .. وايد حبيت المكان .. بس للاسف كانو في عوايل غيرنا ... ماقدرنا نسبح :(( http://www.almosaabi.com/vb/uploaded/502_1236777089.jpg هاذا المقهى اللي هناك .. كانت عالساعه 3 .. اعتقد كل اللي في الجزيرة رقود الا نحن ههههههه ...a7: ف رحنا ويلسنا مع الاهل ... واللي يشيش واللي يشرب جاهي ... طبعا انا والجاهي رباعه =) http://www.almosaabi.com/vb/uploaded/502_1236777132.jpg كان في كذا شيشه .. بس صورت اقرب وحده ...>>> عيازة :rolleyes: http://www.almosaabi.com/vb/uploaded/502_1236777236.jpg هذا كان لي انا وماماتي العزيزة فديتها :x http://www.almosaabi.com/vb/uploaded/502_1236777428.jpg ونحن في المقهى بالصدفه اشوف هذيلا يايين من بعييييد هههههه طرادااااات .. نااااااااايس !! http://www.almosaabi.com/vb/uploaded/502_1236778569.jpg عقبها رحت اانا واخوي نتمشى ... وعيبتنا فكره الخيول .. فقلنا بناخذ لفه فيهن .. عاد انا خذت بدل اللفه عشر =)) http://www.almosaabi.com/vb/uploaded/502_1236777532.jpg على فكرة .. الخيل وايد يخوف .. وانا راكبه عليه ونحوط واخوي يقولي ترا الخيل غير القعود .. القعود ان طحتي منها تسمي عليج لكن الخيل لا .. عادي يرفسج في بطنج ... وانا خلاااااااااااااص ميته خووووف :(( وصورت كم صورة وانا ع الخيل .. طبعا كان الهوا ضارب ... وصيييف .. يعني كنا على شهر 9 ... هوا وحر .. اتخيلوا كيف الجو عاااد [-X http://www.almosaabi.com/vb/uploaded/502_1236777694.jpg http://www.almosaabi.com/vb/uploaded/502_1236777727.jpg كان الوقت عالمغرب ... دشيت الشاليه تميت اشوف التلفزيون اشويه .. ودقيت الدكان خخخخخ .. اتخيلوا الايسكريم اللي يبيعونه عندنا بدرهم ... يبيعونه هناك ب 5 دراهم a3: تعال غني وروح مفتقر ههههه هذا شعارهم .. لووول ... طلعنا مرة ثانيه .. قلنا بنتعشى في المطعم اللبناني .. الساعه كانت حول ال12 فليل .. كلهم اتعشوا ورقدوا الا انا اخوي انحاوط ...ههههه =) http://www.almosaabi.com/vb/uploaded/502_1236777875.jpg بعدها رحنا ننام .. مانشينا اليوم الثاني الا والطراد يتريانا .. بس فالرجعه ماكانت عايلتنا فقط في الطراد ... لان يابولنا دوبه هب طراد .. فكل الي فالجزيرة رجعوا معانا .. اتخيلوا الزحمه ّّّّّ ف ماقدرت اصور الا هالصورتين ... http://www.almosaabi.com/vb/uploaded/502_1236777917.jpg هاي غرفة المراقبه البحريه اظن !!! http://www.almosaabi.com/vb/uploaded/502_1236778264.jpg وودعنا الجزيرة وردينا للعين هلكااااااااااااانين ... بس كانت رحله حلوه .. ونفكر نعيدها قريب... اتمنى ان الموضوع عيبكم .. الكاميرا المستخدمه كانت كانون بس ماذكر رقمها !! والله والله والله الموضوع متعوب عليه .. اتمنى اني القى ردوود تليق بتعبي ..=) تقبلو تحياتي.. وانتظروني في باقي رحلاتي داخل دولة الامارات .. لجزيرة النخله "أتلانتس" وقصر الامارات في ابوظبي ... ورحلتي الى الفجيرة .. .. إماراتيه .. |
بصراحة موضوع متعوب بقوة
أجمل ما عجبني غير الصور التي في غاية الروعة صحيح بعضها يخلي الواحد يجوع لكن عن جد روعة المهم الي عجبني غير الصور اسلوب سياق القصة وسردها من اول ما طلعتم من البر الى ان وصلتوا الجزيرة ونزهتكم فيها سياق ممتاز جداً ومدعوم بالصور حتى يحس القارئ وكأنه في نفس موقع الحدث اتقنتي اسلوب الدعوة الى السياحة في الإمارات حتى الكاميرا لم يفوتك ذكر نوعها مشكورة على الموضوع الجميل وفي انتظار باقي الرحلات |
العفو ياخويه فارس المجالس
اسعدني تواجدك في موضوعي المتواضع .. أتمنى انه عيبك فعلا ... الصور وايد .. ولكن حبيت اعطيكم نبذه سريعه عن الجزيرة .. شكرا على مرورك .. لا عدمتك |
الجزيرة شفتلها اكثر عن تقرير وكلها روعه وتشجع
تسلمين على هالمجهود الرائع التقرير الاروعa7: |
مشكورة فديتج ..
بس نصيحه غناتي لا تسيرين الا من شهر 10 لين شهر 3 بس .. الجو بيكون روعه .. غير جذيه صدقيني بتصلخج الشمس ههههههههه ... اشكرج على مرورج لا عدمتج |
يعطيك العافيه اماراتيه
ع الرحله وتفاصيلها الممتعه نتريا مزيدك |
الله يعافيك
شكرا على مرورك الكريم اخويه |
انا اتعب واتعب واتعب واحط مواظيع .. لكن محد يرد :(
اخر مره احط موضوع :( :-w |
ههههههه
ولايهمك موضوع متعوب علية نرد ونص عليك تستاهلين بصراحة مش مجالمة مواضيعك روووووووعة تستحقي الشكر والتقدير بدرجة امتياز شوقتينا نزور الجزيرة إن شاء الله قريب |
اقتباس:
شكرا ياخويه ... شهادتك وسام اعتز به على راسي ... زور الجزيرة وايد حلوة وصدقني مابتندم =) بس حاول تييها يوم الجو يكون بارد ... سلمت على مرورك لا عدمناك |
الف شكر على التقرير الرائع على الجزيره
وفعلا نفكر نروحها الجزيره هاذي وعاد في جزور ثانيه مثل جزيرة الريم وصير بني ياس وغيرها من الجزر tnnnsk |
العفو ياخويه
على فكره ... جزيرة صير بني ياس احلى الجزر اكيد طبعا من بعد جزيرة النخله وصدقني هذا الكلام مايا من فراغ انا رحت للفطيسي وصير بني ياس والنخله والريم ... الريم اللي في بوظبي ماتقدر تبيت فيها بس تقدر تيلس فيها لين المسا .. ولساعه محدده بعد !! هذا الكلام على ايام الفترة اللي انا رحت فيها ... الحينه مادري اذا اتغير شي .. بالنسبه لصير بني ياس ابصراحه عدلوا كل شي هناك .. صايرة فخاااااااااامه .. وايد حلوه .. بس في مشكله بالنسبه للي يغار وايد وايد وايد خخخ .. خصوصا ان جزيرة بني ياس اكثر زوارها شباب .. يعني يروحون شله فهمت كيف ؟ ف اذا نويت تروح مع شباب انصحك ب نهاية الاسبوع .. اما مع الاهل ايام الاسبوع اللي هي من السبت لين الخميس ... رحلة ممتعه إن شاء الله واشكرك على مرورك لا عدمتك اخويه بو صخر |
روووووعه
تسلمين يا الغلا ع الصور |
الله ايسلمج فديتج
لا عدمتج اشكرج على المرور |
شكرا اختي على الصور الجميله
تحياتي ابوالطيب |
العفو ياخويه
وأسعدني مرورك الكريم ... =) |
مكاااان روعه والكل يمدح فيه ،،
ابداع وتنسيق متميز للمشاركة المتميزه الله يعطيج العاااافيه ،، ونترررقب المزيد منج ،، تحياااتي لج |
الله يعافيك ياخويه العريفي ...
ولا تحرمنا من طلتك الحلوه في مواضيعي .. أسعدني تواجدك ومرورك الكريم .... لا عدمناك ياخويه |
عيل نتريا زيارتج للمكان ...
ونتريا تقريرج =) شكرا على المرور |
هيه يا الفطيسي ايام والله شكرا ع الموضوع
|
لوول ...
والله الوقت يمر هناك بسرعه ... تسلم على مرورك لا عدمنا الطله ياخويه |
يا سلام وانا كيف توني شايف الموضوع..~x(
وربي يجنن الموضوع انا احلى شي احبه التقارير ومن قال تتكلمين وايد !!!؟ تتكلمين وااااااااااااااااااااااايد خخ مب وايد بس لا والله امزح اصلا الي محلي الموضوع التعليق عالصور انا سرت جزيرة الريم بس ماخذيت ولا صوره، وصح لازم تردين عالمغرب اظني بس فاضيه الجزيره مافيها شي يعني ما عيبتني لاني كنت بروحي ..مليت |
هلا جحربه ..
والله تعليقك اسعدني ياخويه .. هيه انا رحتها الريم ومافيها شي يذكر .. بس قالولنا ان المبيت بيبدا في صيف 2009 !! عاد مايندرى .. شكرك على مرورك ولا عدمنا طلتك |
جميع الأوقات بتوقيت GMT +4. الساعة الآن 05:58 PM. |
المواضيع المطروحة تعبر عن رأي كاتبها ولاتعبر بالضرورة عن رأي إدارة منتديات المصعبين
Powered by vBulletin Version 3.7.4
Copyright ©2000 - 2009, Jelsoft Enterprises Ltd
جميع الحقوق محفوظة @ موقع المصعبين