زوج/زوجة المستقبل... مصعبي/مصعبيه؟؟
 

الســـلام عليكم!!

الموضوع من عنوانه, لاحظت انه قبيلتنا من القبائل اللي اغلب زيجاتها من داخل المصعبي, يعني نادرا ما تشوف حد تزوج من قبائل اخرى. فأنا حاب اعرف هل هذا عمدا ولا قسمه و نصيب؟
و هل انته تمانع او حتى تفضل انك تاخذ وحده مش مصعبيه؟؟

نحنا كشباب اول شي تحصل الوالده هي اللي تقترح عليك عائله معينه, ويمكن اغلب الامهات يحبون يناسبون عوايل مصعبيه قريبه لهم.
وفي حالة البنات يمكن ما عندها نفس خيار الولد, بس تحصل في ابهات يرفضون الخطاب اللي من قبايل ثانيه حتى قبل لا ياخذون راي البنت.
ما اشوف انه في مانع او انه عيب, صح حلو انه الواحد ياخذ من معارفهم عشان تسهل اغلبية الامور و تلاقي المشاكل تنحل بطريقة اسهل, بس ما ننسى قول الله تعالي:-
((وجلعناكم شعوباُ وقبائل لتعارفوا ان اكرمكم عند الله اتقاكم))

ردي الشخصي:-
انا اهم شي عندي انها يمنية الاصل ههههه!
طبعا افضل مصعبيه بس والله يضل قسمة و نصيب, وما احس اني لو خذيت وحده مش مصعبيه بيكون زواجي فاشل. اكيد بنمر ببعض المشاكل بسبب اختلاف آراء ولا وجهات نظر, بس اصلا حتى بين العوايل المصعبيه في اختلاف شديد في آراهم يعني مش كلهم تحصلهم نفس العيشه.

وش رايكم يا اخواني في ذا الموضوع؟؟a3:

أولا مبروك أخوي ظن ذه أول مره من يوم ما شاركت كتبت شي طويل و له معنى، ثانيا صح كلامك أكثر الزواجات بين المصعبين بس تراهم أصلا يسووا سالفه يوم حد ياخذ من غير فخيذته يعني مثلا لو انت يا الاحولي خذت طاهريه بيقولولك لييييييييييه تطير بعيد ولا لا؟

أنا عن نفسي أفكاري متفتحه على عكس اسمي، و الود إني أغير من باب التغيير، و للأمانه ذكرياتي يوم اني صغير ما تشجع اني اخذ من العيله، مشكلتي ذاكرتي قويه و الاشكال الي اتذكرها ابدا ما تشجع مع اني لازم اعترف انه حتى انا كان شكلي يفزع في الطفوله، اما الحين شيخ <-- لازم اصحح المعلومه!!

يعني قلت بشوف خاف حد يدخل مزاجي من الدوام ليكن الله يهداهن اكثرهن مكشفات زياده ماهو ستايلي، انا يا خوفي الف و ادور و اقول و اخرتها مردي للبنات الي عنيدنا، و النعم في بناتنا والله a1:

انا ما اعترض على الزواج من برع القبيله ليكن الواحد عاده يتنقى زين و يتأكد إنه ما طار بعيد و الناس ذي بياخذ منهم عاداتهم ما تختلف كثييييييييييير عن عاداتنا، يعني حبه حبه لين ما تصير السالفه عادي، و سلامتكم a7:

اول شي جعل ربي يقصفك انا ردودي قصيره لأني اكتب المختصر المفيد, ولا انا خريج ادبي يعني لو تبا تعبير بكتب لك احسن تعبييير:rolleyes:

بعدين انا احس انه زواج بين الافخاذ هذا منتشر, معادهي كبيره على قولتك.
خخخخخ بس لا انا معاد اقدر آخذ احوليه كلهن انأخذن ياخويه, واللي قعدن ما بيقبلن فيني معايرهم أعلى مني للأسفa3:

وانت والله معاد درينا لك يوم متزوووج و يوم اعززززب ويوم تفكر في الثانيه! الله يعين ذي بيخاذك بس.
بعدين قع غظ البصر ياخوي خل حريم الدوام في حالهنa3:

خلك برع حياتي الاجتماعيه الخاصه لو سمحت، مسمينها خاصه لسبب!!!!! بعدين انا ماطالع ذي عندي في الدوام للمتعه أنا هدفي شريف نظيف عفيف لطيف، شوف تعبيراتي و تعلم يا ادبي انته، درس ببلاش شو تبا بعد a3:

هههه حاضرين يالوالد
انا احسك عمر ابويه عشان كذيه مسويلك احترام و اعتبارa7:
ويلا نبا رأي باقي الأعضاء, و خلك متواصل معانا عشان تعطيهم خبراتك في الحياه

طوط طوط يا لحولي أنا أقول ذا الرد يحتسب كأنه أول مشاركه لك خخ

عالعموم
أنا مابا غير وحده من فخيذتي..
لا تقولوا عنصري، لان عندي اسبابي و أولها
لأني بصراحه أنا عارف انه بنات فخيذتنا أو بالأحرى بنات وشباب فخيذتنا يجري في عروقهم الدم الأزرق..
و بصراحه اشكالهم ما عليهم كلام a1:
و إذا تعمقت في شخصياتهم بتشوف الفرفشه وحب الضحك ومرات الجديه وحب النقاش بحدود و تعقل..
وهااااه أشوووف حد يجي ويقلبلي الموضوع إلى مجالس المصعبين..هذا رايي الشخصي في الزواج
الخلاصه يا سبوله...اقصد يا لحولي خخ
وش ابي اكثر من كذا بالله عليكم يا جماعة الخير a7:

فأقول.....مصعبيه إن شالله بس أقل شي بعد 5 سنوات >>> الفراغ للفخيذه خخخ


يا عصيده بزوم، انته متأكد انك عايش في الإمارات؟؟

اوه اوه اوه!
امانه عليك تقولي وش من فخذ انته شكلي بحول عندكم وقت الحراوه هههههه
ولا تقولي باخذ من نسوانكم بخرب عليك فرصتك اعتقد فارق العمر بينا كبير يعني ماشي منافسه لا تخاف
وما ظنتي اي وحده من اي فخذ بتقدر ترفضني فلا خطبتهاa1: يعني ضامن الموضوع بس ابا اقتراحات كنت.

(كنكم علي ياجماعه؟ اصلا انا نور المنتدى كلامي عسل بس اول مره قلت بسوي موضوع جدي..)

وش ذه التناقض في كلامك يالحولي عادك تقول بناتكم ما يبوك قد حولت و قلت محد بيقدر يرفضك لا تقدمتـ، يعني اصبر شوي لين ما ننسى كلامك قبل ما تبدا تخورط a3:

وانت يالسقراطي انا بمرق مانا بزوم، مع ان الاحوال الاقتصاديه في العالم بدات تسوي عمايلها و كاني سمعت اخبار عن احتماليه استبدال المرق بالزوم مؤقتا بس إن شاء الله اشاعات، المهم وش يعني دمكم ازرق، باردين ولا فيكم مرض نادر فبتتزوجوا بين بعض عشان لا ينتشر؟

حياك اقرب يا رجال أنا اضحي عشانك والله
بعدين وليش تظن انه فارق السن بيننا كبير...ِكلامي لهالدرجه عقلاني ولا مللت بك قل بس انته؟؟
بس شكلك مرره تفكر في هالموضوع 24 ساعه
الله يرزقك ببنت الحلال a7:

يا سبوله قلتلك ذلحييين انه في ناس معاييرهم عاااليه شدا يعني بعترف و بقول اني مانا قدها من الاساس ما بحرج نفسي و اخطب
ليكن ذي تبا شكل ومنصب و أخلاق و ديني مستحيل ترفضنيa3:

وما عليك من لستقراطي ذا مغير ذيب يتمدح في فخذه خله يعجب على نفسه ههه a7:

ههه لا ماهو كبير شدا مغير انته عادك تردس و انا ذيب اشتغل
وشكرا على التضحيه بس لا تقع ترجع في كلامك وقت الصدق ولا بيطلع السلاحa3:

يا لعور وش طلب بناتكم ذي منت قده لا قد عندك الشكل و المنصب و الاخلاق و الدين، حيرتنا!

ايه والله قطبوا قلوبنا يا خوي بالازمة الاقتصاديه!
عالعموم...
انت من جد تتكلم؟ روح اسأل صاحب السمو عن الدم الأزرق لأن هو بعد دمه أزرق يمكن يخصصلك دقيقه في جدول أعماله لو ألقيت عليه قصيده تمدحه في البدايه و بعدين تبدأ تسأل عن الدم الأزرق، ولا اقلك جوجل يمكن ينفعك لان انا والله ماني بمزاج شرح حاليا >> ماهو الشرح = الرقص ترا.. \:D/

أنا قلت دام انه لحولي فهمها، بيفهموها كل الأعضاء خخخخخخخخخ لكن والله طلع ماهو بهين

يا فاهم يا عاقل اقولك هذي آخر فرصه للغلط ذلحين, ولا بجيب لك كل عيال لحول لي عنييد بيتك a3:a3:a3:a3:

ومعصوبه بدينا نشك في اصوله ذلحين هههههه

والله وردودك موثقه! شف شف شف...[-(

وبعدين عاد له وجه يقول..

والله انك تذكرني بالمتهور..صاحب فيردي :-?

السلام عليكم

لي تعليق على كلامكم اخواني هذا قسم لنقاشات الجادة لذلك المفروض ليتم نقاش الموضوع بجدية بدون سخرية أكثر يجب عليكم الحرص على الجدية بالردود لإعطاء الموضوع حقه. وهناك قسم أخر لضحك والفرفشة وأتمنى تميز كل قسم عن الأخر. إضافة إلى ذلك يجب عليكم عدم التطرق في امور خاصة بأي شخص وتجريح الأخرين خصوصاً في هذا القسم الجاد لنقاشات.

بالنسبة لموضوعك أكيد قسمة ونصيب كيف لنا أن نحدد؟! المهم في الأمر هو أن يتم التوافق الفكري والتعليمي وأيضاً المستوى المعيشي بينهم لايهم أن يكون مصعبي أو لا. وهناك ولله الحمد انفتاح لدى المصعبين في إختيار شريك أو شريكة حياتهم ربما في الماضي كانوا مقيدين أكثر بأن المصعبي لمصعبية والعكس المصعبية لمصعبي أما الأن لا.

وأنا لاحظت أنه بالعكس الأن كل مصعبي أصبح يبحث عن غير مصعبية أو من فخيذه أخرى من ما جعل المصعبيات أيضاً يتزوجن بغير مصعبي. وهذا ليس بمحرم شرعاً ولكن ربما عادات وتقاليد "بعض المصعبين" المتعصبة تجعل الأمر أكثر تعقيداً. وهذه الأمور قد تحدث في حالة أن الفتاة أخذت غير مصعبي أو العكس حيث يتم تكبير الموضوع و الحديث عنه بشكل ربما يكون سلبي ومبالغ فيه وهي مشكلة عادات وتقاليد فقط. وكوني فتاة أرى أن بعض الفتيات المصعبيات لايريدن أن يرتبطن بمصعبيين لأنه "البعض منهم" تفكيرهم منغلق أكثر من بعض النواحي ومنع المرأة من بعض من حقوقها التي لم يمنعها منه الشرع (لتوضيح ليس كل المصعبين متشابهين في العادات والتقاليد).

ولكم كل التقدير
شبوانيه

والله يا شبوانيه اكيد ذا الموضوع جاد بما انه في هذا القسم, و انا لو ابا المسخره والضحك كان حطيته في موضوع الفرفشه على قولتش
بس اخواني عطوني رأيهم الجدي و ضحكوني وياهم شوي, معقوله اسكت عنهم واقولهم يسكتوا الليله؟؟
يعني خلينا عقلانين مش يعني دام الموضوع جد لازم ولا حد يقول نكته وحده. ونحنا ردينا على النكته بالنكته, لاحولنا شي جاد ضحكه ولا العكس.

المهم ردا على كلامش انا فاهم ايش قصدش من ناحية الانغلاق, واحب اقولش انه في مصعبيات اصلا ما يمانعون هذا الانغلاق يعني ما يشوفونه كعيب هم كذا تربوا في بيوتهم وكذالك بيعيشوا في بيوت ازواجهم.
بس عجبتني نقطة "المستوى المعيشي", صحيح في ناس تجي من بيوت الله منعم عليها بالخير فشي طبيعي انها قد لا تستطيع تحمل مستوى معيشي اقل (طبعا هذا يختلف من بنت لبنت). واكيد الزوج اصلا لما يخطب يمكن ما يقدر يتحمل نفقات الزواج ومتطلبات اهل الزوجه اذا ما كن من نفس مستوى معيشتهم.
وشكرا على المداخله.

بنسبه لرائي لا اراء مانع من التغير
وخصوصا اذا جاء رجال ذوا خلق ودين ونسب يشرف
وليس المال بشي المهم اهم شي لاخلاق والاصل الطيب
يعني مافيها شي لو المصعبيه اخذت غير مصعبي او العكس اهم شي يكون اصل يشرف وقد المسؤليه
وتذكروا قول الله تعالى
بسم الله الرحمن الرحيم (يأيها الناس إنا خلقناكم من ذكر وأنثى وجعلناكم شعوباً وقبائل لتعارفو إن أكرمكم عندالله أتقاكم).

تقبلوا مروري

هذا الكلام الصح:rolleyes:
شكرا على مرورش..

خخخخ شبوانيه خفي عليهم خليهم يسولفون مابييهم شي لاحقين على الموضوع هههه ..
اول شي اشكرك بعنف على الموضوع المفيد اللي أول مرة يطلع من واحد مثلك يا لحولي ..

ثانيا الصراحه ماشوف فيها مشكله .. يعني لو مصعبي خذ من برا وطاااااااار لبعيد ابعد من مثال معصوبه بمرق .. ونفس الشي للبنت .. دام الريال كفو .. ليش مايوافقون عليه !!

بالنسبه ل هلي ولا واحد من اخواني ال 6 ماخذ مصعبيه .. وخواتي 4 كل وحده في بقعه !! ..
ف ما اشوف فيها شي بالعكس الحمدلله سواء البنت او الريال الكل مرتاح مع نصفه الاخر a1:
وانا لو تنجلب الدنيا على الارض .. ماباخذ مصعبي .. >>> قوية صح ؟
عشان يطلعلي شرات فتى الادغال ..!!!
امييييييييه ..


وشكرا شكرا شكرا شكرا شكرا شكرا وااايد لين بكره .. لان اول مره تحط موضوع اظن .. ومفيد وايد 1

اول شي اضمن ان عيال المصعبي الكرام الاخيار يوافقوا على زواج بنات المصعبي بغير المصعبي...ومايسووا حملات الاحتجاج وقلب الوجيه...او بالاصح خلهم يقبلوا بزواجها خارج فخيذتها بالاول

ساعتها خل يطمروا برى القبيله إن شاء الله اليابان الله معهم

مايقهرني الا بعض العوايل شبابها يتزوجوا من خارج المصعبي بكبرها
وبناتهم ماعليهم كلام...وممنوعات من الزواج بغير المصعبين...هذا اذا وصلهن علم ان واحد خطبهن غير مصعبي

لكن المبدأ الاساسي اكيد قسمة ونصيب وفي امور اهم بنظري من قبيلته...دينه واخلاقه ووضعه المعيشي:rolleyes: وقبيلته في المرتبه الاخيره بنظري..لان في هذا الزمان صار البعض ماياخذ من اسم قبيلته الا اسم في الجواز

وتحياتى لك اخوى لحولي

يا جماعه كفايه اهانات ذلحين مين قص عليكم و قالكم انا مش انسان جدي؟ انا اكبر جدي في المنتدى بس من تحت لتحت ما عليكم مني.

ودام عندش مثال حي من عايلتش اكيد ما فيها مشاكل والامور طيبه عندكم, نحنا نتكلم على العوايل اللي ما قد حصلت فيها زيجات من خارج المصعبين او حتى من خارج فخذها.

ولووول لا تعلقي شدا على فتى الادغال خاف يجيش مزروعي و يطلع راسه اصلب منه ما تعرفين:D

وشكرا على مرورش.

انا عارف كلامش يا اختي
وعشان كذا فاتح الموضوع, لأني شخصيا ما اشوف فيها شي بس فاهم وضع بعض العوايل من هذا الزواج الخارجي.
احس دام الشخص يمني اصلا ما بتحصل ذاك الفرق, اهم شي يكون من عايله زينه و قبيله حسنه حتى لو مش مصعبيه.

هههه والله ما عندي مانع انا من محبي السوشي اصلاa7: وضمنت نعومة شعر عيالي يعني وش ابا اكثر من كذا؟!

مشكوره على المرور الطيب, وقع خفي تهزيأأت على المصعبين شوفيهم قدهم حاطين على النسوان هنا من دون شي[-(

المشكله ان شباب اليوم من المصعبي اشد تصلب ناحية البنت المصعبيه من المصاعبه الكبار

والمشكله انهم ازدواجيين...يعني...مثال واحد ضد دراسة البنت الجامعيه وتوظفها حتى لو بمكان غير مختلط وينظر لبنات المصعبي من هالفئة نظرة دونيه جدا ويراهن فاشلات قليلات تربيه!!!...حتى ان كانت ستتخلى عن الوظيفه وقت الزواج

بالمقابل في مكان عمله المختلط...يمدح الموظفه الفلانيه التي لاتغطي حتى وجهها ويقول محترمه...ومعجب بها ويريدها زوجه؟؟ اي منطق هذا!!

عندما يترك الشباب الازدواجيه ويعاملوا البنت بمنطق ديني وعقلي...حينها سترحمهم البنت من احكامها القاسيه على اختياراتهم
ولاحظ ان من يتزوج خارج قبيلته وفيها بنات كثر في سن الزواج يتعرض لانتقاد اشد ومعايره لادنى خطأ يقع فيه او تقع فيه زوجته الغريبه:bz
خاصة ان من الظلم ان يقال ان الزواج هنا فوق طاقة الشاب..بالعكس على حد علمي...من العيب على والد البنت ان يشترط رقم محدد للمهر..وكثيرا ماساهم اهل البنت في الزواج ...المصعبين للان لم يعانوا من مشكلة غلاء المهور وغيرها من مشاكل يعانيها اخرون..مشكلتهم في تفكيرهم وعقولهم ليس الا..مع انهم متميزون في امور اخرى حتى لا اكون ظالمه لهم

واعتذر ان تكلمت بصراحه بعيدا عن الهزل...لكن الموضوع موضوع جاد يستحق النظر اليه بجديه

ملاحظ هذا الشي و دايما اقوله, رجالنا مريقين اكثر بميت مره من الشباب, و تلاقين اعصابهم بارده و متقبلين لأنواع كثيره من الانفتاح. الشباب تحصلهم مولعين نيراان على اشيا صغيره و ممكن تكون تافهه مرات, و يمكن يحرشوون ابهاتهم بعد على اشيا ماكانوا ملاحظينها. المشكله بهاي الطريق تحصل الولد مولع مشاكل في البيت كامل يعني مضايق امه اول شوي و باقي افراد الاسره وهذا لا يجوز خصوصا لو الولد ما عنده شي بنااء على افعاله و تحصله اصلا راعي بلاوي من نفسه وجاي البيت يبا يسوي نفسه شيخ. هاي تحصل كثير للأسف و هي سبب العديد من المشاكل الأسريه.

بو ويهين يعني هههه
انا فاهم ذا النقطه, بس اريحش من الحين واقولش اللي ما يبا وحده دارسه يا عنده نقص لأنه هو ما كمل دراسته او يحسب انه لو هي ماهي دارسه بتريحهه من صدعة الراس و الطلبات,
انا مادري كيف تفكير بعض الناس من ذا النقطه, يعني ذلحين الواحد كيف ما يتمنى وحده نفس مستواه الفكري؟ شخص تسولف معاه تكلمه و يكون فاهم, يعني تعرف تتحوار وياه و يكون فيه عوامل مشتركه. الرجال يمكن هو اللي يمل بعدين..


هذا صار انفصام شخصيه ههه
أصلا الشخص اللي عنده نضره دينيه للموضوع بتلاقيه ماهو راضي على اي طرف انه يكون في وضع فلان ولا فلان. بس هذا يأكد لش "بو ويهين"

صح الناس تاك الساعه تقوله وش فيهم بناتنا؟ وتحصله يتوهق ما يعرف وش يقول ولا يطلع ميت عذر. عشان كذا الموضوع مفروض ينحل من اصوله يعني من البيوت نفسها مش من نظرة شخص فقط.

طبعا محد يشترط مهر معين, بس الشاب لما يتقدم يكون عارف المتوقع منه. يعني فاهم هاذي العايله وش معايرها و هو يكون في وقت يبا يبيض وجهه قدام عمه و عايلته خطيبته فاصلا ما يستخسر في الموضوع.
مساهمت اهل البنت مش عيب و كثير ما تحصل, وهي تعتبر مساعده خصوصا لو هم في ودهم اشيا معينه و مش قادرين يطلبونها.
بس اصلا المهور ارتفعت لأن الرواتب ارتفعت, و الاسعار ارتفعت يعني هي عمليه حسابيه. فاللي يجيك بمهر مال قبل 10 سنين تحصله يحرج نفسه قبل لا يحرج اي حد.

يووووه نحنا دخلنا في ميت موضوع!! والله تعبت من الجديه ههه
شفتوا كيف انا انسان منفتح:rolleyes: لا يغركم البندق انا مودرنa3:

ليس من المانع ان يتزوج المصعبي من خارج القبيلة اهم شي ان تكون البنت من عائلة حسب ونسب والبنت نفس الطريقة هذا رايي وكل واحد وله نظرية تختلف عن الثاني وتقبل رايي وشكرا لك على موظوعك اخي لحوليtnnnsktnnnsktnnnsk

ليش الشباب هاذيلا ازدواجيين؟ هي يا جماعه لا انفصام بالشخصيه ولا شي، لكن سوء ظن في الجميع..
أنا أظني انه الشباب الي يفكروا بهالعقليه المنغلقه اغلبهم يكونوا جامعيين و مثقفين لكن ما هو أي جامعي و أي مثقف، أقدر احدد النوع بالضبط على إنهم الشباب المتعلمين الضايعين الصايعين..
مثال: واحد يستخدم النت ولا يبي اخته تستخدمه، ليش؟ لأنه يحسب انه مثل ماهو صايع وضايع في النت واستخدامه غلط في غلط، اكيد بتكون اخته نفسه! أو بتتعرض لأشخاص نفسه وبترضاها على نفسها! لكن البنت الي يتعرف عليها اونلاين تكون وشو؟ محترمه خخخ
أو مثلا في شباب يوصلوا لدرجة يمنعون خواتهم يروحون المول، هالنوع نفس الشي لانه مغازلجي يحسب الكل نفسه.. وينسى انه اخته بس رايحه تتسوق..والبنات الي في المول متغطيات ومتنقبات يظلن بالنسبه له محترمات..


وترا بعدني اقول ما باخذ الا من فخيذتي a1: ولو ماشي بنتوجه للزواج من اجنبيات خخخخ

يا فخيذتك يا اجنبيه، لا و ربي إن شاء الله تلقى من فخيذتك ذه الي ناقص قد تراثنا و عاداتنا بدت تندثر و احنا متزوجين في بعض زيد لا نطينا برع بكره بنادي عيالنا جوناثان و سوزي a3:

صح لسناك يالرحال, صدقت اهم شي الحسب و النسب شو ما كانت القبيله.
وشكرا على المرور الطيب!

ترا ياخويه انا بختصرها لك في جمله:
"كلن يرا الناس بعين طبعه"
الصايع شي طبيعي يشوف كل حد اصيع منه بعد,
بس تلاقي اللي نيته صافيه هو اللي مرتاح و مريح اهله
في ناس ما تعترف بضياعه وتقول "انتوا منتوا عارفين الدنيا الكيف" امبلا عارفين و اكثر منك بعد, بس الواحد يخير الاماكن و الاوقات يعني ماجت الحين على ذه.

لو اجنبيه الله يعينك على شيوخ قبيلتنا هههه.

هههه يلا في انتظار ردشa1:

اهلين بو الكاسر,
ايوووه يعني انته تفضل الخارج؟ والله هذا رأيك الشخصي و اكيد لك اسباب ورؤيتك الخاصه
مافيهم شي بنات الناس, الخير في القبايل الثانيه نفس قبيلتنا والله
والله يوفقك فلا أقبلت على حراوه!
اشكر مرورك الطيب.a3:

ياخويه .. الواحد على مايلاحظ يتكلم .. وانته اول مره تحط موضوع فنان .. هذي مدحه هب اهانه ..

تتم هذي الامثال دليل على ان في مصعبين معقدين بمعنى الكلمه ! ..
عندي عمي مايزوج برا العائله لو شو يصير بالدنيا !! حتى لو بنته ماتبغي وعيبه الريال .. غصصصصصب زز>>> ذكرني في مسلسل مصري

ولا تفاول عليه بليز اتقول لي مزروعي .. انا مصعبي ماريد اتقولي لومي :D

تقبل تحياتي ومروري a1:

الله يرزقش ذي تبيهa7:
وانا اكتشفت اني افضل مصعبيه (احوليه لو سمحت لي الضروف بعد) بس احس الزمن تغير و الناس توسعت, يوم يجي ذاك الوقت بشوف رأي الوالده اول شيo:-)

عطيناه اكبر من حقه لأننا ما شفنا له تطبيق في الواقع يا اخوي المستشار
ولا على قولتك كلهم بنات و بنات أخيار بعد, الله يزيد من عباده الصالحين
واشكر مرورك الطيب

ما اشوف انعطى اكثر من حقه خاصه ان الواقع الي حوالينا يثبت ان الزواجات الي عندنا اكثرها اكثرها بعدها بين المصاعبه، يعني صدقني ما هي "صدفه" يوم يتزوجوا بين بعض الأمر مدروس و بعنايه بعد!

و ليه انتوا في جماعتكم منتشر عندكم الزواجات مع القبايل الثانيه؟

بالعكس هالمواضيع تحتاج أرآء ..
وهو هذا اللي يتكلمون عنه يا مستشار .. ليش المصعبي لازم ياخذ مصعبيه او العكس ؟؟
على قولتك كلهم بنات 9 ..!!
هم يبحثون عن الاسباب .. :)