يانفسي الصبر الغنيمة ونا خوش ...محمد صالح المصعبي
يانفسي الصبر الغنيمة ونا خوش=لابد ماربي يسهل فرجها لاتشتكي والجاش بالضيق مجيوش=الا لرب النفس عالم خلجها هو ما تشوفينه فلا حنّت البوش=دلهم سحايبها ورعده لججها وانهل وسميها على قاعه طشوش=أحيا الهشيم ورحمها من لهجها أقولها والكبد يانفسي تحوش=من لوعة أيامي وكثرة حججها جربت أنا الأيام تجريب مدهوش=يرهش قفا الحالي وحصل حدجها الأيام يانفسي لها شرع خردوش=قاصر ولاهو ينفهم في نهجها تضيق في وجه الذي دايم يهوش=وينوش عدوانه ووقعه فلجها كم ربطت بأمراضها عوله وحوش=نشوفهم مرضا ونعجز علجها ماالاش قدهو لاش عظمانه هشوش=مابه زجا للعاليات ودرجها مغشوش نوعه في الرجاجيل مغشوش=لاحد نتع كفه من ايده مرجها أقولها يانفس والراس مدووش=والعين مرقدها بطا ما سهجها من توقها لمشاهدة كل مدغوش=صامل هروجه بالمراجل هرجها أمثال منهو يودع العظم معروش=وان جاع صوته تمتلي به فججها هذاك هو والله له القلب مبشوش=لا سايرك ضوّك يزوّد وهجها لاخلتك الأصحاب وأمسيت مبلوش=والهم مترابت ونفسك زعجها يقبل كما ذودن على المارد عطوش=يترك لك الصافي ويشرب خمجها وان شاف بك عذروب للناس مفتوش=غطاه والحسّاد فعله لطجها راسه على الطالات يشتاط ويشوش=وخيله من البارح لخصمه سرجها يجر سيفه من جفيره على جيوش=ماهو يجرّه للبرع في بهجها عريب في مجناه وأخواله حموش=من طيبهم طيبه تزايد نتجها هذاك له والله يبو طرف مريوش=قم ثنه القهوه وزوّد حوجها لاما يقول الكيف ياحلو منعوش=مشكور منهو بهيلها قد مزجها اللي صديقه يكسب الطول وينوش=وش له يفكّر في السنين وحرجها يانفسي الصبر الغنيمه ونا خوش=والله يجيب أرزاقنا من برجها وسلامتكم |
صح لسانك يا بليق
قصيده تنضح من راس شعري جزل ورائع ويعجز اللسان عن وصف مكامن الابداع فيها في ظل وجود بعض الخلل والكسور فالوزن اللا انك عجبتني وقندت راسي |
مشكور ماقصرت بس وضح وين الخلل والكسور
علما أنها موزونه ميه في الميه راجع نفسك ودمت بخير وعافيه |
هـذاك والله لـه القلـب مبـشـوش لا سايـرك ضـوّك يـزوّد وهجهـا ....... سيفه يجره من جفيره يدحم جيـوش ماهـو يجـرّه للبـرع فـي بهجهـا الشطرين الحمر فيهم خلل فالوزن |
أتمنا تعيد القرايه ونا خوك
تم تعديلها شكرا على تنبيهك غلطنا في الطباعه قدهي ثلاث طباعه لها النت يقطع عندي |
الحين بعد ما تم تعديلها اصبحت القصيده موزونه ميه بالميه على قولتك ^^
|
تغاتالتلااااااااااا
جزاك الله خير على النقل
تحياتي لك |
صح الله لسانك ان اشهدانك شاعر ياالدفيعه وألا الأمام
|
يانفسي الصبر الغنيمة ونـا خـوشلابـد ماربـي يسـهـل فرجـهـا لاتشتكي والجاش بالضيق مجيـوشالا لـرب النفـس عالـم خلجـهـا بليق صح الله لسانك ع القصيده الروعه .والي لكل كلمه معناها .. سلمت ونسأل الله ان يفرج همي وهمك ...! تقبل مروري |
قصيدة روعه مشكور عليها
تحياتي لك |
جميع الأوقات بتوقيت GMT +4. الساعة الآن 05:19 AM. |
المواضيع المطروحة تعبر عن رأي كاتبها ولاتعبر بالضرورة عن رأي إدارة منتديات المصعبين
Powered by vBulletin Version 3.7.4
Copyright ©2000 - 2009, Jelsoft Enterprises Ltd
جميع الحقوق محفوظة @ موقع المصعبين